Maharashtra

Satara

CC/13/56

KAMLAKAR VISHNU KADAM - Complainant(s)

Versus

DHARMVIR SAMBHAJI PATSASTHA - Opp.Party(s)

13 Aug 2015

ORDER

सातारा जिल्‍हा ग्राहक तक्रार निवारण मंच यांचेसमोर

 

उपस्थिती -  मा.सौ.सविता भोसले,अध्‍यक्षा

            मा.श्री.श्रीकांत कुंभार,सदस्‍य.

                                            मा.सौ.सुरेखा हजारे, सदस्‍या.

 

                              तक्रार क्र. 56/2013.

                             तक्रार दाखल दि.30-3-2013.

                                    तक्रार निकाली दि. 13-8-2015.

श्री.कमलाकर विष्‍णू कदम.

रा.दैवनिर्मिती, चैतन्‍य कॉलनी,

प्‍लॉट नं.4, तामजाईनगर,

महानुभाव मठामागे,

करंजे तर्फ सातारा.                            ....  तक्रारदार

  

         विरुध्‍द

 

1. व्‍यवस्‍थापक,

  धर्मवीर संभाजी सह.पतसंस्‍था, शाहुपुरी,

  रा.गेंडामाळ, शाहुपुरी.

2. संस्‍थापक/चेअरमन,

   बाळासो. गोसावी,

   धर्मवीर संभाजी पतसंस्‍था मर्या.

   23, जिल्‍हा परिषद कॉलनी, शाहुपुरी,

   सातारा.

3. लिक्विडेटर, श्री.एन.जे.साबळे,

   सहाय्यक निबंधक सह.संस्‍था,

  विशाल मेघा मार्ट, अँबीशन क्‍लासेसशेजारी,

  पोवई नाका, सदरबझार, सातारा.                   ....  जाबदार

                 तक्रारदारातर्फे –अँड.सुरेश आर.गायकवाड.

                 जाबदार क्र.1 तर्फे- अँड.किशोर पवार. 

                 जाबदार क्र.2- नो से आदेश.

                 जाबदार क्र. 3- एकतर्फा आदेश.

                

                        न्‍यायनिर्णय  

 

सदर न्‍यायनिर्णय मा.सौ.सुरेखा हजारे, सदस्‍या यानी पारित केला

                       

1.         तक्रारदारांनी प्रस्‍तुत तक्रारअर्ज ग्राहक संरक्षण कायदा 1986च्‍या कलम 12 नुसार दाखल केला आहे.  तक्रारअर्जातील थोडक्‍यात कथन खालीलप्रमाणे-

       तक्रारदार हे वरील ठिकाणचे कायमचे रहिवासी असून ते सातारा जिल्‍हा न्‍यायालयात टायपिंगचा व्‍यवसाय करतात.  त्‍यांना त्‍यांचे टायपिंग उत्‍पन्‍नाशिवाय कोणतेही उत्‍पन्‍नाचे साधन नाही.    जाबदार धर्मवीर पतसंस्‍था ही नोंदणीकृत पतसंस्‍था असून तिचे मुख्‍य कार्यालय शाहुपुरी येथे आहे.  जाबदारांचा मुख्‍य व्‍यवसाय म्‍हणजे लोकांच्‍या ठेवी गोळा करुन ठेवून घेणे व ग्राहकांना कर्ज देणे घेणे अशा स्‍वरुपाचा आहे.  तक्रारदारानी आयुष्‍यभर कमावलेली सर्व रक्‍कम ही जाबदार पतसंस्‍थेत मुदत ठेवीने गुंतवली आहे.  त्‍यामुळे तक्रारदार हे जाबदार संस्‍थेचे ग्राहक झाले आहेत.  सदर ठेवीचा तपशील पुढील कलमात दाखवल्‍याप्रमाणे आहे.  तक्रारदार हे जाबदार संस्‍थेचे सभासद व ठेवीदार असून संस्‍थापक- चेअरमन यांचेशी मैत्रीचे व विश्‍वासाचे संबंध होते.  त्‍यामुळे चेअरमन याना तक्रारदाराकडे आलेल्‍या पैशाची माहिती होती.  तक्रारदारानी जाबदार संस्‍थेकडे ठेवपावती करुन बचत खाते उघडून ठेवी ठेवल्‍या होत्‍या त्‍या पुढीलप्रमाणे-

