निकाल

                       दिनांक- 01.12.2014

                  (द्वारा- श्रीमती मंजुषा चितलांगे,सदस्‍या  )

           तक्रारदार यांनी सदरील तक्रार ग्राहक संरक्षण कायदा 1986 कलम 12 अन्‍वये सामनेवाले  यांनी तक्रारदार यांना सेवा देण्‍यात कसूर केला म्‍हणून  नुकसान भरपाई मिळणेसाठी दाखल केली आहे.

             तक्रारदारांची तक्रार थोडक्‍यात खालील प्रमाणे, तक्रारदार हा सुमारे 30 वर्षापासून सामनेवाले यांचा ग्राहक आहे. तक्रारदार यांनी सामनेवाले यांचेकडून ग्राहक क्र.576010084457 द्वारे विज जोडणी घेतलेली आहे. तक्रारदाराचे घर तिन रुमचे आहे. त्‍यांचे घरात एकूण चार सदस्‍य आहेत. त्‍यांचे घरात तीन सी.एफ.एल. बल्‍ब, एक टयुब, दोन फॅन,

 एक मिक्‍सर इत्‍यादी वस्‍तू आहेत.  तक्रारदार हे नियमितपणे विज बिल भरतात.  सामनेवाले हयांनी तक्रारदार यांचे विज वापराचे मोजमाप करण्‍यासाठी नवीन डिजीटल मिटर मार्च 2013 मध्‍ये बसवले आहे. त्‍यांनी मागील रिडींग 1368 दाखवून दि.18.3.2013 ते 18.04.2013 या महिन्‍याचे एकूण विज वापर 49 युनिट दाखवून चालू रिंडीग 1417 अशी असून बिल रु.250/- चे दिलेले आहे. त्‍यांचा भरणा तक्रारदाराने दि.28.05.2013 रोजी केला.   मे, जून, जूलै व ऑगस्‍ट या चार महिन्‍याचे देयक सामनेवाले यांनी तक्रारदार यांना दिले नाही. दि.8..11.2013 रोजी देयक क्रमांक 5361 प्रमाणे दि.18.09.2013 ते 18.10.2013 या एक महिन्‍याचे बील रु.469.81 पैसे देऊन थकबाकी रु.2782.70 पैसे व व्‍याजाची रककम रु.31.57 असे एकूण रु.2814.27 दाखवलेले आहे. एकूण विज वापर 85 युनिट तसेच मागिल रिंडीग 370 असे एकूण रु.3280/- चे देयक दिले आहे.  सदर विज देयक तक्रारदाराने दि.8.11.2013 रोजी भरले आहे. सामनेवाले हे रिडीग न घेता बिले देतात, तसेच फोटो काढत नाहीत, तसेच ऑफिस मध्‍ये बसल्‍या बसल्‍या मनाने रिंडीग दाखवून जास्‍तीचे व चूकीचे विज बिले दिले आहेत या बाबत त्‍यांना सांगितले असता सामनेवाले म्‍हणाले की तुम्‍ही काळजी करु नका आम्‍ही संगळ काही व्‍यवस्थित करतो. परंतु दि.18.10.2013 ते 18.11.23013 या महिन्‍याचे विज देयक रु.480/- असे देण्‍यात आले त्‍यात एकूण विज वापर 85 यूनिट  हा नोव्‍हेंबर 2013 या महिन्‍याचा दाखवला आहे.  सदर देयक दि. 11.12.2013 रोजी तक्रारदाराने भरले आहे.  नंतर परत दि.18.12.2013 ते 18.01.2014 या कालावधीचे देयक रक्‍कम रु.23,270/- चे चूकीचे दिलेले आहे.  तक्रारदाराने दि.26.11.2013 रोजी मागील थकबाकी रु.2782.70 व नोव्‍हेंबर 2013 चे विज बिल रु.469.81 असे एकूण रु.3280/- दि.26.11.2013 रोजी भरले आहे.   तक्रारदार हा साधारणपणे कमीत कमी व जास्‍तीत जास्‍त 50 ते 100 युनिट प्रत्‍येक महिन्‍याला वापरत असतो. तक्रारदारास आतापर्यत रु.250/-,रु.480/-, रु.463/- व रु.485/- असे बिले आलेली आहेत व त्‍यांचा भरणा सामनेवाले यांचेकडे तक्रारदाराने केलेला देखील आहे. 

