निशाणी क्र.१ वर आदेश

            तक्रार आणि कागदपत्र पाहीले. तक्रारदार तर्फे वकील जोशी यांचा युक्‍तीवाद ऐकला. तक्रारदार क्र.१ चा मुलगा आणि तक्रारदार क्र.२ चे पती बसाप्‍पा दौलाप्‍पा हरीजन दि.२६.०५.२०२१ ला बजाज डिस्‍कव्‍हर, एम.एच.१०बी.व्‍ही.७६४५ इलेक्ट्रिक खांबाला धडकून मयत झाले. रु.१५,००,०००/- चे ओनर ड्रायव्‍हर इन्‍शुरन्‍स दि.१९.०२.२०२१ ते दि.१८.०२.२०२२ दरम्‍यान काढले होते. वाहनाचे मालक महेश मोहन हाले होते. रु.१५,००,०००/- ओनर ड्रायव्‍हर नुकसानभरपाईसाठी काही प्रिमीयम दिल्‍याचे दिसत नाही. फक्‍त थर्ड पार्टी लायॅबिलीटीचे रु.७५२/- दिलेले दिसतात. मयत वाहनाचे मालक नव्‍हते. त्‍यामुळे सकृतदर्शनी विमा दावा न देऊन जाबदारानी सेवेत त्रुटी केल्‍याचे दिसत नाही. तक्रार दि.०२.०८.२०२१ ला दाखल झाली तेव्‍हा तक्रारदाराचे वकीलानी थोडा युक्‍तीवाद केला. त्‍यानतर दि.०४.०८.२०२१, दि.१०.०८.२०२१ व आज दि.१८.०८.२०२१ तारखा दिल्‍या. वकील युक्‍तीवादासाठी आले नाहीत. वरील कारणासाठी जाबदाराने सेवेत त्रुटी केल्‍याचे दिसत नाही म्‍हणून तक्रार चालणार नाही. तक्रार रद्द केली.