(मा. अध्‍यक्ष, श्री. संजय वा. पाटील यांच्‍या आदेशान्‍वये)

1. आम्‍ही तक्रारकर्ते यांचा युक्‍तीवाद ऐकला. तक्रारकर्त्‍याची थोडक्‍यात तक्रार अशी आहे की, त्‍याने त्‍याचे शेतातील ३१.५ क्विंटल कापुस दिनांक २६/१२/२०१७ रोजी व २६.८० क्विंटल कापुस दिनांक ६/३/२०१८ रोजी फ्रुटान अॅग्रो प्रायव्‍हेट लिमी. मौजा कारंजा, जिल्‍हा वर्धा येथील जिनींग फॅक्‍टरी मध्‍ये विक्रीकरीता दिला. परंतु विरुध्‍द पक्ष यांनी सदरहु मालाची किंमत तक्रारकर्ते यांना दिली नाही आणि पुढे वारंवार मागणी करुनही तक्रारकर्ते यांची रक्‍कम दिली नाही म्‍हणून वर्तमान तक्रार दिनांक २८/१/२०२१ रोजी दाखल केली. सबब तक्रारकर्ते यांनी वर्तमान तक्रार ही मुदतीत दाखल केल्‍याची दिसून येत नाही तसेच तक्रारकर्ते यांनी कोणताही माल विरुध्‍द पक्ष यांचेकडुन खरेदी केला नाही. तक्रारकर्ता हा स्‍वतः माल विकणारा आहे. सबब तक्रारकर्ता हा ग्राहक संरक्षण कायदा, २०१९  चे कलम २ (७)  प्रमाणे ग्राहक नाही आहे. सबब तक्रार स्विकृत करण्‍यास योग्‍य नाही. म्‍हणून खालिलप्रमाणे आदेश पारित.

आदेश

1. तक्रारकर्ता हा ग्राहक या संज्ञेत येत नसल्‍यामुळे तक्रार अस्विकृत करुन नस्‍तीबद्ध.
2. तक्रारकर्त्‍याला आदेशाची प्रथम प्रत निःशुल्‍क देण्‍यात यावी.
3. तक्रारकर्त्‍याला तक्रारीची ‘ब’ व ‘क’ प्रत परत करावी.