            अचानक दि.8.2.2014 रोजीचे देयकावर डिसेंबर 2013 मध्‍ये युनिट 2338 चा विज वापर दाखवला असून सदर देयकामध्‍ये चूकीचा विज आकार दाखवला आहे.  सदर देयकामधील रक्‍कम रु.22,780.53 तक्रारदार हा सामनेवाले यांस देणे लागत नाही.  याबाबत तक्रारदाराने दि.17.02.2014 रोजी लेखी अर्ज देउन  रु.,23,270/- चे बिल चूकीचे दिले असून ते रदद करावे असे सांगितले.  परंतु त्‍यांनी सदर बिल रदद केलेले नाही. तक्रारदाराकडे विज बिलासंबंधी कसल्‍याही प्रकारची थकबाकी नाही. सामनेवाले हे तक्रारदारास विज जोडणी तोडण्‍याची धमकी देत आहेत. चूकीचे देयक देऊन सामनेवाले यांनी तक्रारदार यांना दयावयाच्‍या सेवेत त्रूटी ठेवली आहे. तक्रारदाराची विनंती की, तक्रारदारास जास्‍तीचे दिलेले विज देयक रदद करुन नवीन मिटर बसवून देण्‍याचे आदेश व्‍हावेत, तसेच दि.8.2.2014 रोजी दिलेले रु.22780.53 चे देयक रदद करावे, तक्रारदारास झालेल्‍या आर्थिक, मानसिक व इतर त्रासापोटी रक्‍कम रु.50,000/- मिळावेत.

            सामनेवाले हे मंचासमोर हजर झाले व त्‍यांनी नि.24 अन्‍वये आपले लेखी म्‍हणणे दाखल केले आहे. हे मान्‍य नाही की, तक्रारदारास मे, जून, जूलै व ऑगसट चे देयक दिले नाही.सामनेवाले यांनी नियमाप्रमाणे देयके दिलेली आहेत. तक्रारदाराने सामनेवाले यांचेकडे कधीही तोंडी व लेखी तक्रार केलेली नाही. हे मान्‍य नाही की, रक्‍कम रु.23,270/- चे बिल चूकीचे आहे.  तक्रारदारास नियमाप्रमाणे विज बिल देण्‍यात आलेले आहे. हे मान्‍य नाही की, तक्रारदार यांचा विज वापर कमीत कमी व जास्‍तीत जास्‍त 50 ते 100 यूनिट आहे. सामनेवाले यांचे म्‍हणणे की, मिटर बदलाचा रिपोर्ट आला नसल्‍यामुळे तक्रारदारास काही देयक सरासरी युनिट‍ प्रमाणे देण्‍यात आलेली आहेत. तक्रारदाराकडे पूर्वी जूने मिटर 01927351 या क्रमांकाचे विज मिटर होते ते जून 2013 मध्‍ये बदलून नवीन मिटर क्र.1452532 असे बसविण्‍यात आले. मिटर बदलाचा रिपोर्ट उशिरा आल्‍यामुळे त्‍यांस सरासरी यूनिट प्रमाणे विज देयक देण्‍यात आले. डिसेंबर 2013 मध्‍ये ज्‍यावेळी चालू मिटर रिंडीग 2708 होती, मागील देयक जे तक्रारदाराने भरलेली आहेत ती देयक वगळून तक्रारदारास 2338 युनिटचे देयक देण्‍यात आलेले आहे. जे की तक्रारदाराने वापरलेल्‍या मिटर रिडींग प्रमाणे देण्‍यात आलेली आहेत.  तक्रारदारास त्‍यांने वापरलेल्‍या मिटर रिडीगप्रमाणे देयक देण्‍यात आलेली असून त्‍यांस लागलेले अतिरिक्‍त चार्जेसही एप्रिल 2014 च्‍या देयकामधून रु.5890/- कमी करुन देण्‍यात आलेले आहे. तक्रारदाराची नैतिक जबाबदारी आहे की, थकबाकीची रक्‍कम जमा करणे आवश्‍यक आहे.  तक्रारदाराची विज देयके भरण्‍याची इच्‍छा दिसून येत नाही. देयके न भरण्‍यासाठी तक्रारदाराने सामनेवाले यांचे विरुध्‍द खोटी तक्रार दाखल केली असून सदरची तक्रार खर्चासह खारीज करण्‍यात यावी.

