आदेश दि.29.07.2022    द्वारा:- मा. अध्‍यक्षा –सौ. सविता पी.भोसले.

निशाणी क्र.1 खालील आदेश            

      फिर्यादी हजर. फिर्यादी तर्फे प्रस्‍तुतचे काम क्रम सोडून बोर्डावर घेणेचा अर्ज दिला. अर्ज मंजूर करण्‍यात आला. फिर्यादीने आजरोजी पुरसिस दाखल केली की, फिर्यादी व आरोपी यांचेमध्‍ये तडजोड होऊन आरोपी हे फिर्यादीचे वाहन हप्‍ता भरुन परत देणेस तयार आहेत. फिर्यादी व आरोपी यांचेतील वाद संपुष्‍टात आलेला आहे. त्‍यामुळे फिर्यादी यांना सदरचे काम पुढे चालविण्‍याचे नाही. या कारणान्‍वये सदरची तक्रार निकाली काढण्‍यात यावी. सदर पुरसिस पाहता प्रस्‍तुत किरकोळ अर्ज पुढे चालविणेकरीता कोणतेही संयुक्तिक कारण व वाद राहीलेले नाहीत. सदरहू किरकोळ अर्ज फिर्यादीच्‍या आज दि.29/07/2022 रोजीच्‍या पुरसिसप्रमाणे निकाली काढणेत येतो. प्रस्‍तुतचे प्रकरण नस्‍तीबंद करुन दफ्तरी दाखल करणेत येते.

                      - आ दे श –

1. फिर्यादीचा किरकोळ अर्ज निकाली काढणेत येतो.

2. सदर किरकोळ अर्जामध्‍ये फिर्यादीने दाखल केलेली आज दि.29/07/2022 रोजीची पुरसिस या आदेशाचा एक भाग आहे.

3. सदर आदेशाच्‍या सही शिक्‍याच्‍या प्रतिलिपी उभय पक्षकारांना नि:शुल्‍क देण्‍यात याव्‍यात.