::निकालपत्र::
(पारीत व्‍दारा- सौ.चंद्रिका किशोरसिंह बैस, मा.सदस्‍या.)
(पारीत दिनांक–30 डिसेंबर, 2017)
01. उपरोक्‍त नमुद दोन्‍ही तक्रारदारांनी मंचा समक्ष ग्राहक संरक्षण कायदा-1986 चे कलम-12 खाली दाखल केलेल्‍या तक्रारी हया जरी स्‍वतंत्ररित्‍या वेगवेगळया दाखल केलेल्‍या असल्‍या, तरी नमुद तक्रारींमधील विरुध्‍दपक्ष हे एकच आहेत आणि तपशिलाचा थोडाफार भाग वगळता, ज्‍या कायदे विषयक तरतुदींचे आधारे हया तक्रारी निकाली निघणार आहेत, त्‍या कायदे विषयक तरतुदी सुध्‍दा नमुद तक्रारींमध्‍ये एक सारख्‍याच आहेत आणि म्‍हणून आम्‍ही नमुद दोन्‍ही तक्रारीं मध्‍ये एकत्रितरित्‍या निकाल पारीत करीत आहोत. दोन्‍ही तक्रारी या विरुध्‍दपक्ष महालक्ष्‍मी कंस्‍ट्रक्‍शन तसेच गृहलक्ष्‍मी कंस्‍ट्रक्‍शन एवं लॅन्‍ड डेव्‍हलपर्स विरुध्‍द तिचा प्रोप्रायटर सुरेश कोंडबाजी बुरेवार याचे विरुध्‍द असून दोन्‍ही तक्रारदारानीं आरक्षीत केलेल्‍या भूखंडांचे विक्रीपत्र विरुध्‍दपक्षाने नोंदवून दिले नाही या कारणास्‍तव दाखल केलेल्‍या आहेत.
02. तक्रारदारांचे संक्षीप्‍त कथन खालील प्रमाणे-
विरुध्‍दपक्ष क्रं-(1) ही प्रोप्रायटरी फर्म असून विरुध्‍दपक्ष क्रं-(2) सुरेश कोंडबाजी बुरेवार हा त्‍या फर्मचा प्रोप्रायटर आहे. तक्रारदारांनी स्‍वतःचे निवासासाठी भूखंड विकत घेण्‍याचे ठरविले. विरुध्‍दपक्ष फर्म तर्फे प्रोप्रायटर म्‍हणून श्री सुरेश कोंडबाजी बुरेवार याचा शेतीचे अकृषीक निवासी भूखंडात रुपांतरण करुन विक्रीचा व्‍यवसाय आहे. तक्रारदारांनी विरुध्‍दपक्षाचे मौजा म्‍हसे पठार, तहसिल उमरेड, जिल्‍हा नागपूर येथील पटवारी हलका क्रं-14 खसरा क्रं-45 मधील प्रस्‍तावित ले-आऊट मधील भूखंड विकत घेण्‍याचे ठरविले, त्‍या प्रमाणे त्‍यांनी विरुध्‍दपक्षाशी संपर्क साधून भूखंडाचे इसारपत्र/बयानापत्र करुन घेतले व इसारपत्र/बयानापत्र तसेच मासिक किस्‍तीव्‍दारे भूखंडा पोटी विरुध्‍दपक्षास रकमा अदा केल्‍यात. तक्रारदारानीं विरुध्‍दपक्ष फर्म तर्फे प्रोप्रायटर श्री सुरेश कोंडबाजी बुरेवार याचेशी भूखंडापोटी केलेले इसारपत्र/बयानापत्र, भूखंड क्रमांक, भूखंडाचे एकूण क्षेत्रफळ, भूखंडाची एकूण किम्‍मत, दाखल केलेल्‍या पावत्‍यांच्‍या प्रतींवरुन भूखंडापोटी दिलेली एकूण रक्‍कम इत्‍यादीचा संपूर्ण तपशिल परिशिष्‍ट-अ मध्‍ये दर्शविल्‍या प्रमाणे खालील प्रमाणे आहे-
“परिशिष्‍ट- अ”
अक्रं | तक्रार क्रमांक, त.क.चे नाव तसेच लेआऊटचे वर्णन | भूखंड क्रमांक | भूखंडाचे क्षेत्रफळ चौरसफूट मध्‍ये व प्रतीचौरस फुट दर | भूखंडाची एकूण किम्‍मत | भूखंडाचा इसारपत्र/ बयानापत्राचा दिनांक तसेच रजिस्‍ट्रीची मुदत | भूखंडापोटी अदा केलेली एकूण रक्‍कम (दाखल केलेल्‍या पावत्‍यांच्‍या प्रतींवरुन)व शेवटचे किस्‍तीचा दिनांक | बयानापत्र करुन देणा-या फर्मचे नाव |