अ.क्र.	पावती क्र.	ठेव ठेवलेची तारीख	मुदत संपलेची तारीख	रक्‍कम रु.
1	502	7-1-2009	7-1-2012	30,000/-
2	504	7-1-2009	7-1-2012	30,000/-
3	503	7-1-2009	7-1-2012	30,000/-
4	501	7-1-2009	7-1-2012	30,000/-
5	613	12-12-2009	12-12-2012	30,000/-
6	614	12-12-2009	12-12-2012	30,000/-
7	615	12-12-2009	12-12-2012	30,000/-
8	509	17-8-2009	17-8-2012	30,000/-
9	बचत खाते	11-2-2012	आजपावेतो	20,000/-

 

                                                  एकूण रु. 2,60,000/-

 

   मुदतपूर्व नुकसान करुन रिकरिंगच्‍या जमा दोन ठेवपावत्‍या   क्र.1133 व 1093 प्रमाणे रक्‍कम रु.                        रु.   70,000/-

   व्‍याजाशिवाय बचत खात्‍यावर जमा असणारी रक्‍कम रु.        रु.     9,655/-

                                              एकूण जमा रु.  3,39,655/-

      वरील सर्व पावत्‍याच्‍या रकमेवर व्‍याजआकारणी 13 टक्‍के देणेचे ठरले होते.  सुरुवातीचे काही दिवस फक्‍त तक्रारदारांचे बचत खाते क्र.1222/5/44 वर ठेवीचे मासिक व्‍याज जमा होत होते परंतु दि.14-1-12 पासून कोणत्‍याच प्रकारे व्‍याज मिळत नाही त्‍यामुळे तक्रारदारांचे नुकसान होत आहे.  रक्‍कमही परत मिळेना म्‍हणून मुदत ठेवखाते मोडले व रिकरिंग खातेही मोडले व बचत खात्‍याला ट्रान्‍स्‍फर करुन बंद केले तरीही जाबदारांनी तक्रारदाराना बचत खाते सुरु केलेपासून आजपावेतो व्‍याज व जमा रक्‍कम मागणी करुनही दिलेली नाही. तक्रारदारानी ठेवपावतीची रक्‍कम मागणी केली तेव्‍हा जाबदारानी तुमच्‍या सर्व मुदत व रिकरिंग ठेवी व्‍याजाशिवाय मुदतपूर्व मोडा तरच पैसे देतो असे सांगितले त्‍यालाही तक्रारदार तयार झाले व सर्व मुदत व रिकरिंग खाती दि.11-2-12 रोजी मोडून बचत खात्‍यावर रक्‍कम जमा करुन घेतली, त्‍याचेही व जमा असणारे बचत रकमेचेही व्‍याज सुरुवातीपासून आजपर्यंत तक्रारदाराना मिळालेले नाही व मुद्दलही मिळालेले नाही.  खाते वर्ग करुन पावती जाबदारानी घेतली असता तक्रारदारानी सर्व जमा असलेली रक्‍कम काढणेसाठी पतसंस्‍थेत गेले असता जाबदारानी एवढी रक्‍कम आमचेकडे शिल्‍लक नाही, नंतर दोन महिन्‍यात तुम्‍हाला 3 हप्‍त्‍यात देतो असे आश्‍वासन दिले पण कोणतीही रक्‍कम दिलेली नाही.    तक्रारदाराना त्‍यांचे मुलीच्‍या लग्‍नासाठी ठेवलेले पैसे वेळेत मिळालेले नाहीत त्‍यामुळे तक्रारदारांचे मुलीचे ठरलेले लग्‍नही मोडावे लागले व अनेक आर्थिक ताणतणाव व अपमानास सामोरे जावे लागले आहे.   म्‍हणून शेवटी दि.11-11-2012 रोजी वकीलांतर्फे नोटीस दिली व रकमेची मागणी केली परंतु सदर नोटीस जाबदाराना मिळूनही आज तारखेपर्यंत जाबदारानी त्‍यांचे पैसे त्‍याना दिले नाहीत व नोटीसीस उत्‍तरही दिले नाही म्‍हणून सदर तक्रारअर्ज करणे त्‍याना भाग पडले आहे.   तक्रारदारांची ठेव ही जाबदारांकडे सातारा येथील शाहुपुरी पतसंस्‍थेचे ऑफिसात ठेवलेली आहे.  वेळोवेळी रकमेची मागणी करुनही ती रक्‍कम जाबदारानी दिलेली नाही त्‍यावेळी सदर दाव्‍यास कारण या कोर्टाचे कार्यक्षेत्रात घडले आहे व घडत आहे त्‍यामुळे सदर केस या मे.कोर्टात दाखल केली आहे.   ती चालवणेचा अधिकार या कोर्टास आहे.  सबब तक्रारदारानी पुढीलप्रमाणे विनंती केली आहे-  तक्रारदाराना जाबदारांकडून सर्व रक्‍कम रु.4,87,209.67 देणेबाबत आदेश व्‍हावा.   तक्रारदाराना जाबदारांकडून सर्व रक्‍कम वसूल होईपर्यंत दावा दाखल तारखेपासून द.सा.द.शे. 13 टक्‍केप्रमाणे व्‍याज द्यावे. तसेच तक्रारदारांच्‍या मुलीचे ठरलेले लग्‍न मोडले त्‍यामुळे त्‍यांचा समाजात अपमान झाला त्‍यामुळे मानसिक व शारिरीक झालेल्‍या त्रासापोटी रु.50,000/- जाबदाराकडून मागितले आहेत.  येणेप्रमाणे तक्रारअर्ज असे. 

