IN THE COURT OF CONSUMER DISPUTES REDRESSAL COMMISSION

AIZAWL DISTRICT: AIZAWL.

 JUDGEMENT ORDER

   CC No. 20 of  2024.

Lalruatfeli,

R/o Hridaikawn Tlangnuam,

Aizawl.                                               …..             Complainant

          Vrs

Darthangpuii,

R/o Armed Veng South,

Aizawl.                                               …..             Opposite Party

Date of hearing                                   -                  15.04.2024.

Date of judgement                              -                  15.05.2024.          

                                                PRESENT

1.Vanlalmawia                                    -                  President

2.Esther Lalmuanthangi                       -                  Member

3.Zomuana                                         -                  Member

He thubuai hi Lalruatfeli hian District Consumer Disputes Redressal Commission ah a rawn thlen a. A thubuai chu hetiang hi a ni e.

Lalruatfeli hi Darthangpuii thingpui dawt I&PR canteen ah a thawk a, an chhungkaw lam harsatna avangin ban a duh a, tah chuan midang thawk tu tur a hmuh hma chu chawlhsan rih lo tur a a ngen angin  chawlhsan mai lo in a nghak a, tichuan feb ni 16 atangin a chawlhsan ta a, chuta a hlawh chu Darthangpuii hian a pek mai loh avangin District Commission ah hian a rawn thlen a, ngun taka a ngaihtuah anih hnu ah a thubuai hi District Commission ah hian a ziah luh niin CC No.20 of 2024 a register a ni.

Registered anih hnu hian Opposite Party Darthangpuii hi ziak a chhanna written statement thehluh tur a hriattir a ni a. Dt 15/11/24 ah hian a written statement a rawn thehlut a, a written statement rawn thehluh ah chuan tihian a sawi a, kum 2019 29 July atangin I&PR  canteen hi a siam/enkawl tan a, canteen enkawl hian dan a siam a, chu a dan siam chu ziakin a  dah kher lo a, he a dan siam hi hnathawk a chhawr apiangte an thawh tan tirh ah a hrilh thin a, A dan siam te chu:-

1. Mahni duh thu ngei a bang chu hlawh kan inpe lo ang.
2. Canteen neitu ka nih angin ka mi chhawrte ka ban chuan hlawh ka pe ang.
3. Thla chanve chauh kal a mahni duh thu a ban chuan hlawh pek loh tur.
4. Zing dar 6:30 a thleng hman lo chu an hlawh atangin Rs 100/- in ka cut sak thin.
5. Nikhat kal lo chu an hlawh atangin Rs.500/- cut bawk.

Lalruatfeli hi a ban ni lovin ama duhthu ngei a bang anih thu a sawi bawk. A ban pawh hian February thla chanve ah a bang a, a hnen a a thawh chhung hian zing dar 6:30 hma in a thleng ngailo chung pawhin a hlawh a cut sak lo tih a sawi. February thla chanve hlawh pawh hi pek tur a an in tih thu a sawi loh thu a sawi bawk.

Dt 15.4.2024 ah hian Lalruatfeli leh Darthangpuii hi an lokal ve ve a, hearing neih nghal a ni a, Lalruatfeli hian Darthangpuii nen hian an inhriatna a rei  tawh thu a sawi a, tun hma atanga lo thawk dun thin tawh an niin hetia amah a sumdawn bul a tan hnu ah pawh a hnena a thawh thu a sawi a, chutianga thaawk dun rei tawh  an nih avang chuan tunah pawh hian a pasalin bang tura a tih hnu ah midang thawk tur a hmuh hma chu a khawngaih a, Darthangpuii lah a inhliam nen a thawk chhunzawm ta niin a sawi.

-2-

Darthangpuii pawh hian Lalruatfeli nen hian an in hriatna a rei tawh thu leh tun hma pawh a an lo thawh dun thin thu a sawi a, hetia mahni a bul a tan tak hnu pawh hian a hnen a thawk tura a sawm thu leh Lalruatfeli pawhin a lo pawm a, a thawk ta tih a sawi a ni. Tun a Lalruatfeli a ban dawn pawh hian an chenna ah kalin midang thawk tur a hmuh hma la kal rih turin a sawm tih a sawi a. Tichuan Ruatfeli pawh chuan chutia midang a hmuh hma leh a hliam a dam that hma chu kal a lo remti a, tichuan a kal ta niin a sawi ve bawk.

District Commission chuan an thubuai hi ngun tak a ngaihtuahin ti hian thuremna hetiang hian a siam ta a ni.

Darthangpuii hian a hnathawkte zawm tur dan a siam hi a ma thuneihna chhungah chuan a dikin sawi tur a awm lo, amaherawh chu hetia Lalruatfeli DCDRC a lo thlen takah hi chuan Darthangpuiin dan a lo siam hi Consumer Protection Act 2019 hian a rawn thiah sak ta si a, he dan hi India ram pumpui Jammu leh Kashmir tih loh ah chuan hman niin kenkawh a nih avangin Darthangpuii hian Lalruatfeli february thla chanve hlawh Rs  3,000/- hi vawiin 15/5/2024 atanga chhiar a ni 30 ral hma in a pe tur a ni.

(VANLALMAWIA)

President

          (E. LALMUANTHANGI)                                      (ZOMUANA)

     Member                                                               Member

District Consumer Disputes Redressal Commission

                  Aizawl District.Aizawl.

Copy to:  1. President, State Consumer Commission, Aizawl Mizoram.

2. Secretary, Food, Civil Supplies & Consumer Affairs. Govt.of                       Mizoram, Aizawl.

3.  Director, Food, Civil Supplies & Consumer Affairs, Govt of     Mizoram, Aizawl.

                  4.  Lalruatfeli, Hridaikawn Tlangnuam, Aizawl.        

                5.  Darthangpuii, Armed Veng South, Aizawl.

(LALTANPUII)

       Peshkar to President,

 District Consumer Disputes Redressal Commission,

Aizawl District: Mizoram