नि.18 मे. जिल्‍हा ग्राहक तक्रार निवारण मंच, सातारा यांचेसमोर तक्रार क्र. 75/2010 नोंदणी तारीख – 8/3/2010 निकाल तारीख – 27/8/2010 निकाल कालावधी – 169 दिवस श्री विजयसिंह दि. देशमुख, अध्‍यक्ष श्रीमती सुचेता मलवाडे, सदस्‍या श्री सुनिल कापसे, सदस्‍य (श्री सुनिल कापसे, सदस्‍य यांनी न्‍यायनिर्णय पारीत केला) ------------------------------------------------------------------------------------ 1. सौ वैशाली विश्‍वास सोमण 2. श्री विश्‍वास नारायण सोमण रा.512, मंगळवार पेठ, सातारा ता.जि.सातारा ----- अर्जदार (अभियोक्‍ता श्री संग्राम मुंढेकर) विरुध्‍द 1. धर्मवीर संभाजी नागरी सहकारी पतसंस्‍था मर्यादित शाहुपूरी, सातारा ता.जि.सातारा तर्फे व्‍यवस्‍थापक श्री दिलीप रामचंद्र ताटे 2. धर्मवीर संभाजी नागरी सहकारी पतसंस्‍था मर्यादित शाहुपूरी, सातारा ता.जि.सातारा श्री बाळासाहेब कमलगिरी गोसावी रा.25, कर्मयोग, जिल्‍हा परिषद कॉलनी, शाहुपूरी सातारा 3. धर्मवीर संभाजी नागरी सहकारी पतसंस्‍था मर्यादित शाहुपूरी, सातारा व्‍हा.चेअरमन श्री हणमंत बाबासाहेब चवरे मु.खंडोबाची वाडी, पो. गोवे, ता.जि.सातारा ----- जाबदार (एकतर्फा) न्‍यायनिर्णय अर्जदार यांनी प्रस्‍तुतचा अर्ज ग्राहक संरक्षण कायदा, 1986 चे कलम 12 नुसार केलेला आहे. अर्जदार यांचे अर्जातील कथन थोडक्‍यात खालीलप्रमाणे - 1. अर्जदार यांनी जाबदार संस्‍थेत दोन वेगवेगळया ठेवपावत्‍यांन्‍वये वेगवेगळया रकमा मुदत ठेव योजनेअंतर्गत रक्‍कम ठेव म्‍हणून ठेवलेल्‍या आहेत. सदरच्‍या ठेवींची मुदत संपलेली आहे. मुदत ठेव पावतीची मुदत संपलेनंतर देय होणा-या रकमेची मागणी अर्जदार यांनी जाबदार यांचेकडे केली. तथापि जाबदार यांनी अर्जदार यांना ठेवीवर व्‍याजसहित देय झालेली रक्‍कम देण्‍यास टाळाटाळ केली. थोडक्‍यात जाबदार यांनी अर्जदार यांना देण्‍यात यावयाची रक्‍कम न दिल्‍यामुळे सेवेत त्रुटी केली आहे. अर्जदार हे जाबदार संस्‍थेचे ग्राहक आहेत. त्‍यामुळे जाबदार संस्‍थेकडून ठेवीची व्‍याजासह होणारी एकूण देय रक्‍कम वसूल होऊन मिळण्‍यासाठी अर्जदार यांनी प्रस्‍तुतचा अर्ज केला आहे. सदरचे अर्जामध्‍ये अर्जदार यांनी ठेवीची व्‍याजासह होणारी एकूण रक्‍कम तसेच मानसिक त्रासापोटी रक्‍कम रु.25,000/- व अर्जाचे खर्चापोटी रक्‍कम रु.5,000/- ची मागणी केलेली आहे. 2. प्रस्‍तुत तक्रारअर्जाचे नोटीसची बजावणी जाबदार क्र.1 ते 3 यांना झालेली आहे. नोटीस मिळालेची पोचपावती नि.10, 11 व 13(1) ला दाखल आहे. परंतु जाबदार क्र.1 ते 3 हे नेमलेल्‍या तारखांना मंचासमोर हजर राहिले नाहीत. तसेच त्‍यांनी त्‍यांचे लेखी म्‍हणणे व शपथपत्र दाखल केले नाही. सबब, त्‍यांचेविरुध्‍द एकतर्फा आदेश करण्‍यात आला. 3. अर्जदार यांनी या अर्जाचे कथनातील सिध्‍दतेसाठी नि. 2 व 3 ला शपथपत्र दिलेले आहे. ते शपथपत्र पाहिले. अर्जदार यांनी नि.6 चे यादीसोबत दाखल केलेल्‍या मूळ ठेवपावत्‍या पाहिल्‍या. 