        सदर कामी जाबदार क्र.1 तर्फे संतोष विष्‍णू इंगळे यांचे तक्रारअर्जास म्‍हणणे खालीलप्रमाणे-

       तक्रारदारानी या जाबदारास सरनाम्‍यात कोठेही सामील केलेले नाही.  तसेच ते जाबदार पतसंस्‍थेत कधीही व्‍यवस्‍थापक म्‍हणून कामकाज करीत नव्‍हते व नाहीत.  सदर जाबदार संतोष इंगळे हे पतसंस्‍थेत क्‍लार्क म्‍हणून कामास होते त्‍यानी दि.1-11-12 रोजी आपले पदाचा राजीनामा दिला असून दि.31-12-12 रोजीचे सभेमध्‍ये संचालक मंडळाने तो मंजूरही केलेला आहे. 

        तक्रारदार हे त्‍यांच्‍या ठेवीसंदर्भात पतसंस्‍थेत येत असत तेव्‍हाच त्‍यांची व इंगळे यांची ओळख झालेली होती.  इंगळे यांनी तक्रारदारास कधीही ठेव ठेवणेस प्रवृत्‍त केले नव्‍हते व नाही.  सदर संस्‍थेचे कर्मचारी नोकरी सोडून गेले त्‍याप्रमाणे इंगळे यानीही आपले क्‍लार्कपदाचा राजीनामा दिला आहे.   तक्रारदारांची व इंगळे यांची तोंडओळख होती व तक्रारदारास संस्‍थेच्‍या व्‍यवस्‍थापकाचे नाव माहित नसल्‍याने त्‍यांनी व्‍यवस्‍थापकास नोटीस काढणेबाबत श्री.इंगळे यांचे नाव पुढे केले आहे.  त्‍यामुळे सदरचे समन्‍स हे इंगळे याना मे.मंचाने काढलेले आहे परंतु श्री.इंगळे हे कधीही व्‍यवस्‍थापक नव्‍हते व नाहीत.   तक्रारदारांच्‍या ठेवी परत करणेची जबाबदारी त्‍यांची नव्‍हती व नाही.  ती जबाबदारी संचालकांची आहे व इंगळे याना अनावधानाने सामील केलेले असल्‍याने त्‍याना या कामी वगळणेत यावे अशी त्‍यांची विनंती आहे. 

