तक्रारकर्ता व त्यांचे वकील हजर. तक्रारकर्त्याच्या वकीलांनी युक्तिवाद केला की, तक्रारकर्ता हा ग्राहक असुन तो स्वतः  Benificiary  आहे. तक्रारकर्त्याने जुन-2014 चे रुपये 21,790/- दिनांक 28/06/2014 ला रकमेचा भरणा करुन सुध्दा कुठल्याही बिलाची थकबाकी  नसुन सुध्दा विरुध्द पक्षाने तक्रारकर्त्याचा खंडित विज पुरवठा जोडला नाही.  तक्रारकर्ता विरुध्द पक्षाचे ज्युनिअर इंजिनिअर श्री. पशिने साहेब ह़यांचे विरुध्द विनयभंगाची 53/2014 F.I.R.  दिनांक 21/06/2014 ह्या फौजदारी केसमध्ये तक्रारकर्ता प्रत्यक्षदर्शी साक्षीदार असल्यामुळे साक्ष बदलण्यासाठी दडपण आणण्यासाठी तक्रारकर्त्यावर विज जोरीची खोटी केस दाखल करुन विज पुरवठा खंडीत केला. तसेच तक्रारकर्त्याला मानसिक  व विज पुरवठा खंडीत केल्यामुळे त्रास सहन करावा लागत आहे. करीता विज पुरवठा त्वरीत एकतर्फी आदेशाद्वारे जोडण्यात यावा. 

तक्रारकर्त्याने जुन-2014 चे बिल भरणा पावती सहरहु केसमध्ये दाखल केली आहे.  तसेच तक्रारकर्त्यानी रुपये 370/- चे दिनांक 14/07/2014 च्या बिलाचा सुध्दा भरणा केला आहे.  तक्रारकर्त्याने विरुध्द पक्षाच्या ज्युनिअर इंजिनिअरचे फौजदारी केस मधील F.I.R. 53/2014 ची प्रत दाखल केली आहे. 

तक्रारकत्याने संपूर्ण थकबाकी भरलेली आहे. तक्रारकर्त्याची मुळ तक्रार अर्ज 46/2014 प्रलंबित आहे. सकृतदर्शनी तक्रारकर्त्याची विज जोडणीची मागणी न्यायाच्या दृष्टीने मान्य होणे आवश्यक आहे. करीता विरुध्द पक्षाने तक्रारकर्त्याचा खंडीत केलेला विज पुरवठा त्वरीत सुरु करावा असा आदेश विज जोडणी अर्जावर आज दिनांक 30/07/2014 ला पारीत करण्यात आला.