तक्रारदार यांचे वकील ः- श्री. जितेंद्र जगताप    

आदेश - मा. एम.वाय.मानकर, अध्‍यक्ष,  ठिकाणः बांद्रा (पू.)               

                                                                                 तक्रार दाखलकामी आदेश              

1.  तक्रारदार  यांचे वकील श्री. जितेंद्र जगताप यांना  तक्रार दाखल कामी ऐकण्‍यात आले. त्‍यांनी आपल्‍या निवेदनाच्‍या पृष्‍ठर्थ तीन न्‍यायनिवाडे दाखल केले.

2.   तक्रार व त्‍यासोबत दाखल करण्‍यात आलेली कागदपत्रे पाहण्‍यात आली.

3.   तक्रारदार ही एक कंपनी आहे. त्‍यांनी सामनेवाले यांचेकडून कार्यालयाच्‍या कामकाजाकरीता सॉफ्टवेअर विकत घेतले. परंतू ते अपेक्षेप्रमाणे व भासविल्‍याप्रमाणे नसल्‍यामूळे  ही तक्रार नुकसान भरपाईकरीता दाखल केली. मुख्‍य  मुद्दा म्‍हणजे तक्रारदार कंपनी ही ग्रा.सं.कायदयाप्रमाणे ‘ग्राहक’ ठरते काय? तक्रारदारांनी तक्रार क्र 51/2006 क्रॉन्‍टन ग्रिज लि. + 1  विरूध्‍द डॅमलर क्रिस्‍लेअर इंडिया लि. निकाल तारीख 08/07/2016 व तक्रार क्र 298/2000 में टेक्‍नोमुकूंद कंन्‍सट्रक्‍शन्‍स विरूध्‍द मर्सीडीज बेंझ निकाल तारीख 20/01/2011 या मा. राष्‍ट्रीय आयोगानी दिलेल्‍या न्‍यायनिवाडयाचा तसेच मा. राज्‍य  आयोगानी तक्रार क्र 20/2011 हस्‍ती को.ऑ. बँक लि. विरूध्‍द ऑनवर्डस ई सर्व्हिस लि. निकाल तारीख 24/01/2013 चा  आधार घेतला आहे. निर्विवादपणे  सामनेवाले यांचे, सॉफ्टवेअर हे कंपनीच्‍या कार्यालयाच्‍या उपयोगासाठी होते व हे सॉफ्टवेअर कोणत्‍याही संचालक, अधिकारी व कर्मचा-याच्‍या व्‍यक्‍तीगत  वापरासाठी नव्‍हते. उपरोक्‍त क्रॉटन ग्रिज लि. मध्‍ये मा.  राष्‍ट्रीय आयोगानी परिच्‍छेद क्र 11 (b) मध्‍ये नमूद केल्‍याप्रमाणे जर हा वापर कंपनीच्‍या कामासाठी असेल तर तो वापर वाणिज्‍यीक उद्देशाकरीता आहे असे समजण्‍यात यावा. सबब यावरून हे स्‍पष्‍ट  होते की, तक्रारदारानी सामनेवाले यांची सेवा वाणिज्‍यीक उपयोगाकरीता घेतली होती. त्‍यामुळे ते ग्रा.सं.कायदा 1986 प्रमाणे ‘ग्राहक’ ठरत नाही.  सबब ही तक्रार या मंचात चालु शकत नाही. तक्रारदारानी दाखल केलेले इतर दोन न्‍यायनिवाडे हे क्रॉटन ग्रिजच्‍या निर्णयापूर्वीचे आहेत व त्‍यातील निर्णय हा त्‍या प्रकरणातील बाबीवर आधारीत आहे.

4.  उपरोक्‍त चर्चेप्रमाणे खालील आदेश पारीत करण्‍यात येतो.

                        आदेश

1. तक्रार क्र. 475/2016 ग्रा.सं.कायदा कलम 12(3) प्रमाणे फेटाळण्‍यात येते.
2. खर्चाबाबत आदेश नाही.
3. आदेशाच्‍या प्रती उभयपक्षांना निःशुल्‍क पाठविण्‍यात याव्‍या.
4. अतिरीक्‍त संच तक्रारदारांना परत करण्‍यात यावे.                 

      npk/-