 

2.      नि.3 कडे तक्रारदाराचा वकीलांचे नियुक्‍तीबाबतचा परवानगी अर्ज, अर्ज मंजूर.  नि.1 कडे तक्रारअर्ज, नि.2 कडे प्रतिज्ञापत्र, नि.4 कडे अँड.सुरेश गायकवाड यांचे वकीलपत्र, नि.5 कडे तक्रारदाराची कागदयादी, नि.5/1 ते 5/10 कडे तक्रारदाराच्‍या मुदतठेवीच्‍या सत्‍यप्रती, नि.5/11 कडे अँड.गायकवाड यानी जाबदार पतसंस्‍थेस पाठवलेली नोटीस, नि.5/12 कडे जाबदार पतसंस्‍थेने तक्रारदारास दिलेले पत्र,  नि.6 कडे पत्‍तापुरसीस, नि.6/अ कडे मंचातर्फे जाबदाराना पाठविलेली नोटीस, नि.7 कडे तक्रारदाराचा कागदपत्रे दाखल करुन घेणेचा अर्ज, नि.8 कडे कागदयादी, नि.9 कडे जाबदाराना रजि.पोस्‍टाने पाठविलेल्‍या पोस्‍टाच्‍या पावत्‍या, नि.10 कडे जाबदारांचा अवसायक हजर होत असलेबाबतचा परवानगी अर्ज, अर्ज मंजूर. नि.11 कडे अवसायकाचे प्रतिज्ञापत्र, नि.11/1 कडे दि.19-7-11 चे सहा.निबंधक सहकारी संस्‍था, ता.सातारा यांचे श्री.नामदेव ज.साबळे यांची लिक्विडेटर म्‍हणून मध्‍यंतरीय आदेशाने नियुक्‍ती करणेत येत असलेचे पत्र, नि.11/2 कडे दि.23-8-11 चे सहा.निबंधक सहकारी संस्‍था, ता.सातारा यांचे श्री.नामदेव ज.साबळे यांचे धर्मवीर संभाजी सह.पतसंस्‍था, शाहुपुरी ता.जि.सातारा ही अवसायनात गेलेबाबत संदर्भ क्र.2 अन्‍वये दिलेला आदेश कायम करीत आहे व संस्‍थेचे कामकाज गुंडाळणेसाठी श्री.नामदेव ज.साबळे यांची ऋणपरिशोधक म्‍हणून नियुक्‍ती करणेत येत असलेचे अंतिम आदेशाचे पत्र, नि.12 कडे जाबदारांचा म्‍हणणे देणेसाठी मुदतीचा अर्ज, अर्ज मंजूर, नि.13 कडे जाबदार 2 संस्‍थापक- चेअरमन यांचेतर्फे किशोर पवार यांचे प्रतिज्ञापत्र, नि.14 कडे तक्रारदाराचा कागदपत्रे दाखल करणेसाठी विनंती अर्ज, अर्ज मंजूर, नि.15 व 16 कडे कागदयादी, नि.15/1 ते 15/2 कडे तक्रारदारानी जाबदाराना तातडीने केलेल्‍या तारेची झेरॉक्‍स, नि.15/3 कडे सिटी पोलिस स्‍टेशन सातारा याना तक्रारदारानी जाबदार  रक्‍कम द्यावयास फसवीत असलेबाबत केलेला तक्रारअर्ज, नि.15/4 कडे लिक्विडेटर नेमणेचे सहाय्यक निबंधक, सह.संस्‍था, तालुका यांचे पत्र,  नि.17 कडे जाबदार क्र.1 याना फेरनोटीसीसाठी अर्ज, अर्ज मंजूर.  नि.18 कडे जाबदाराना काढलेल्‍या फेरनोटीसा, नि.19 कडे जाबदार क्र.1 यांचा म्‍हणणे देणेचा मुदतअर्ज, अर्ज मंजूर. नि.20 कडे जाबदार क्र.1 तर्फे अँड.मगर यांचे वकीलपत्र दाखल.  