(मंचाचे निर्णयान्वये,श्री.अनिल एन.कांबळे,मा.अध्‍यक्ष)

                  (पारीत दिनांक : 08.08.2011)

1.           अर्जदार यांनी सदरची तक्रार ग्राहक संरक्षण कायद्याच्‍या कलम 12 अन्‍वये दाखल केली आहे.  तक्रार प्राथमिक सुनावणीकरीता ठेवण्‍यात आले.  तक्रार मंचाचे कार्यक्षेञात मोडतो काय ?  असा मुद्दा प्राथमिक सुनावणीत उपस्थित करण्‍यात आला.  अर्जदाराचे वकील सुजाता दुबे यांनी दि.3.8.2011 ला पुढील तारखेवर सुनावणीकरीता ठेवण्‍यात यावे असे सांगीतले.  दि.6.8.2011 ला सुनावणी केली नाही, त्‍यामुळे परत दि.8.8.2011 ला तक्रार प्राथमिक सुनावणीकरीता ठेवण्‍यात आली.  परंतु, अर्जदाराची वकील गैरहजर.

2.          अर्जदार यांनी दाखल केलेले दस्‍ताऐवज आणि तक्रारीवरुन असे दिसून येते की, तक्रारीतील गैरअर्जदार हा मंचाचे कार्यक्षेञातील नाही, त्‍यामुळे तक्रार ग्राहक संरक्षण कायद्याचे कलम 11(2) नुसार मंचाचे अधिकारक्षेञातील नसल्‍यामुळे तक्रार स्विकारण्‍यास पाञ नाही.

3.          अर्जदार यांनी दाखल केलेल्‍या दस्‍ताऐवजानुसार वादास कारण ही या मंचाचे अधिकार क्षेञात घडले याबाबतचा कुठलाही दस्‍ताऐवज तक्रारीसोबत जोडलेला नाही.  त्‍यामुळे, तक्रार प्राथमिक सुनावणीत स्विकारण्‍यास पाञ नाही, असे या न्‍यायमंचाचे मत असल्‍यामुळे, तक्रार प्राथमिक सुनावणीत निकाली काढून खालील प्रमाणे आदेश पारीत करण्‍यात येत आहे.

                        // अंतिम आदेश //

            (1)   अर्जदाराची तक्रार खारीज.

            (2)   अर्जदार यांनी योग्‍य त्‍या फोरम मधून दाद मागावी.

(3)   तक्रार सोबत मुळ दस्‍ताऐवज असल्‍यास त्‍याच्‍या झेरॉक्‍स प्रती रेकॉर्डवर ठेवून मुळ दस्‍ताऐवज अर्जदारास परत करावे व सदस्‍य संच परत करावे.

(4)   अर्जदारास आदेशाची प्रत देण्‍यात यावी.