निशाणी
जिल्‍हा ग्राहक तक्रार निवारण न्‍याय मंच,जळगाव यांचे समोर. . . . .
तक्रार क्रमांक 1682/2008
तक्रार पंजीबध्‍द करण्‍यात आले तारीखः- 18/12/2008
सा.वा. यांना नोटीस लागल्‍याची तारीखः- 04.02.2009
तक्रार निकाली काढणेत आली तारीखः-05/10/2009
सौ.संगीता सुनिल अमृतकार,
उ.व.35 वर्षे, धंदाः घरकाम,
रा.लक्ष्‍मी नगर, चाळीसगांव, ता.चाळीसगांव,
जि.जळगांव. .......... तक्रारदार
विरुध्‍द
1. दि.चाळीसगांव पिपल्‍स को.ऑप बँक लि.चाळीसगांव,
आडवा बाजार, चाळीसगांव, जि.जळगांव.
तर्फे प्रशासक,
(सदरचे समन्‍स प्रशासक यांचेवर बजवावे )
2. श्री.सोमनाथ चुनिलाल कलंत्री (चेअरमन)
दि.चाळीसगांव पिपल्‍स को.ऑप बँक लि.चाळीसगांव,
आडवा बाजार, चाळीसगांव, जि.जळगांव.
3. रंगलाल सुगमचंद छाजेड, संचालक
रा.छाजेड ऑईल मिल जवळ, चाळीसगांव, जि.जळगांव.
4. श्री.बाबुराव श्रावण वाणी, (संचालक)
रा.गवळीवाडा, श्रीकृष्‍ण टॉकीजचे मागे, चाळीसगांव,जि.जळगांव.
5. श्री.सुरेशचंद्र बद्रीनारायण सोमाणी (संचालक)
रा.कापड दुकान, सदर बाजार, चाळीसगांव, जि.जळगांव.
6. श्री.रमेशचंद्र चंपालाल जैन, (संचालक)
रा.गजानन मेडीकल, देवरे हॉस्‍पीटल, चाळीसगांव, जि.जळगांव.
7. श्री.राजेंद्र रामदास चौधरी, संचालक
रा.लक्ष्‍मीनगर, चाळीसगांव, जि.जळगांव.
8. श्री.तुकाराम सिदाआप्‍पा गवळी, संचालक
रा.गवळीवाडा, शिवाजी चौक, चाळीसगांव, जि.जळगांव.
9. श्री.कृष्‍णराव उत्‍तमराव देशमुख, संचालक
रा.कृष्‍णा ऑटो पार्टस, सुभाष लॉज जवळ, चाळीसगांव,जि.जळगांव.
10. श्री.इंदरचंद शर्मा, संचालक
रा.शर्मा ट्रान्‍सपोर्ट, मार्केट जवळ, पोलीस चौकीपुढे,
चाळीसगांव, जि.जळगांव. .......... सामनेवाला
न्‍यायमंच पदाधिकारीः-
श्री. बी.डी.नेरकर अध्‍यक्ष.
अड. श्री.चंद्रकांत मोहन येशीराव सदस्‍य.
अंतिम आदेश
( निकाल दिनांकः 05/10/2009)
(निकाल कथन न्‍याय मंच अध्‍यक्ष श्री. बी.डी.नेरकर यांचेकडून )
तक्रारदार तर्फे श्री.संतोषकुमार पी.चोपडा वकील हजर
सामनेवाला क्रं. 10 तर्फे श्री.सी.पी.शुक्‍ला वकील हजर.(नो-से)
सामनेवाला क्र. 1 तर्फे श्री.वाय.एस.बाविस्‍कर वकील हजर.
सामनेवाला क्र. 2 ते 9 एकतर्फा.