नि.21 कडे जाबदार 1 तर्फे म्‍हणणे देणेस मुदतअर्ज, अर्ज मंजूर. नि.22 कडे तक्रारदारांचा जाबदार क्र.2 यांचे ऊसाचे पेमेंट स्‍थगित ठेवणेबाबतचा अर्ज, जाबदार क्र.2 यानी म्‍हणणे देणेचा मे.मंचाचा आदेश, परंतु जाबदारानी म्‍हणणे दिलेले नाही.  नि.23 कडे तक्रारदाराचे प्रतिज्ञापत्र, नि.23/ए कडे तक्रारदारानी दिलेली फेरिस्‍त, नि.23/बी कडे चेअरमन, अजिंक्‍यतारा सहकारी साखर कारखाना लि.शाहुनगर यांना दि.12-2-14 रोजी तक्रारदारानी जाबदारांचे ऊस बील स्‍थगित करणेबाबतचा दिलेला अर्ज, नि.23/सी कडे दि.27/28/2/14 चे साखर कारखान्‍याचे तक्रारदारास आलेले पत्र, नि.23/डी कडे जाबदार क्र.2 याना मे.मंचाकडून पाठविलेली नोटीस अनक्‍लेम्‍डचे शे-याने परत.  नि.24 कडे जाबदार क्र.1 तर्फे संतोष इंगळे यांचे म्‍हणणेपृष्‍टयर्थ प्रतिज्ञापत्र, नि.25 कडे जाबदार 1 तर्फे म्‍हणणे, नि.26 कडे तक्रारदाराचे सरतपासाचे प्रतिज्ञापत्र, नि.27 कडे साक्षीदार आकांक्षा कदम यांचे प्रतिज्ञापत्र, नि.28 कडे कागदयादी दाखल, नि.28/1 कडे जाबदाराचे नावे पाठविलेले रजि.पत्राची झेरॉक्‍स, नि.28/2 कडे पत्‍नीचे नावाचा हॉस्पिटलचा दाखला, नि.28/3 कडे तक्रारदाराचे पत्‍नीचा मृत्‍यूदाखला, नि.28/4 कडे सातारा जिल्‍हा बार असोसिएशनचे पत्र, नि.29 कडे तक्रारदारातर्फे साक्षीदाराचा लेखी व तोंडी पुरावा दिला असून जादा पुरावा देणेचा नसलेची पुरसीस, नि.30 कडे जाबदार क्र.1 यांचे सरतपासाचे प्रतिज्ञापत्र, नि.31 कडे जाबदार क्र.1 तर्फे कागदयादी, नि.31/1 कडे जाबदारांच्‍या संचालक मंडळाच्‍या 31-12-12 च्‍या सभेतील ठराव, नि.32 कडे जाबदार क्र.1 तर्फे जादा पुरावा दाखलबाबतचा अर्ज, नि.33 कडे जाबदार क्र.1 ने दिलेला राजीनामा, नि.33/1 कडे संतोष इंगळे यांचे राजीनामा मंजुरीचे पत्र, नि.34 कडे जाबदार 1 यांचे जादा पुरावा देणेचा नसलेची पुरसीस, नि.35 कडे तक्रारदाराच्‍या मूळ पावत्‍याच्‍या रकमा तक्रारदाराच्‍या बचत खाती वर्ग करुन मूळ ठेवपावत्‍या जाबदारानी ठेवून घेतल्‍या आहेत, बचत खाते दाखल करुन घेणेचा अर्ज, अर्ज मंजूर. नि.36 कडे तक्रारदाराची कागदयादी, नि.36/1 ते 36/3 कडे बचत खात्‍याचे पासबुक, नि.37 कडे लेखी युक्‍तीवाद, नि.38 कडे जाबदाराचा युक्‍तीवाद, नि.39 कडे तक्रारदारांचा अर्ज की,मंचाचे आदेशानुसार कागदयादीने संचालकमंडळाची नावे, पत्‍ता दाखल करीत आहे, नि.39 कडे कागदयादी, नि.40 कडे तक्रारदाराचे प्रतिज्ञापत्र इ.कागद दाखल आहेत.  

