तक्रारदाराने सदरचा अर्ज गैरअर्जदारा विरुध्‍द खोटे बिल आकारले म्‍हणून केला आहे. तक्रारदारांच्‍या म्‍हणण्‍याप्रमाणे त्‍यांनी त्‍याच्‍या हॉटेल पूजासाठी व्‍यावसायिक दाराने गैरअर्जदार यांचेकडून वीज पुरवठा घेतला होता व ते त्‍याप्रमाणे विद्युत देयके भरत होते. दिनांक 22.09.2011 रोजी उप कार्यकारी अभियंता, भरारी पथक यांनी अर्जदाराच्‍या हॉटेलची तपासणी करुन अर्जदाराच्‍या विद्युत पुरवठा घरगुती कारणासाठी दिलेला असताना तो व्‍यावसायिक म्‍हणून वीज वापरत होता असा खोटा अहवाल दिला व भारतीय विद्युत कायदा कलम 126 प्रमाणे बिल दिले जे अवाजवी आहे. तक्रारदारांनी या विरुध्‍द दिवाणी न्‍यायाधिश कनिष्‍ठ स्‍तर, जालना येथे दिवाणी दावा क्रमांक 622/2013 दाखल केला. सदरचा दावा न्‍यायालयाने अर्जदाराला दिवाणी न्‍यायालयात दाद मागता येत नाही म्‍हणून फेटाळला आहे. सबब तक्रारदारांनी सदरची तक्रार दाखल केली आहे व त्‍या अंतर्गत अंतरिम अर्ज देखील केला आहे.

      तक्रारदाराचे विद्वान वकील श्री.जाधव यांचा प्राथमिक युक्‍तीवाद ऐकला. त्‍यांचा युक्‍तीवाद व दाखल केलेल्‍या कागदपत्रांवरुन तक्रारदार यांनी गैरअर्जदार क्रमांक 2 व 3 यांनी भारतीय विद्युत कायदा 126 अंतर्गत केलेल्‍या कारवाई विरुध्‍द दाद मागितली आहे असे स्‍पष्‍ट दिसते.   

U.P.Corporation of India V/s. Anis Ahmad (Civil Appeal No.5466/2012) यात पुढील प्रमाणे निकाल दिला आहे त्‍यानुसार“Acts of person in indulging in unauthorized use of electricity do not fall within the meaning of Complaint There fore Complaint against assessment u/s 126 of The Electricity Act is not maintainable before the consumer forum.”

            वरील विवेचनावरुन सदरची तक्रार भारतीय विद्युत कायदा कलम 126 नुसार आहे. त्‍यामुळे मा.सर्वोच्‍च न्‍यायालयाच्‍या उपरोक्‍त निकालाचा विचार करता सदरची तक्रार चालविण्‍याचे या मंचाला अधिकारक्षेत्र नाही असा निष्‍कर्ष मंच काढत आहे. म्‍हणून मंच खालील आदेश पारित करत आहे.