तक्रारदारांतर्फे वकील श्री.वसंत जोशी हजर.  

त्‍यांचा तक्रार दाखल करणेकामी युक्तिवाद ऐकण्‍यात आला.

प्रस्‍तुतची तक्रार श्री.किशोर पंडीत होटकर यांचे रिक्षा वाहन चोरीसंदर्भात सामनेवाले विमा कंपनी यांचेकडून घेण्‍यात आलेल्‍या विमा पॉलीसीनुसार विमा रक्‍कम मिळण्‍यासंदर्भात असून, श्री.किशोर पंडीत होटकर यांचे दिनांक 23 मार्च, 2020 रोजी निधन झालेले आहे व प्रस्‍तुतची तक्रार जय भोलेनाथ को.ऑपरेटीव्‍ह क्रेडीट सोसायटी लि. यांनी दाखल केली असून, त्‍यांचे कथनानुसार त्‍यांनी श्री.किशोर पंडीत होटकर यांना सदरील रिक्षासाठी कर्ज दिले असल्‍याने, प्रस्‍तुतची तक्रार दाखल करण्‍याचा त्‍यांना अधिकार आहे.

प्रस्‍तुत तक्रारीतील तक्रारदार-जय भोलेनाथ को.ऑपरेटीव्‍ह क्रेडीट सोसायटी लि. यांनी सामनेवाले विमा कंपनीकडून कोणतीही सेवा घेतलेली नसल्‍याने, ग्राहक संरक्षण अधिनियम, 2019 च्‍या कलम (7) (ii) मधील “ग्राहक” या संज्ञेच्‍या व्‍याख्‍येनुसार तक्रारदार हे सामनेवाले विमा कंपनीचे ग्राहक होत नाहीत.

सबब, प्रस्‍तुतची तक्रार दाखल टप्‍प्‍यावर खारीज करण्‍यात येते.

प्रकरण समाप्‍त.