 

4.       तक्रारदारांची तक्रार, त्‍यासोबतचे प्रतिज्ञापत्र, पुरावे, तसेच लेखी युक्‍तीवाद यांचे अवलोकन करुन सदर तक्रारीचे निराकरणार्थ मे. मंचाने खालील मुद्दयांचा विचार केला-

अ.क्र.           मुद्दा                                          निष्‍कर्ष

 1.  तक्रारदार व जाबदार यांचेत ग्राहक व सेवापुरवठादार

     असे नाते आहे काय?                                         होय.

 2.  तक्रारदाराचा सदरचा तक्रारअर्ज चालणेस पात्र आहे काय?            नाही.

 3.  अंतिम आदेश काय?                                    तक्रारअर्ज नामंजूर. 

 

 

विवेचन-  मुद्दा क्र.1 ते 3-

 

5.        मुद्दा क्र.1 चे उत्‍तर आम्‍ही होकारार्थी देत आहोत.  प्रस्‍तुत कामी तक्रारदारांनी जाबदार पतसंस्‍थेत मुदतठेवी ठेवलेल्‍या होत्‍या.  त्‍या परि.क्र. 1 मध्‍ये दाखविलेल्‍या आहेत.  जाबदार पतसंस्‍था ही लोकांचे पैसे विविध खात्‍यांवर ठेवून घेते व त्‍यावर वेगवेगळया पध्‍दतीने ठेवीदारास व्‍याज देते.  तसेच ती लोकांना कर्जरुपाने पैसे देते व त्‍यावर व्‍याज घेते अशा प्रकारे जाबदारांचा व्‍यवहार-व्‍यापार चालतो.  तक्रारदारानी जाबदार पतसंस्‍थेत मुदतठेवी ठेवल्‍या, त्‍यावर जाबदार पतसंस्‍था ही त्‍याना मुदत संपलेनंतर सव्‍याज पैसे परत देणार होती.  त्‍यामुळे तक्रारदार हे जाबदार पतसंस्‍थेचे ग्राहक ठरतात व जाबदार पतसंस्‍था तक्रारदाराना व्‍याज देणार होती त्‍यामुळे जाबदार ही तक्रारदाराना सेवा देणारी संस्‍था ठरते.   यावरुन तक्रारदार हे जाबदार पतसंस्‍थेचे ग्राहक झाले आहेत हे सिध्‍द होते व जाबदार पतसंस्‍थेने रकमा ठेवून घेतल्‍या आहेत व त्‍यावर ती व्‍याज देणार असलेने जाबदार पतसंस्‍था ही त्‍यांना-ग्राहकाना सेवा पुरवठा देणारी संस्‍था ठरते.  जाबदारानी तक्रारदारांच्‍या रकमा मुदती संपून गेल्‍या तरी परत केल्‍या नसल्‍यामुळेच त्‍यांचेकडून त्‍यांच्‍या-(जाबदारांच्‍या) कर्तव्‍यात कसूर झाली आहे व ग्राहकाला त्‍यांचेकडून दयावयाच्‍या सेवेत त्रुटी निर्माण झालेली आहे.    

 

6.       सदर कामी जाबदार क्र.1 ते 3 या सर्वांना नोटीसा मिळालेल्‍या आहेत.  जाबदार क्र.3 याना नोटीस लागू होऊनही त्‍यानी हजर होऊन त्‍यांचे म्‍हणणे दाखल केलेले नाही,  त्‍यामुळे त्‍यांचेविरुध्‍द एकतर्फा आदेश करणेत आले. तसेच जाबदार क्र.2 हे नोटीस लागू झालेवर हजर होऊनही म्‍हणणे दिलेले नाही त्‍यामुळे त्‍यांचेविरुध्‍द नो से आदेश पारित करणेत आले.  तक्रारदाराचे पैसे वेळेत परत न देऊन जाबदारानी तक्रारदाराना द्यावयाचे सेवेत त्रुटी केली आहे व त्‍यामुळे तक्रारदारास शारिरीक, मानसिक त्रासही झाला आहे.  तसेच त्‍याचे मोठया प्रमाणात आर्थिक नुकसानही झाले आहे. 

 