सदर प्रकरण तक्रारदार यांनी सामनेवाला यांचेविरुध्‍द ग्राहक संरक्षण कायदा, 1986 चे कलम 12 प्रमाणे दाखल केलेले आहे. संक्षिप्‍तपणे प्रकरणाची हकिकत खालीलप्रमाणे आहेः-
1. सामनेवाला ही महाराष्‍ट्र को-ऑपरेटीव्‍ह सोसायटी अक्‍ट 1960 चे कायद्यान्‍वये स्‍थापन झालेली एक नोंदणीकृत नामांकीत पतसंस्‍था आहे. वेगवेगळया प्रकारच्‍या ठेवी स्विकारणे, त्‍यावर व्‍याजदेणे, कर्ज वाटप करणे इत्‍यादी सामनेवाला या पतसंस्‍थेचे कार्य आहेत. तक्रारदार यांनी सामनेवाला या पतसंस्‍थेत पुढील प्रमाणे रक्‍कम गुंतविलेल्‍या आहेत, मुदत ठेवी तपासल्‍या असता त्‍याचा तपशील पुढील प्रमाणेः-
अ.क्र. | पावती /खाते क्रमांक | ठेव दिनांक | रक्‍कम रुपये | देय तारीख |
1 | 36790 | 06/06/2007 | 54,922/- | 06/03/2008 |
तक्रारदार यांनी वरील ठेव ठेवलेल्‍या मुदत ठेव पावतीची मुदत संपलेली असल्‍याने व तक्रारदार यांना आर्थिक गरज असल्‍याने, तक्रारदार हे त्‍यांची मुदत ठेवीची रक्‍कम सामनेवाला यांचेकडे व्‍याजासह मागणेसाठी गेले असता सामनेवाला यांनी तक्रारदार यांना उडवाउडवीची उत्‍तरे देऊन व पैसे देण्‍यास टाळाटाळ करुन सामनेवाला यांनी तक्रारदार यांचे ठेवीची रक्‍कम देण्‍यास नकार दिलेला आहे. त्‍यामुळे तक्रारदार यास विनाकारण शारिरिक, आर्थिक व मानसिक त्रासास सामोरे जावे लागलेले आहे म्‍हणून तक्रारदार यांनी त्‍यांच्‍या मुदत ठेवीची रक्‍कम व्‍याजासह परत मिळणेकामी तसेच त्‍यांना झालेल्‍या त्रासापोटी नुकसान भरपाई मिळणेसाठी सामनेवाला यांचेविरुध्‍द सदरील तक्रार दाखल केलेली आहे.
2. सदरची तक्रार पंजीबध्‍द करण्‍यात आल्‍यानंतर, सामनेवाला यांना ग्राहक संरक्षण कायदा, 1986 चे कलम 13(1) ब प्रमाणे नोटीसा काढण्‍यात आल्‍या. सामनेवाला क्र. 2 ते 9 हे मंचाची नोटीस मिळुनही प्रस्‍तुत प्रकरणी हजर झालेले नसल्‍याने सामनेवाला क्रं. 2 ते 9 विरुध्‍द एकतर्फा आदेश पारीत करण्‍यात आले. तसेच सामनेवाला क्र. 10 हे वकीलामार्फत हजर झाले तथापी लेखी म्‍हणणे सादर न केल्‍याने त्‍यांचेविरुध्‍द नो-से आदेश पारीत करुन तक्रार निकालासाठी घेतली.
