तक्रारदाराची तक्रार थोडक्‍यात अशी की, अर्जदार हा मत्‍सोदरी मत्‍स्‍य सहकारी संस्‍था यांचा चेअरमन आहे व वरील संस्‍था गेल्‍या दहा वर्षापासून आपला व्‍यवसाय करत आहे.

अर्जदारांनी 2011-2012 या वर्षासाठी रुपये 2,100/- चे चलन गैरअर्जदारांकडे जमा करुन सिरनेर व वलखेडा या तलावातील मत्‍स्‍य व्‍यवसायाचा ठेका घेतला. परंतू सदरचा तलाव राखीव व वनक्षेत्रात असल्‍याने गैरअर्जदार 3 यांनी मत्‍स्‍य व्‍यवसाय बंद करावा असे पत्र तक्रारदाराला दिले. त्‍यामुळे तक्रारदाराचे रुपये 3,00,000/- एवढे नुकसान झाले अशी तक्रारदाराची तक्रार आहे.

तक्रारदार हा मत्‍सोदरी सहकारी संस्‍थेचा चेअरमन आहे. ही संस्‍था मोठया प्रमाणावर मत्‍स्‍य व्‍यवसाय करत आहे. संस्‍थेचे वार्षिक उत्‍पन्‍न रुपये 2,50,000/- ते 3,00,000/- एवढे आहे. त्‍यामुळे तक्रारदार हा ग्राहक संरक्षण कायदा कलम 2 (1) (ड) मधील ग्राहक या संज्ञेत बसत नाही.

त्‍याच प्रमाणे गैरअर्जदार क्रमांक 1 ते 3 देखील अर्जदाराला कोणतीही सेवा पुरवत नाहीत. योग्‍य ती रक्‍कम चलनाद्वारे घेवून मत्‍स्‍य व्‍यवसाय करण्‍याचा ठेका देणे ही सेवा पुरवणे होत नाही. सबब सदरची तक्रार चालवण्‍याचा या मंचाला अधिकार नाही. असे या मंचाचे मत आहे.

म्‍हणून मंच ही तक्रार प्राथमिक अवस्‍थेत फेटाळत आहे.