7.       सदर कामी जाबदार क्र.3 लिक्विडेटर आहेत.  सदर जाबदार संस्‍थेवर नि.11/1 कडे  दि.19-7-2011 चे मध्‍यंतरीय आदेशान्‍वये व नि.11/2 कडे दि.23-8-11 च्‍या अंतिम आदेशान्‍वये संस्‍था अवसायनात घेणेबाबतचा दिलेला आदेश कायम करीत आहे व संस्‍थेचे कामकाज गुंडाळणेसाठी श्री.नामदेव ज.साबळे सहकारी अधिकारी श्रेणी-2 यांची ऋणपरिशोधक म्‍हणून नेमणुक करीत आहे.  अशा आशयाची दोन पत्रे तक्रारदारानी दाखल केलेली आहेत.   तक्रार दाखल करणेपूर्वी संस्‍थेवर अवसायक नेमला असल्‍याचे ज्ञान तक्रारदाराना आहे.  कारण तक्रारदारानी अवसायकास जाबदार म्‍हणून तक्रारअर्जात पक्षकार केलेले आहे.  अवसायकाची संस्‍थेवर नियुक्‍ती झाली असलेने महाराष्‍ट्र सहकारी संस्‍था कायदा 1960 कलम 107 नुसार सदरचा अर्ज दाखल करणेपूर्वी तक्रारदारानी रजि.सहकारी संस्‍था यांची पूर्वपरवानगी घेणे आवश्‍यक होते.  परंतु तक्रारदारानी पूर्वपरवानगी घेतली नसलेचे दिसून येते.  त्‍यामुळे सदरचा अर्ज चालणेस पात्र नाही व तो फेटाळणेत येतो. याकामी आम्‍ही पुढीलप्रमाणे मे. वरिष्‍ठ न्‍यायालयाच्‍या न्‍यायनिवाडयांचा व त्‍यातील दंडकांचा आधार घेत आहोत. 

           1.   2012 (1) All MR (JOURNAL) 18 Shri . Madanrao Vishwanathrao Patil & Ors.  V/S.  Dhansampada Nagari Sahakari Path Sanstha Ltd.,

Sec.15 & 17   Co-Operative Societies Act,1960- Fixed Deposits Amount and interest not returned after maturity-District Forum allowed complaint holding Opp. Deficient in their service and directed to pay Rs.1,000/- for mental agony and Rs.1,000/- as costs-whether Society is under liquidation obtaining permission from Registrar, Co-Operative Societies is must as per permission of Maharashtra State Co-Operative Societies Act-While filing complaint before district forum permission of Registrar, Co-Operative Societies has not been obtained- Complaint itself is not maintainable- impunged order set aside & matter remanded back to district forum for fresh disposal.

IMP. Point:- Whenever Society is under liquidation obtaining permission from Registrar Co-operative Societies is must for filing of complaint.

         2. 2013 (1) CPR 189 (Mah) Shri Dattatray Shankarao Desai V/S. Sharabi M. Pathan Consumer Protection Act 1986.

     No permission under Sec. 107 of Maharashtra Co-Operative Society, 1960 was granted in favour of  complainant/ petitioner –complainant is interested in carrying out illegal process of liquidating his assets- This is not permissible under law- Registrar has not granted permission to file legal proceeding as against liquidator in any court of law and much more so before Consumer forum- consumer forum-complaint is tenable and if has been rightly dismissed-revision petition dismissed.

IMP Point- Complaint cannot be filed against Bank under Liquidation without permission of Registrar.     

 

    वरील न्‍यायनिवाडे विचारात घेता प्रस्‍तुत तक्रारदार यांनी महाराष्‍ट्र सहकारी संस्‍थांचा कायदा,1960 कलम 107 प्रमाणे तक्रार अर्ज दाखल करणेपूर्वी रजिस्‍टार, सहकारी संस्‍था यांची पूर्वपरवानगी घेणे बंधनकारक होते असे असतानाही तक्रारदाराने रजिस्‍टार सहकारी संस्‍था, यांची पूर्वपरवानगी घेतलेली नाही त्‍यामुळे प्रस्‍तुत तक्रार अर्ज चालणेस पात्र नाही असे आमचे स्‍पष्‍ट मत आहे.

 

8.     सबब प्रस्‍तुत कामी आम्‍ही खालीलप्रमाणे अंतीम आदेश पारीत करत आहोत.

                           आदेश

1.  तक्रारदार यांचा तक्रार अर्ज खर्चासह फेटाळणेत येतो.

 

2.  सदरचा न्‍यायनिर्णय खुल्‍या मंचात जाहीर करणेत आला. 

 

3.  सदर न्‍यायनिर्णयाच्‍या सत्‍यप्रती उभय पक्षकाराना विनामूल्‍य पाठवणेत याव्‍यात.

 

 

ठिकाण- सातारा.

दि. 13–8-2015.

 

 

        (सौ.सुरेखा हजारे)  (श्री.श्रीकांत कुंभार)   (सौ.सविता भोसले)

           सदस्‍या           सदस्‍य            अध्‍यक्षा.

               जिल्‍हा ग्राहक तक्रार निवारण मंच, सातारा.