1 | 2 | 3 | 4 | 5 | 6 | 7 | 8 |
1 | CC/15/233 सौ.वंदना अनिल शाह मौजा म्‍हसे पठार तहसिल उमरेड, जिल्‍हा नागपूर. प.ह.क्रं-14 खसरा क्रं-45 | 192 | 1500 Sq.Ft. Rs.-35/- Per Sq.Ft. | 52,500/- | Dt-08/09/12 | Rs-52,500 /- Dt.-08/09/2012 | महालक्ष्‍मी कंस्‍ट्रक्‍शन एवं लॅन्‍ड डेव्‍हलपर्स |
| | | Total | 52,500/- | | 52,500/- | |
“परिशिष्‍ट- अ”
अक्रं | तक्रार क्रमांक, त.क.चे नाव तसेच लेआऊटचे वर्णन | भूखंड क्रमांक | भूखंडाचे क्षेत्रफळ चौरसफूट मध्‍ये व प्रतीचौरस फुट दर | भूखंडाची एकूण किम्‍मत | भूखंडाचा इसारपत्र/ बयानापत्राचा दिनांक तसेच रजिस्‍ट्रीची मुदत | भूखंडापोटी अदा केलेली एकूण रक्‍कम (दाखल केलेल्‍या पावत्‍यांच्‍या प्रतींवरुन)व शेवटचे किस्‍तीचा दिनांक | बयानापत्र करुन देणा-या फर्मचे नाव |
1 | 2 | 3 | 4 | 5 | 6 | 7 | 8 |
2 | CC/15/234 प्रकाश नारायण खोब्रागडे मौजा म्‍हसे पठार तहसिल उमरेड, जिल्‍हा नागपूर. प.ह.क्रं-14 खसरा क्रं-45 | 168 | 1500 Sq.Ft. Rs.-25/- Per Sq.Ft. | 37,500/- | Dt-07/01/07 (02Years) | Rs- 33,000/- Dt.-20/04/2009 | गृहलक्ष्‍मी कंस्‍ट्रक्‍शन एवं लॅन्‍ड डेव्‍हलपर्स |
| | | Total | 37,500/- | | 33,000/- | |
टिप- तक्रारकर्त्‍याने तक्रार अर्जात जरी त्‍याने संपूर्ण भूखंडाची किम्‍मत रुपये-37,500/- विरुध्‍दपक्षास दिले असल्‍याचे नमुद केलेले असले तरी त्‍याने तक्रारी सोबत विरुध्‍दपक्षा तर्फे निर्गमित मासिक किस्‍तीचे नोंदीचा दस्‍तऐवज यावरुन त्‍याने रुपये-2000/- प्रमाणे एकूण 14 किस्‍ती भरल्‍याचे त्‍यावरुन दिसून येते तसेच इसारपत्रात रुपये-5000/- मिळाल्‍याचे विरुध्‍दपक्षाने नमुद केलेले आहे, अशाप्रकारे तक्रारकर्त्‍याने भूखंडापोटी एकूण रुपये-33,000/- जमा केल्‍याचा पुरावा आल्‍याने तेवढी रक्‍कम हिशोबात धरण्‍यात येते. उर्वरीत रक्‍कम रुपये-4500/- अद्दापही त्‍याला भूखंडाचे किम्‍मतीपोटी देणे बाकी आहे. |
दोन्‍ही तक्रारदारांचे पुढे असेही म्‍हणणे आहे की, विरुध्‍दपक्षाने त्‍यांना करारातील भूखंडा संबधाने त्‍यांच्‍या-त्‍यांच्‍या नावे स्‍टॅम्‍प पेपरवर बयानापत्र लिहून दिले. दोन्‍ही तक्रारदारानीं भूखंडा पोटी विरुध्‍दपक्षाला रकमा अदा केल्‍यात व पावत्‍या प्राप्‍त केलेल्‍या आहेत. तक्रारदारांचे असेही म्‍हणणे आहे की, त्‍यांनी विरुध्‍दपक्षाला वेळोवेळी करारातील भूखंडाचे विक्रीपत्र नोंदवून देण्‍याची विनंती केली परंतु विरुध्‍दपक्षाने योग्‍य तो प्रतिसाद दिला नाही.
