ब) विमा उतरविलेले वाहनाचे नुकसानीबाबतची जबाबदारी नमुद पॉलीसीच्‍या अटी व शर्तीस अधीन राहूनच असते. सामनेवाला पुढे असे प्रतिपादन करतात की, क्‍लेमबाबत सुचना प्राप्‍त होताच सामनेवाला यांनी आय.आर.डी.ए.मानांकित सर्व्‍हेअर परमार यांची नमुद वाहनाचे नुकसानीचे पाहणी करणेसाठी नेमणूक केली होती. नमुद परमार यांनी नमुद वाहनाचे रु.26,832/- इतकी नुकसानी निश्चित केलेली आहे. मात्र नमुद विमाधारक चालकाकडे वैध चालक परवाना नसलेने प्रस्‍तुतचा क्‍लेम नाकारलेला आहे. पॉलीसीच्‍या कलम 3 मध्‍ये तसे स्‍पष्‍टपणे नमुद केले आहे. तसेच सेंट्रल मोटर व्‍हेईकल रुल 1989 रुल 3 च्‍या तरतुदीचा विचार करता नमुद मयत विमाधारकाकडे पुणे आर.टी.ओ. यांनी दि.11/01/2008 ते 10/07/2008 चे कालावधीसाठी MCWG साठीचे शिकाऊ परवाना दिलेला होता. तसेच नमुद वाहनावर मागे बसलेले मिस सुजाता विलास थोरात हिचेकडेही अपघातावेळी वैध चालक परवाना नव्‍हता. तसेच वाहनावर एल.प्‍लेट लावलेली नव्‍हती. सबब वर नमुद तरतुदीचा विचार करता सामनेवाला यांनी योग्‍य कारणास्‍तव विमा क्‍लेम नाकारुन सेवेत कोणतीही त्रुटी केली नसलेने तक्रारदाराची तक्रार खर्चासह नामंजूर करणेत यावी व तक्रारदाराकडून सामनेवालांना कॉम्‍पेसेंटरी कॉस्‍ट व्‍हावी अशी विनंती सामनेवाला यांनी सदर मंचास केली आहे.

 

 

 

 

मुद्दा क्र.2 :- तक्रारदारांचा मुलगा मयत विजय जगन्‍नाथ पाटील याचा विमा पॉलीसी क्र.08-08-2005-1802-00001551 अन्‍वये उतरविलेला होता. सदर पॉलीसीचा कालावधी दि.17/12/2007 ते 16/12/2008 असा असून सदर दाखल पॉलीसीच्‍या सत्यप्रतीवरुन ओन डॅमेज प्रिमियम रु.552.66 थर्ड पार्टी साठी रु.300/- प्रिमियम, पी.ए.कव्‍हर फॉर ओनर ड्रायव्‍हर रु.1,00,000/- प्रिमियम रु.50/- सामनेवाला यांनी घेतलेचे दिसून येते. सामनेवाला यांनी पॉलीसी मान्‍य केली असलेने त्‍याबाबत वाद नाही. प्रस्‍तुत पॉलीसी कालावपधीत तक्रारदाराच्‍या नमुद विमाधारक मुलगा दि.23/01/2008 रोजी ट्रकने दिले धडकेने अपघातात मयत झाला. अपघाताबाबत वाद नाही. वादाचा मुद्दा आहे तो त्‍याच्‍याकडे अपघातावेळी वाहन चालवणेचा वैध परवाना होता का ? सामनेवालांनी आपले लेखी म्हणणेत मयत विजय जगन्‍नाथ पाटील याचेकडे पुणे आर.टी.ओ. यांनी दिलेला MCWG साठीचे लर्नींग लायसेन्‍स होते. त्‍याचा कालावधी 11/1/2008 ते 10/07/2008 असा होता. अपघात झाला त्‍यावेळी नमुद मयत विमाधारकाकडे शिकाऊ परवाना होता. त्‍याची प्रत प्रस्‍तुत कामी सामनेवाला यांनी दाखल केली आहे. त्‍याचा परवाना कालावधीत मृत्‍यू झाला आहे ही वस्‍तुस्थिती निर्विवाद आहे. प्रस्‍तुत पॉलीसीचे अवलोकन केले असता Driver-Any person including the insured provided that a person driving holds an effective driving licence at the time of the accident and is not disqualified from holding or obtaining such a licence (Provided also that the person holding an effective Learner’s licence may also drive the vehicle and that such a person satisfies the requirement of Rule 3 of the Central Motor Vehicles Rules 1989)  नुसार तक्रारदाराचा क्‍लेम नसलेने सामनेवाला यांनी दि.19/07/2008 चे पत्राने क्‍लेम नाकारला आहे.

 

           दि.14/09/2009 रोजी तक्रारदाराने बिलचेक रिपोर्ट, सर्व्‍हेअर रिपोर्ट, पोलीस पेपर्स, तसेच क्‍लेम फॉर्मसोबत जोडलेले सर्व अन्‍य पेपर्स सामनेवालांनी हजर करणेबाबत अर्ज केला होता. त्‍यावर सामनेवालांनी म्‍हणणे देणेबाबत मे;मंचाने आदेश केला होता. परंतु सामनेवाला यांनी त्‍यास म्‍हणणे दिलेले नाही तसेच प्रस्‍तुत अर्जाप्रमाणे संपूर्ण कागदपत्र दाखल केलेली नाहीत. त्‍यानंतर सामनेवाला यांनी पॉलीसी, सर्व्‍हे रिपोर्ट, लर्नींग लायसेन्‍स इत्‍यादी कागदपत्रे दाखल केली आहेत. मात्र पोलीस पेपर्स, इन्‍व्‍हेस्‍टीगेशन रिपोर्ट, त्‍यांचे शपथपत्र इत्‍यादी कागदपत्रे दाखल केली नाहीत.  कोणत्‍या आधारे पिलर रायडर कडे वैध परवाना नव्‍हता. तसेच गाडीस L  प्‍लेट नव्‍हती हे कसे ठरवले. प्रस्‍तुत कागदपत्रे सामनेवालांचे ताब्‍यात होती व ती दाखल करणेस कोणतीही अडचण नव्‍हती. याबाबत कायदेशीर कागदोपत्री पुरावा प्रस्‍तुत प्रकरणी दाखल केलेला नाही. सबब केवळ सामनेवालांचे कथनावर व क्‍लेम नाकारलेच्‍या पत्रातील मजकूरावर विश्‍वास ठेवणे उचीत होणार नाही. सबब Section III Personal Accident cover for owner driver Clause c(1) (a) (b) (c) प्रमाणे कागदपत्रांची पूर्तता तक्रारदाराने केलेली होती. तसेच नमुद अपघातावेळी तक्रारदाराचवा मुलग्‍याकडे वैध परवाना होता. पॉलीसीचा मूळ हेतू,  वस्‍तुस्थितीजन्‍य पुराव्‍याचा विचार करता तक्रारदाराचा पारदर्शी व न्‍याययोग्‍य क्‍लेम नाकारुन सेवेत त्रुटी ठेवलेचे निष्‍कर्षाप्रत हे मंच येत आहे. तक्रारदार विमा पॉलीसीप्रमाणे रक्‍कम रु.1,00,000/- दावा नाकारले तारखेपासून व्‍याजासहीत मिळणेस पात्र आहेत तसेच सर्व्‍हे रिपोर्टप्रमाणे ओन डॅमेजपोटी रक्‍कम रु.26,832/-व्‍याजासह मिळणेस तक्रारदार पात्र आहेत या निष्‍कर्षाप्रत हे मंच येत आहे.