            तक्रारदार यांनी स्‍वतःचा पुरावा नि.26 अन्‍वये दाखल केला आहे. तसेच नि.6 अन्‍वये  कागदपत्र दाखल केली आहेत. तसेच सामनेवाले यांनी नि.25 अन्‍वये पुराव्‍याचे शपथपत्र दाखल केले आहे. सामनेवाले यांनी  कागदपत्र दाखल केले आहे. तक्रारदार यांनी दाखल केलेला पुरावा व कागदपत्र तसेच सामनेवाले यांनी दाखल केलेला पुरावा व कागदपत्र यांचे अवलोकन केले. तक्रारदाराचे वकील श्री.गायकवाड व सामनेवाले यांनी वकील श्री. पाटील यांचा यूक्‍तीवाद ऐकला. न्‍यायनिर्णयासाठी खालील मुददे उपस्थित होतात.

            मुददे                                                  उत्‍तर

 1.    सामनेवाले यांनी तक्रारदार यांना चुकीचे विज देयक देऊन सेवेत

      त्रुटी ठेवली ही बाब तक्रारदार शाबीत करतात काय ?                        होय.                                       .2.    तक्रारदार तक्रारीत मागणी केलेली नुकसान भरपाई मिळण्‍यास

      पात्र आहेत काय ?                                             होय.  

3.    काय आदेश ?                                         अंतिम आदेशाप्रमाणे.

                              कारणमिंमासा

मुददा क्र.1 व 2ः-

              तक्रारदाराचे वकील श्री.गायकवाड यांनी असा युक्‍तीवाद केला की, तक्रारदार हे सामनेवाले यांचे ग्राहक आहेत. तक्रारदाराचे घर हे फक्‍त तिन रुमचे आहे. तक्रारदार हे नियमित प्रमाणे सामनेवाले यांचे विज देयकाचा भरणा केलेला आहे. सामनेवाले यांने तक्रारदारास डिसेंबर 2013 ते जानेवारी 2014 पर्यतचे रक्‍कम रु.23,270/- चे देयक हे चुकीचे दिले आहे. हे बेकायदेशीर असून मिटर रिंडीग प्रमाणे नाही. त्‍या बाबत तक्रारदार यांनी सामनेवाले यांच्‍याकडे अर्ज देऊनही सामनेवाले यांनी त्‍यांची दखल घेतली नाही. तक्रारदार यांचे विज वापर हे घरगुती आहे. तक्रारदार आतापर्यत रु.250/-, रु.480/-, रु.463/-. असे विज देयके आलेली आहेत. सामनेवाले यांनी चूकीचे बिल देऊन सेवेत त्रूटी ठेवली आहे. म्‍हणून तक्रारदार यांची विनंती की, त्‍यांची मागणी मान्‍य करण्‍यात यावी.

            सामनेवाले यांचे वकील श्री.पाटील असा युक्‍तीवाद केला की, तक्रारदारास मिटर रिंडीग प्रमाणे विज देयके दिली आहेत. डिसेंबर 2013 मध्‍ये 2705 मिटर रिंडीग होती. तक्रारदारास 2338 युनिटचे देयक मिटर रिंडीग प्रमाणे देण्‍यात आले आहे. तसेच एप्रिल 2014 च्‍या देयकामधून तक्रारदाराचे अतिरिक्‍त चार्जेस म्‍हणून रु.5890/- कमी करुन देण्‍यात आले. तक्रारदार मिटर रिंडीग प्रमाणे योग्‍य विज देयके दिली आहे. तक्रारदारास सेवा देण्‍यात त्रूटी ठेवली आहे असे म्‍हणता येणार नाही. सबब, तक्रारदाराची तक्रार रदद करण्‍यात  यावी.

