नि.क्रं. 1  वरील आदेश

 (मा. अध्यक्ष, श्री. संजय वा. पाटील यांच्या आदेशान्वये)

1. वर्तमान दरखास्त प्रकरण कलम 27 प्रमाणे विठ्ठल पांडुरंगजी उके यांनी वि.प.-चेतन्यवाडी अर्बन क्रेडीट को-ऑपरेटिव्ह सोसायटी लि. यांचे विरुध्‍द दाखल केलेले आहे. आज रोजी तक्रारदाराचे वकीलांनी अर्जदार-विठ्ठल उके मयत झाल्याबाबत पुरसिस दाखल केलेली आहे आणि त्यामधे पूढे असे नमुद केले की, तक्रारकर्ते यांचे कोणतेही वारस त्यांच्याकडे आलेले नाही आणि त्यांना प्रकरण पूढे चालविण्‍याकरिता सूचना दिलेल्या नाही. 
2. आज रोजी वि.प.यांचे वकीलांनी पूरसिस दाखल करुन पुरसिससोबत विठ्ठल उके यांचे मृत्युप्रमाणपत्राची प्रत आणि श्रीमती लक्ष्‍मीबाई विठ्ठलराव उके हिने नोटरीसमोर केलेल्या शपथपत्राची प्रत व रक्कम प्राप्त झाल्याबाबतची पावतीची प्रत दाखल केलेली आहे. वि.प.या संस्थेवर आजरोजी अवसायक यांची नेमणूक करण्‍यात आलेली आहे. अवसायक यांचे कार्यालयातुन प्रतिनिधी आज रोजीजी मंचासमक्ष हजर झालेले आहे मंचासमक्ष व त्यांनी श्रीमती लक्ष्‍मीबाई विठ्ठलराव उके यांना पैसे दिल्याबाबतची मूळ पावती व मूळ शपथपत्र  या आयोगाचे अवलोकनार्थ सादर केले होते ते आम्ही तपासले आणि अवसायक यांनी मूळ तक्रारदाराच्या पत्नीला रक्कम दिल्याचा पूरावा हजर केल्यामूळे वर्तमान प्रकरण नस्तीबंद करणे उचित आहे असे आमचे मत आहे. सबब खालीलप्रमाणे आदेश पारित करण्‍यात येतो.

आदेश

1. वि.प. यांचे तर्फे अवसायक यांनी मूळ तक्रारीतील आदेशाचे पालन केल्यामूळे वर्तमान दरखास्त प्रकरण नस्तीबध्‍द करण्‍यात येत आहे.
2. सर्व वि.प. यांना वर्तमान प्रकरणातून दोषमूक्त करण्‍यात येत आहे.
3. आरोपीने दाखल केलेले जामीन व जामीनपत्र रद्द करण्‍यात येते.
4. उभय पक्षकारांनी तक्रारीचा खर्च स्वतः सहन करावा.
5. उभय पक्षकारांना आदेशाची प्रथम प्रत निःशुल्क देण्‍यात यावी.
6. तक्रारकर्त्याला प्रकरणाची ‘ब’ व ‘क’ फाईल परत करावी.