तक्रारदारांनी विरुध्‍दपक्षाला भूखंडाचे विक्रीपत्र करुन मिळण्‍यासाठी कायदेशीर नोटीस रजिस्‍टर पोस्‍टाने पाठविल्‍यात परंतु रजिस्‍टर नोटीस घेण्‍यास नकार या पोस्‍टाचे शे-यासह परत आल्‍यात. अशाप्रकारे विरुध्‍दपक्षाने भूखंडापोटी रकमा स्विकारुनही विक्रीपत्र नोंदवून दिले नसल्‍याने दोषपूर्ण सेवा दिली तसेच अनुचित व्‍यापारी प्रथेचा अवलंब केला, म्‍हणून दोन्‍ही तक्रारदारांनी विरुध्‍दपक्षा विरुध्‍द या स्‍वतंत्र तक्रारी अतिरिक्‍त ग्राहक मंचा समक्ष दाखल करुन पुढील प्रमाणे मागण्‍या केल्‍यात-
(1) तक्रारदारांनी विरुध्‍दपक्षाशी केलेल्‍या करारातील नमुद भूखंडांचे विक्रीपत्र त्‍या-त्‍या तक्रारदारांचे नावे नोंदवून देऊन प्रत्‍यक्ष्‍य मोजमाप करुन ताबे देण्‍याचे विरुध्‍दपक्षाला आदेशित व्‍हावे परंतु करारातील नमुद भूखंडाचे विक्रीपत्र नोंदवून देणे शक्‍य नसल्‍यास तक्रारदारांनी करारातील भूखंडापोटी जमा केलेली एकूण रक्‍कम प्रत्‍यक्ष्‍य अदायगी पावेतो द.सा.द.शे.-18% दराने व्‍याजासह परत करण्‍याचे विरुध्‍दपक्षास आदेशित व्‍हावे.
(2) तक्रारदारांना झालेल्‍या मानसिक, शारिरीक आणि आर्थिक त्रासा बद्दल तसेच भूखंडाचे किमती मध्‍ये झालेल्‍या वाढी बद्दल नुकसान भरपाई आणि नोटीस खर्च व तक्रारीचा खर्च देण्‍याचे विरुध्‍दपक्षाला आदेशित व्‍हावे.
03. विरुध्‍दपक्षा तर्फे तक्रारनिहाय स्‍वतंत्र लेखी उत्‍तर अतिरिक्‍त ग्राहक मंचा समक्ष सादर करण्‍यात आले. विरुध्‍दपक्षाचे उत्‍तरा मध्‍ये विरुध्‍दपक्ष प्रोप्रायटरी फर्म असून सुरेश बुरेवार हा त्‍यांचा प्रोप्रायटर असल्‍याची बाब नाकबुल केली. त्‍यांनी ले आऊटचे माहितीपत्रक छापल्‍याची तसेच ले आऊट मध्‍ये नागरी सोयी सुविधा देण्‍याचे आश्‍वासन दिल्‍याची बाब सुध्‍दा नाकबुल केली. विरुध्‍दपक्षाने तक्रारदारांशी केलेले भूखंडाचे करार मान्‍य केलेत.