            वर नमूद केलेला युक्‍तीवाद लक्षात घेतला. तक्रारदार यांनी दाखल केलेले कागदपत्र व सामनेवाले यांनी दाखल केलेले कागदपत्र यांचे अवलोकन केले. तक्रारदार यांनी वादातील बिल वगळता सर्व विज देयके सामनेवाले यांच्‍याकडे नियमित भरलेली आहेत. तक्रारदार यांनी सदरचा विज पुरवठा घरगुती वापरासाठी घेतलेला आहे. तक्रारदार हे नियमित विज देयक भरणा करीत होते. तक्रारदार यांनी दाखल केलेले विज देयक यांचे अवलोकन केले असता तक्रारदारास येणारे विज वापर हे साधारणतः महिन्‍याला 90,85,85,124, युनिट वापर झालेले निदर्शनास आले. सामनेवाले यांनी  तक्रारदारास दिलेले 2238 युनिट वापर बेकायदेशीर आहे. त्‍याबाबत दिलेले रक्‍कम रु.22,780/- चे हे एका महिन्‍याचे बिल येऊ शकत नाही. यांचा अर्थ सामनेवाले यांनी योग्‍य रितीने मिटरचे वाचन न करता अवास्‍तव विज देयक दिली आहेत. अवास्‍तव विज देयक देऊन तक्रारदारास सेवा देण्‍यात कसूर केला आहे. सदरील  बिल हे रदद होण्‍यास पात्र आहे. सामनेवाले यांनी दाखल केलेले कागदपत्र यांचे अवलोकन केले  मिटर Replacement report  वर तक्रारदाराची सही नाही. तसेच  Spot Inspection report  त्‍यावर सुध्‍दा तक्रारदाराची सही नाही. सामनेवाले यांनी अतिरिक्‍त चार्जेस म्‍हणून रक्‍कम कमी केली आहे. ते मार्च 2014 मध्‍ये केले आहे. तक्रारदार यांचा विज वापर हा घरगुती वापरासाठी आहे. त्‍यामुळे सामनेवाले यांचा बचाव हा स्विकार्य नाही. यावरुन मंचाचे असे मत आहे की, सामनेवाले यांनी तक्रारदारास एका महिन्‍याचे अवास्‍तव देयक देऊन सेवेत त्रूटी ठेवली आहे. तक्रारीतील वादातील बिल हे रदद होण्‍यास पात्र आहे. सामनेवाले यांना निर्देश देण्‍यात येतो की, अवास्‍तव दिलेले देयक दूरुसत करुन तक्रारदार यांना दयावेत व तक्रारदार यांचा विज पुरवठा खंडीत करु नये. तसेच तक्रारदार यांना झालेल्‍या मानसिक त्रासापोटी रक्‍कम रु.2000/- व तक्रारीचा खर्च रक्‍कम रु.1000/- सामनेवाले यांनी दयावा.

            मुददा क्र.1 व 2 चे उत्‍तर होकारार्थी देण्‍यात येते.

            सबब, मंच खालीलप्रमाणे आदेश देत आहे.

                         आदेश

            1)  तक्रारदारांची  तक्रार मंजूर  करण्‍यात येत आहे.          

2)  सामनेवाले क्र.1 ते 3 यांना आदेश देण्‍यात येतो की, विज देयक रक्‍कम

    रु.22,780/- चे रदद करण्‍यात यावे, तक्रारदार यांना मिटर रिंडीग प्रमाणे 

     नवीन देयक निकाल कळाल्‍यापासून 30 दिवसांचे आंत दयावे.

3)   सामनेवाले क्र.1 ते 3 यांना आदेश देण्‍यात येतो की, तक्रारदार   

    यांना शारिरीक  व मानसिक त्रासापोटी रक्‍कम  रु.2,000/- व 

    तक्रारीच्‍या खर्चापोटी  रककम रु.1000/- दयावेत.

5)  ग्राहक संरक्षण कायदा 1986 चे अधिनियम 2005 मधील कलम

                20 (3) प्रमाणे तक्रारीतील सदस्‍यांचे संच तक्रारदाराला परत

                करावेत.

      श्री.रविंद्र राठोडकर,       श्रीमती मजुंषा चितलांगे           श्री.विनायक लोंढे         

           सदस्‍य                 सदस्‍या                      अध्‍यक्ष     

                     जिल्‍हा ग्राहक तक्रार निवारण मंच, बीड