3. सामनेवाला क्र. 1 यांनी तक्रारदाराची तक्रार नाकारली आहे. ग्राहक या संज्ञेत अवसायक मंडळ बसत नसुन त्‍यांना तक्रार अर्जातुन वगळण्‍यात यावे. लेखापरिक्षक यांचे दाखविलेल्‍या दोषासंदर्भात अवसायक मंडळाने संबंधीत बँकेच्‍या संचालक मंडळाविरुध्‍द चाळीसगांव पोलीस स्‍टेशन मध्‍ये गैरव्‍यवहार केल्‍याबद्यल एफआयआर दाखल केला आहे. ठेवीदारांना देण्‍यात येणा-या रक्‍कमा शासन ठरवेल त्‍या प्रमाणांत देण्‍यात येतील त्‍यावर अवसायक मंडळाचा कुठलाही अधिकार राहणार नसल्‍याने मिळणा-या एकुण रक्‍कमेवर अवसायक मंडळ कुठलेही लेखी आश्‍वासन देणार नाही. अवसायक मंडळाला मिळालेल्‍या कालावधीत कर्जदारांकडुन कायदेशीररित्‍या जेवढया कर्जाऊ रक्‍कमा वसुल होतील त्‍या प्रथम वसुल करुन सर्वप्रथम ठेवीदाराच्‍या 1 लाखाचे आतील ठेवी परत करणेसंबंधी डिपॉझीट इंन्‍शुरन्‍स गॅरंटी कॉर्पोरेशन, मुंबई यांचेकडे ठेव विमा क्‍लेम लिस्‍ट पाठविण्‍याचे काम युध्‍द पातळीवर चालु असुन लवकरच ठेव विमा क्‍लेम लिस्‍ट सदर विमा कंपनीकडे सादर करीत असल्‍याचे प्रतिपादन केले असुन सदर ठेव विमा लिस्‍ट मंजुर झाल्‍यानंतर रु.1 लाखाआतील सर्व ठेवीदारांना त्‍यांच्‍या ठेव रक्‍कमा परत केल्‍या जातील असे सामनेवाला यांनी म्‍हटले आहे. सबब अवसायक मंडळाला तक्रार अर्जातुन तात्‍काळ वगळण्‍यात यावे व प्रस्‍तुत प्रकरणी आजी व माजी संचालक मंडळास जबाबदार धरुन कारवाई करण्‍यात यावी अशी विनंती सामनेवाला क्र. 1 यांनी केली आहे.
4. तक्रारदार यांची तक्रार, त्‍यांनी दाखल केलेले कागदपत्रे, याचे अवलोकन केले असता तसेच सामनेवाला क्र. 1 चे म्‍हणणे व उभयतांचा युक्‍तीवाद ऐकला असता न्‍यायनिवाडयासाठी पुढील मुद्ये उपस्थित होतातः-
1. सामनेवाला यांनी तक्रारदार यांना योग्‍य ती सेवा न
देऊन आपल्‍या सेवेत कसूर केला आहे काय ? ...... होय
म्‍हणून आदेश काय अंतिम आदेशाप्रमाणे
निष्‍कर्षाची कारणेः-
5. मुद्या क्रमांक 1 सामनेवाला यांनी तक्रारदार यास सेवा देण्‍यास कसूर केला आहे काय याबाबत मंचाचे लक्ष तक्रारदार यांनी सामनेवाला पतसंस्‍थेत रक्‍कम गुंतवणूक केलेल्‍या पावतीकडे वेधले असता असे दिसून येते की, ठेवीची मुदत संपल्‍यानंतर किंवा मुदत संपण्‍याआधी ठेवीदाराने सदरील रक्‍कमेची मागणी केल्‍यास ग्राहकांना त्‍यांच्‍या ठेवीच्‍या रक्‍कमा त्‍यांचे मागणीनुसार न देणे किंवा टाळाटाळ करणे हा ग्राहकाचा वाद आहे. सदरील मुदत ठेवीची रक्‍कमेची मागणी तक्रारदार यांनी सामनेवाला यांचेकडे केली असल्‍याचे तक्रारीतील कागदपत्रावरुन दिसून येते. परंतु सामनेवाला यांनी ती देण्‍यास वेळोवेळी नकार दिलेला आहे, सामनेवाला यांनी सदरील रक्‍कम तक्रारदार यांना नियमाप्रमाणे परत केलली नाही व सदरील रक्‍कम आपल्‍या फायद्याकरीता मुद्याम स्‍वतःकडे ठेऊन घेतली आहे. त्‍यामुळे तक्रारदार यास नाईलाजास्‍तव सदरील तक्रार दाखल करणे भाग पडले आहेतसेच सदरील तक्रार दाखल केल्‍यानंतर व तक्रारदार यांनी तक्रारीत त्‍यांचे शपथपत्र दाखल केल्‍यानंतरही सदरील रक्‍कम तक्रारदार यास परत न करुन सामनेवाला यांनी अनुचित व्‍यापारी प्रथेचा अवलंब करुन आपल्‍या सेवेत कसूर केलेला आहे. त्‍यामुळे तक्रारदार यास विनाकारण शारिरिक, आर्थिक व मानसिक त्रासास सामोरे जावे लागलेले आहे म्‍हणून तक्रारदार हा सामनेवाला यांचेकडून त्‍यांची ठेव रक्‍कम व्‍याजासह परत मागणेस व नुकसान भरपाईची रक्‍कम मागणेस हक्‍कदार आहे. सबब मंच पुढील आदेश पारीत करीत आहे.