विरुध्‍दपक्षा विरुध्‍द न्‍यायालयात गुन्‍हा दाखल झालेला असून, पोलीसांनी गृहलक्ष्‍मी कंस्‍ट्रक्‍शन कार्यालयातील मूळ कागदपत्रानां कुलूप लावलेले आहे, त्‍यामुळे जो पर्यंत मूळ कागदपत्र नाहीत, तो पर्यंत विरुध्‍दपक्ष विक्रीपत्र नोंदवून देऊ शकत नाही. सबब तक्रारदारांच्‍या तक्रारी या खर्चासह खारीज करण्‍याचा आक्षेप विरुध्‍दपक्षा तर्फे घेण्‍यात आला.
04. उपरोक्‍त नमुद तक्रारीं मध्‍ये तक्रारदारानीं तक्रारनिहाय भूखंडाच्‍या करारनाम्‍यांच्‍या प्रती, भूखंडाच्‍या रकमा दिल्‍या बाबत विरुध्‍दपक्ष फर्म तर्फे निर्गमित पावत्‍यांच्‍या प्रती, प्रतीउत्‍तर व लेखी युक्‍तीवाद सादर केला.
05. तक्रारदारां तर्फे वकील श्री जैन यांचा मौखीक युक्‍तीवाद ऐकण्‍यात आला. विरुध्‍दपक्षा तर्फे मौखीक युक्‍तीवादाचे वेळी कोणीही उपस्थित नव्‍हते. तक्रारदारांनी दाखल केलेल्‍या तक्रारी व दस्‍तऐवज तसेच त्‍यावरील विरुध्‍दपक्षाचे लेखी उत्‍तर यावरुन अतिरिक्‍त ग्राहक मंचा तर्फे खालील प्रमाणे निष्‍कर्ष देण्‍यात येतो-
::निष्‍कर्ष::
06. तक्रारदारांच्‍या तक्रारी प्रमाणे त्‍यांनी विरुध्‍दपक्षाचे प्रस्‍तावित ले आऊट मधील करारातील भूखंड विकत घेण्‍याचे ठरविले व त्‍या नुसार उभय पक्षां मध्‍ये सन-2007 व सन-2012 मध्‍ये भूखंड विक्री संबधी करार करण्‍यात आलेत. विरुध्‍दपक्षाचे उत्‍तरा प्रमाणे तक्रारदारांच्‍या संपूर्ण तक्रारी विरुध्‍दपक्षाला मान्‍य नाहीत. विरुध्‍दपक्षाने त्‍याचेशी तक्रारदारानीं करारातील केलेले भूखंडांचे व्‍यवहार व त्‍यापोटी तक्रारदारांनी भरलेल्‍या रकमा या नामंजूर केलेल्‍या आहेत.
तक्रारदारानीं आपल्‍या या म्‍हणण्‍याचे पुराव्‍यार्थ करारातील भूखंड विक्री कराराच्‍या प्रती तसेच करारातील भूखंडापोटी विरुध्‍दपक्ष फर्म मध्‍ये रकमा जमा केल्‍या बाबत पावत्‍यांच्‍या प्रती दाखल केलेल्‍या आहेत त्‍यावरुन त्‍यांचे उपरोक्‍त नमुद कथनास बळकटी प्राप्‍त होते.
