तक्रारकर्ता हजर त्‍यांचे म्‍हणणे ऐकले. सदर प्रकरणामध्‍ये तक्रारकर्त्‍याची मुळ तक्रार अशी आहे की, गैरअर्जदार क्रं. 2 ने त्‍याच्‍या आधिच्‍या विहीरी पासून जवळच विहीर खोदली. त्‍यामुळे त्‍याच्‍या विहीरीचे पाणी आटून गेले. त्‍याचे म्‍हणणे आहे की, आम्‍ही सरकारला शेतसारा देतो त्‍याचे 7 पट रक्‍कम जिल्‍हा परिषद कडून सरकार घेते आणि त्‍यामुळे ते ग्राहक आहे. सदर प्रकरणात जिथपर्यंत शेतसारा आहे त्‍याचे स्‍वरुप कर आहे सरकार मोबदल्‍यासाठी नाही. दुसरे असे की, ग्राहक संरक्षण कायद्यात मोबदला देऊन सेवा घेणे हे अपेक्षित आहे. तसा प्रकार या प्रकरणात कुठेही घडलेला नाही व सेवेतील त्रृटीचा प्रश्‍नच नाही. या सर्व बाबी लक्षात घेता  हया  प्रकरणात तक्रारकर्ता ग्राहक ठरत नसल्‍यामुळे सुरुवातीलाच निकाली काढण्‍यात येते. तक्रारकर्ता योग्‍य त्‍या न्‍यायालयासमोर आपली तक्रार दाखल करु शकतात.