आ दे श
( अ ) तक्रारदार यांचा तक्रारी अर्ज अंशतः मंजूर करण्‍यात येतो.
( ब ) सामनेवाला क्रं. 1 ते 10 यांना असे निर्देशित करण्‍यात येते की, त्‍यांनी तक्रारदार यांची उपरोक्‍त आदेश कलम 1 मध्‍ये नमुद मुदत ठेव पावत्‍या मॅच्‍युअर्ड झालेल्‍या असल्‍याने त्‍यावरील मुदती अंती देय असलेल्‍या रक्‍कमा त्‍या त्‍या पावतीवरील देय तारखेनंतर ( मुदत ठेवीचा कालावधी संपल्‍यापासून ) एकत्रित रक्‍कमेवर द.सा.द.शे. 5 टक्‍के व्‍याजासह तक्रारदार यांना आदेश दिनांकापर्यंत देण्‍यात यावेत.
( क ) सामनेवाला क्रं. 1 ते 10 यांना असेही निर्देशित करण्‍यात येते की, त्‍यांनी तक्रारदार यास झालेल्‍या मानसिक, शरिरिक व आर्थिक त्रासापोटी रक्‍कम रुपये 1000/- नुकसान भरपाई म्‍हणून देण्‍यात यावे.
( ड ) सामनेवाला क्रं. 1 ते 10 यांना असेही निर्देशित करण्‍यात येते की, त्‍यांनी तक्रारदार यास सदरील तक्रारीचे खर्चापोटी रक्‍कम रुपये 1000/- देण्‍यात यावे.
( इ ) सामनेवाला क्रं. 1 ते 10 यांना असेही निर्देशित करण्‍यात येते की, त्‍यांनी वरील सर्व रक्‍कमा तक्रारदार यांना सदरील आदेश पारीत केल्‍यापासून एक महिन्‍याच्‍या आत द्याव्‍यात अन्‍यथा वरील सर्व एकत्रित रक्‍कमेवर तक्रारदार यांना द.सा.द.शे . 6 टक्‍के व्‍याजासह संपूर्ण रक्‍कम फीटेपावेतो आदेश दिनांकापर्यंत देण्‍यात यावेत.
( ई ) सदरील तक्रारीच्‍या आदेशाची पुर्तता मुदतीत न केल्‍यास सामनेवाला क्रं. 1 ते 10 हे ग्राहक संरक्षण कायदा 1986चे कलम 25 व 27 प्रमाणे कार्यवाहीस पात्र ठरतील.
( फ ) उभयपक्षकारांना आदेशाची सही शिक्‍क्‍याची प्रत निःशुल्‍क देण्‍यात यावी.
ज ळ गा व
दिनांकः- 05/10/2009
(श्री.चंद्रकांत मोहन येशीराव ) ( श्री.बी.डी.नेरकर )
सदस्‍य अध्‍यक्ष
जिल्‍हा ग्राहक तक्रार निवारण न्‍याय मंच,जळगाव