07. विरुध्‍दपक्षा तर्फे याच अतिरिक्‍त ग्राहक मंचा समोर दाखल तक्रार क्रं- CC/15/235 ते CC/15/240, CC/15/261, CC/15/266 सौ.संगीता सुनिलकुमार जैन व इतर तक्रारदार या प्रकरणां मध्‍ये एक पुरसिस दाखल करुन त्‍याव्‍दारे आर्थिक गुन्‍हे शाखा, नागपूर शहर यांचे तर्फे विरुध्‍दपक्ष सुरेश कोंडबाजी बुरेवार याचे विरुध्‍द गुन्‍हा नोंदविण्‍यात आलेला असून विरुध्‍दपक्षाचे मालकीच्‍या शहराला असलेल्‍या निरनिराळया जमीनी या गुन्‍हयात संलग्नित करण्‍यात आल्‍यात, त्‍यामध्‍ये मौजा रेहाडी येथील खसरा क्रं-132/3 व 132/4 संलग्नित असून त्‍याच बरोबर मौजा बोरी, घुटी, वारंगा, जुनापाणी, बनवाडी, वेळाहरी, देवळी गुजर, नवरमारी, वरोड, मोहगाव, सालई गोधनी, चिकना, चिमनाझरी, बोरखेडी, घोगली, सोनेगाव, सिंधीविहिरी, झारी, तालुका उमरेड येथील मौजा वडद, ठाणा, धारा, बोथली, पिटीचुहा, डव्‍हा खापारी, घोटी, फुकेश्‍वर, सालई, मरमझरी, कच्‍छीमेठ, म्‍हसेपठार,तालुका सावनेर येथील मौजा जैतगड या मालमत्‍तेची खरेदी विक्री, बक्षीसपत्र, मृत्‍यूपत्र, आममुखत्‍यारपत्र, गहाणखतव्‍दारे हस्‍तांतरण करण्‍यात येऊ नये, या बाबतीत काही आक्षेप असल्‍यास मा.प्रथम वर्ग न्‍यायदंडाधिकारी, कोर्ट क्रं-9 नागपूर यांचे न्‍यायालयात दाद मागावी असे आर्थिक गुन्‍हे शाखा नागपूर शहर यांचे दिनांक-24 सप्‍टेंबर, 2016 रोजीचे पत्रात नमुद केलेले आहे. सदर पोलीस दस्‍तऐवजां मध्‍ये वादातील मौजा म्‍हसेपठार, तहसिल उमरेड, जिल्‍हा नागपूर येथील शेतजमीनीचा सुध्‍दा समावेश आहे. तसेच त्‍या संबधीचा अहवाल प्रथम श्रेणी न्‍यायदंडाधिकारी, कोर्ट क्रं-09, नागपूर यांचे कडे सादर करण्‍यात आलेला आहे.
त्‍या संबधाने विरुध्‍दपक्षाचे वकीलानीं आर्थिक गुन्‍हे शाखा, नागपूर शहर यांनी विरुध्‍दपक्ष सुरेश बुरेवार याला दिलेल्‍या पत्राच्‍या प्रती दाखल केल्‍यात तसेच फौजदारी प्रक्रिया संहिते अंतर्गत जाहिर नोटीस, एफआयआरची प्रत, तसेच श्री मोहन नारायणराव घोरपडे, राहणार अमरावती रोड, वाडी, नागपूर यांनी पोलीस स्‍टेशन गणेशपेठ, नागपूर यांचे कडे विरुध्‍दपक्ष सुरेश बुरेवार याचे विरुध्‍द केलेली लेखी तक्रार अशा दस्‍तऐवजाच्‍या प्रती सुध्‍दा दाखल केल्‍यात.
अतिरिक्‍त ग्राहक मंचा तर्फे येथे स्‍पष्‍ट करण्‍यात येते की, कायद्दाव्‍दारे तक्रारी सोडविण्‍यासाठी ज्‍या काही सोयी शासनाने निर्माण केलेल्‍या आहेत, त्‍यामध्‍ये ग्राहक मंचाची निर्मिती ही अतिरिक्‍त सोय म्‍हणून निर्माण केलेली आहे, कोणत्‍या ठिकाणी जाऊन तक्रार करावी हा अधिकार संबधित व्‍यक्‍तीस आहे, तक्रारदारांनी विरुध्‍दपक्षा विरुध्‍द अतिरिक्‍त ग्राहक मंच, नागपूर येथे तक्रारी