निशाणी नं.१ वरील आदेश

(१)       तक्रारदार यांनी, सामनेवाले वीज कंपनीने सेवेत त्रुटी केली म्‍हणून  त्‍यांचेकडून संबंधित वीज बिल रद्द होऊन मिळावे व  नुकसान भरपाई मिळावी या मागणीसाठी सदरचा तक्रार अर्ज, ग्राहक संरक्षण कायदा कलम १२ अन्‍वये या मंचात दाखल केला आहे.   

(२)       सदर प्रकरणी मंचासमोर कामकाज सुरु असतांना दि.१६-०४-२०१४ रोजी तक्रारदारांच्‍या विद्वान वकीलांनी पुरसीस दाखल केली असून, त्‍यात खालील मजकूर नमूद आहे. 

          “सदर प्रकरणी जा.देणार यांनी तक्रारदाराचे बील दुरुस्‍त केल्‍याने व आपसात समझोता झाल्‍याने, तक्रारदारास सदरची तक्रार चालविणे नाही.  सबब सदरची तक्रार काढुन टाकण्‍यात यावी ही विनंती.”

(३)       उपरोक्‍त पुरसीसचे अवलोकन करता, तक्रारदार व सामनेवाले यांचेत मंचाबाहेर समझोता झाला आहे व प्रस्‍तुत तक्रारीस कोणतेही कारण शिल्‍लक राहिलेले नाही, असे दिसून येते. त्‍यामुळे तक्रारदारांची पुरसीस मंजूर करण्‍यात आली आहे.  सबब सदरची तक्रार निकाली काढणे योग्‍य होईल असे मंचाचे मत आहे.  

(४)      उपरोक्‍त विवेचनाचा विचार करता, खालील प्रमाणे आदेश पारित करण्‍यात येत आहे.

आदेश

(अ)  तक्रारदारांची तक्रार निकाली काढण्‍यात येत आहे.

(ब)  तक्रार अर्जाचे खर्चाबाबत कोणताही आदेश नाही.

धुळे.

दिनांकः  १६-०४-२०१४