4. अर्जदार यांनी दाखल केलेली वर नमूद कागदपत्रे पाहिली असता असे स्‍पष्‍ट दिसून येते की, अर्जदार यांनी जाबदार पतसंस्‍थेमध्‍ये दोन वेगवेगळया ठेवपावत्‍यांन्‍वये वेगवेगळया रकमा मुदत ठेव योजनेअंतर्गत ठेव म्‍हणून ठेवलेल्‍या होत्‍या व आहेत. सदरच्‍या ठेवींची मुदत पूर्ण झालेनंतर जाबदार यांनी अर्जदार यांना ठेवीची रक्‍कम व त्‍यावर ठेव पावतीमध्‍ये नमूद केल्‍याप्रमाणे होणा-या व्‍याजाची रक्‍कम देण्‍याची होती. तथापि, अर्जदार यांचे शपथपत्र व अर्जदार यांनी दाखल केलेली कागदपत्रे पाहता असे दिसून येते की, जाबदार यांनी अर्जदार यांना देय असलेली रक्‍कम देण्‍यास टाळाटाळ केलेली आहे. थोडक्‍यात जाबदार यांनी अर्जदार यांना द्यावयाच्‍या सेवेत कमतरता केलेली आहे. सबब या प्रकरणी मंचाचे असे स्‍पष्‍ट मत झाले आहे की, अर्जदार यांना जाबदार यांनी कबूल केलेली सेवा म्‍हणजे ठेव म्‍हणून ठेवलेल्‍या रकमेवर व्‍याजासहित देय झालेली रक्‍कम ठेवींची मुदत संपलेनंतर दिलेली नाही. अशा प्रकारे अर्जदार हे जाबदार क्र.1 ते 3 यांचेकडून रक्‍कम मिळणेस पात्र आहेत असे दिसून येत आहे. 5. एक गोष्‍ट नमूद करणे जरुरीचे आहे की, जाबदार क्र. 2 जे धर्मवीर संभाजी सहकारी पतसंस्‍था मर्या. या संस्‍थेचे चेअरमन आहेत, अशा या जबाबदारीच्‍या पदावर काम करणा-या व्‍यक्‍तीने प्रस्‍तुतचे कायदेशीर प्रकरणाची नोटीस/सूचना स्‍वीकारणे व नेमलेल्‍या तारखांना या मंचासमोर हजर होणे जरुरीचे होते. तथापि, कसलेही संयुक्तिक कारण जाबदार क्र.2 यांचेतर्फे याकामी पुढे येत नाही की, जेणेकरुन जाबदार क्र. 2 हे याकामी गैरहजर राहिलेले आहेत. जाबदार यांनी अर्जदार यांचे अर्जातील कोणतेही कथन नाकारलेले अथवा खोडून काढलेले नाही. सबब, अर्जदार यांचे या अर्जातील कथनानुसार अर्जदार यांनी विनंती कलमामध्‍ये केलेली विनंती अंशतः मान्‍य करणे जरुरीचे आहे. 6. या सर्व कारणास्‍तव खालीलप्रमाणे अंतिम आदेश करण्‍यात येत आहे. आदेश 1. अर्जदार यांचा तक्रारअर्ज जाबदार क्र.1 ते 3 यांचेविरुध्‍द अंशतः मंजूर करणेत येत आहे. 2. आजपासून 30 दिवसांचे आत जाबदार क्र. क्र.1 ते 3 यांनी वैयक्तिकरित्‍या व संयुक्‍तरित्‍या अर्जदार यांना खालीलप्रमाणे रकमा द्याव्‍यात. अ. ठेवपावती क्र.0000029 व 0000028 वरील दामदुप्‍पट रक्‍कम ठेवीची मुदत संपलेनंतरचे तारखेपासून संपूर्ण रक्‍कम पदरी पडेपर्यंत द.सा.द.शे. 9 टक्‍केंप्रमाणे व्‍याजासह द्यावी. ब. मानसिक त्रासापोटी रक्‍कम रु. 3,000/- द्यावेत. क. अर्जाचे खर्चापोटी रक्‍कम रु. 2,000/- द्यावेत. 3. सदरचा न्‍यायनिर्णय खुल्‍या न्‍यायमंचात जाहीर करणेत आला. सातारा दि. 27/8/2010 (सुनिल कापसे) (सुचेता मलवाडे) (विजयसिंह दि. देशमुख) सदस्‍य सदस्‍या अध्‍यक्ष
| | Smt. S. A. Malwade, MEMBER | HONABLE MR. Vijaysinh D. Deshmukh, PRESIDENT | Mr. Sunil K Kapse, MEMBER | | 