दाखल केलेल्‍या असल्‍याने त्‍या सोडविण्‍याचे अधिकारक्षेत्र अतिरिक्‍त ग्राहक मंचास येते, पोलीसांनी नोंदविलेले गुन्‍हे तसेच सदर तक्रारीं मध्‍ये दाखल केलेले न्‍यायप्रविष्‍ट दस्‍तऐवज विचारात घेता नमुद तक्रारीं मधील वादातील विरुध्‍दपक्षाचे मालकीच्‍या मौजा म्‍हसेपठार, तालुका उमरेड, जिल्‍हा नागपूर येथील जमीनी गुन्‍हयात संलग्नित असून त्‍या संबधीचा अहवाल प्रथम श्रेणी न्‍यायदंडाधिकारी, कोर्ट क्रं-09, नागपूर यांचे कडे आर्थिक गुन्‍हे शाखा नागपूर शहर यांनी सादर केलेला आहे आणि या जमीनीच्‍या विक्रीवर प्रकरण न्‍यायप्रविष्‍ट असल्‍याने बंदी घातलेली आहे त्‍यामुळे आता तक्रारदारांच्‍या नावे करारातील नमुद भूखंडाचे विक्रीपत्र विरुध्‍दपक्षाला नोंदवून देण्‍याचे आदेश अतिरिक्‍त ग्राहक मंचास देता येणार नाहीत, त्‍यामुळे दोन्‍ही तक्रारदार हे परिशिष्‍ट अ मध्‍ये नमुद केल्‍या प्रमाणे त्‍यांनी विरुध्‍दपक्षाला भूखंडापोटी अदा केलेली प्रत्‍यक्ष्‍य संपूर्ण रक्‍कम शेवटची किस्‍त जमा केल्‍याचे दिनांका पासून ते रकमेच्‍या प्रत्‍यक्ष्‍य अदायगी पावेतो वार्षिक-12 टक्‍के व्‍याजासह परत मिळण्‍यास पात्र आहेत, असे अतिरिक्‍त मंचाचे मत आहे.
08. तक्रारदारांच्‍या तक्रारी या मुदतीत आहेत, या संदर्भात हे ग्राहक मंच पुढील मा.वरिष्‍ठ न्‍यायालयाच्‍या निवाडयावर आपली भिस्‍त ठेवीत आहे-
“Juliet V. Quadros-Versus-Mrs.Malti Kumar & Ors.”- 2005(2) CPR-1 (NC).
सदर निवाडयामध्‍ये मा.राष्‍ट्रीय ग्राहक आयोगाने असे नमुद केले आहे की, जर भूखंडाचा विकास करणारा विकासक करारा प्रमाणे भूखंडाचा कब्‍जा संबधित ग्राहकास देण्‍यास किंवा त्‍याने जमा केलेली रक्‍कम परत करण्‍यास असमर्थ ठरला तर तक्रार दाखल करण्‍यास सतत कारण (Continuous cause of action) घडत असते. मा. राष्‍ट्रीय ग्राहक आयोगाचे निवाडयात असेही नमुद केले आहे की, जर भूखंडाचा विकास करण्‍यास विकासक/बांधकाम व्‍यवसायिक काही प्रयत्‍न करीत नसेल किंवा त्‍याठिकाणी कुठलेच बांधकाम होत नसेल तर खरेदीदारास मासिक हप्‍ते नियमित भरणे अपेक्षित नाही. त्‍यामुळे असा आक्षेप जर विरुध्‍दपक्ष घेत असेल तर त्‍या आक्षेपाचा कुठलाही विचार करण्‍याची गरज नसते.
09. उपरोक्‍त नमुद प्रकार पाहता यावरुन विरुध्‍दपक्षाला तक्रारदाराचीं एक प्रकारे फसवणूक करावयाची होती, असे म्‍हणणे गैर होणार नाही. या एकाच बाबी वरुन असे म्‍हणता येईल की, विरुध्‍दपक्षाचा, तक्रारदारानां करारा प्रमाणे भूखंड विक्री करुन देण्‍याचा हेतु नव्‍हता आणि तक्रारदारानां कडून रकमा मिळाल्‍या नंतर त्‍यांना केवळ फसविण्‍याचा विरुध्‍दपक्षाचा उद्देश्‍य दिसून येतो.
