तक्रारदार व त्‍यांचे वकील गैरहजर. सदर प्रकरण दाखलपूर्व सुनावणीकरीता आहे. हे प्रकरण मागील दोन तारखांपासून वाढल्‍यामुळे आज आम्‍ही तक्रारदाराचा तक्रार अर्ज काळजीपूर्वक वाचला. त्‍यावरुन असे दिसून येते की, तक्रारदाराविरुध्‍द वीज चोरीची केस दाखल होती. सदर प्रकरण प्रलंबित असताना थकीत वीज बिलाची रक्‍कम भरण्‍याकरीता तक्रारदार यास नोटीस पाठविण्‍यात आली. त्‍यानंतर तक्रारदार यांनी वादातील रक्‍कम वीज मंडळाकडे भरली. नंतर कालांतराने तक्रारदाराविरुध्‍द असलेल्‍या वीज चोरीची केस बंधनकारक नियम न पाळता वीज मंडळाने केल्‍यामुळे  संशयाचा फायदा घेऊन सदर केस निकाली काढण्‍यात आली. अशा परिस्थितीत या  प्रकरणातील वादग्रस्‍त रक्‍कम ही वीज चोरीच्‍या केस चालवणा-या न्‍यायालयाच्‍या अधिकार क्षेत्रात आहे. 1 जानेवारी 2013 नंतरच्‍या कालावधीच्‍या वीज वापराची रक्‍कम या कार्यवाहीमध्‍ये आज परत केली तर 1 जानेवारी 2013 पासून पुढील कालावधीकरता प्रत्‍यक्ष वापरलेली वीज तक्रारदारास विनामुल्‍य दिली अशी परिस्थिती निर्माण होते, असे गृहीत धरुन या ग्राहक मंचास या रकमेबाबत आदेश देण्‍याचा अधिकार नाही असे आम्‍ही समजतो. त्‍यामुळे हे प्रकरण निकाली काढण्‍यात येते.

उशीराने – तक्रारदाराचे वकीलाचे प्रतिनिधी आले. त्‍यांनी मुदतवाढीचा अर्ज नि.5 दाखल केला. परंतू एक तासापूर्वीच नि.1 वर आदेश पारीत करुन प्रकरण निकाली काढले आहे.