10. वरील सर्व कारणास्‍तव, आम्‍ही, या निष्‍कर्षाप्रत आलो आहोत की, विरुध्‍दपक्षाने केवळ सेवेत त्रृटीच ठेवली नसून अनुचित व्‍यापारी प्रथेचा अवलंब सुध्‍दा केलेला आहे. तक्रारदारानीं करारातील भूखंडापोटी परिशिष्‍ट-अ मध्‍ये नमुद केल्‍या प्रमाणे विरुध्‍दपक्षाला रकमा दिल्‍याची बाब विरुध्‍दपक्ष फर्म तर्फे
निर्गमित दाखल पावत्‍यांच्‍या प्रतीं वरुन सिध्‍द होते, त्‍यामुळे परिशिष्‍ट- अ मध्‍ये नमुद केल्‍या नुसार त्‍या-त्‍या तक्रारदाराने प्रत्‍यक्ष्‍य विरुध्‍दपक्ष फर्म मध्‍ये जमा केलेली एकूण रक्‍कम, शेवटची किस्‍त अदा केल्‍याचे दिनांका पासून ते रकमेच्‍या प्रत्‍यक्ष्‍य अदायगी पावेते द.सा.द.शे.-12% दराने व्‍याजासह विरुध्‍दपक्षा कडून परत मिळण्‍यास पात्र आहेत. तसेच दोन्‍ही तक्रारदारांना झालेल्‍या शारिरीक व मानसिक त्रासा बद्दल प्रत्‍येकी रुपये-10,000/- नुकसान भरपाई आणि तक्रारीचा खर्च म्‍हणून प्रत्‍येकी रुपये-5000/- विरुध्‍दपक्षा कडून मिळण्‍यास तक्रारदार हे पात्र आहेत.
11. वरील सर्व वस्‍तुस्थितीचा विचार करुन, आम्‍ही उपरोक्‍त नमुद तक्रारीं मध्‍ये खालील प्रमाणे आदेश पारीत करीत आहोत-
::आदेश::
(1) उपरोक्‍त नमुद दोन्‍ही तक्रारदारांच्‍या तक्रारी, विरुध्‍दपक्ष मे. महालक्ष्‍मी कंस्‍ट्रक्‍शन त्‍याच बरोबर गृहलक्ष्‍मी कंस्‍ट्रक्‍शन एवं लॅन्‍ड डेव्‍हलपर्स तर्फे या दोन्‍ही नमुद फर्मचा प्रोप्रायटर श्री सुरेश कोंडबाजी बुरेवार याचे विरुध्‍द अंशतः मंजूर करण्‍यात येतात.
(2) “विरुध्‍दपक्षाला” आदेशित करण्‍यात येते की, त्‍याने तक्रारीतील “परिशिष्‍ट-अ” मध्‍ये नमुद केल्‍या प्रमाणे दोन्‍ही तक्रारदारानीं करारातील भूखंडापोटी विरुध्‍दपक्ष फर्म मध्‍ये प्रत्‍यक्ष्‍य जमा केलेली एकूण रक्‍कम, त्‍या-त्‍या तक्रारदारांना त्‍यांची-त्‍यांची शेवटची किस्‍त जमा केल्‍याचे दिनांका पासून ते रकमेच्‍या प्रत्‍यक्ष्‍य अदायगी पावेतो द.सा.द.शे.12% दराने व्‍याजासह येणारी रक्‍कम विरुध्‍दपक्षाने परत करावी.
(3) तक्रारदारांना झालेल्‍या शारिरीक व मानसिक त्रासा बद्दल प्रत्‍येकी रुपये-10,000/- (अक्षरी प्रत्‍येकी रुपये दहा हजार फक्‍त) आणि तक्रारखर्च म्‍हणून प्रत्‍येकी रुपये-5,000/-(अक्षरी प्रत्‍येकी रुपये पाच हजार फक्‍त) विरुध्‍दपक्षाने उपरोक्‍त नमुद दोन्‍ही तक्रारदारांना द्दावेत.
(4) सदर आदेशाचे अनुपालन विरुध्‍दपक्षाने निकालपत्राची प्रमाणित प्रत प्राप्‍त झाल्‍या पासून 30 दिवसांचे आत करावे.
(5) निकालपत्राच्‍या प्रमाणित प्रती सर्व पक्षकारांना निःशुल्‍क उपलब्‍ध करुन
देण्‍यात याव्‍यात. निकालपत्राची मूळ प्रत ग्राहक तक्रार क्रं-CC/15/233 मध्‍ये लावण्‍यात यावी आणि अन्‍य ग्राहक तक्रारी मध्‍ये निकालपत्राची प्रमाणित प्रत लावण्‍यात यावी.
