​

तक्रारदाराचे वकील  -  मिस. साधना कुमार    

आदेश - मा. एम.वाय.मानकर, अध्‍यक्ष,          ठिकाणः बांद्रा (पू.)

                  तक्रार दाखलकामी आदेश

1.  तक्रारदार यांचे वकील मिस. साधना कुमार  यांना तक्रार दाखल कामी ऐकण्‍यात आले.

2.    तक्रार व सोबत दाखल करण्‍यात आलेली  कागदपत्रे पाहण्‍यात आली. तक्रारदार यांनी सामनेवाले बिस्‍कीट निर्माता कंपनीविरूध्‍द, त्‍यांच्‍या बिस्‍कीटीसमध्‍ये अळया आढळल्‍यामूळे ही तक्रार दाखल केली. त्‍यांचेनूसार ही बिस्‍कीट्स खाल्‍यामूळे ते आजारी पडले. त्‍यांनी ही तक्रार दाखल करून सामनेवाले यांनी गुड्डे बिस्‍कीट्स चे उत्‍पादन थांबविण्‍यासाठी, बिस्‍कीटचा नमूना तपासण्‍यासाठी प्रयोग शाळेत पाठविण्‍याकरीता व त्‍यांना मानसिक त्रासासाठी  रू. 10,00,000/-,अशी मागणी केलेली आहे.                                                                                                                                                                                                                                                                                                                                                                                                                    

3.  तक्रारदारानी तक्रारीसोबत बिस्‍कीट विकत घेतल्‍याबाबत कोणतेही देयक  दाखल केले नव्‍हते. ते दाखल करण्‍याकरीता त्‍यांनी मुदत मागीतली व नंतर दि. 08/10/2015 चे देयक दाखल केले. हे देयक त्‍यांच्‍या नावे नाही. त्‍यामुळे ते ग्राहक ठरत नाही. शिवाय या देयकाप्रमाणे बिस्‍कीट्स दि. 08/10/2015 ला विकत घेण्‍यात आले व तक्रारदार यांचेनूसार ते 08/03/2016 ला खातांना बिस्‍कीटीसमध्‍ये दोष आढळून आले. तक्रारदार यांनी परिच्‍छेद क्र 6 मध्‍ये नमूद केले आहे की, बिस्‍कीट पॅकेटवर एक्‍सपायरी तारीख नमूद नाही. तक्रारदार यांनी दाखल केलेल्‍या आवरण्‍याच्‍या छायांकित प्रतीमध्‍ये उत्‍पादन केल्‍याची तारीख 24/09/2015 अशी दर्शविण्‍यात आली आहे. परंतू त्‍या खालील भाग हा फाटलेला दिसतो. या भागावर ते उत्‍पादन कोणत्‍या तारखेपर्यंत उपयोगात आणायचे असते या बाबत नमूद असते. त्‍यामुळे एक्‍सपायरी तारीख दिलेली नाही असे म्‍हणता येणार नाही.  

4. महत्‍वाचे म्‍हणजे तक्रारदार यांनी याबाबत कोणत्‍याही तज्ञांचा अहवाल  दाखल केलेला नाही. अहवाला अभावी ही तक्रार दाखल करून घेता येणार नाही. याकरीता आम्‍ही मा. राष्‍ट्रीय आयोगानी रिव्‍हीजन पिटीशन नं. 1052/2016 हरचंद राम विरूध्‍द फर्म मुकेश आणि इतर निकाल तारीख 12/07/2016 चा आधार घेत आहोत. सबब खालील आदेश.

                            आदेश 

1. तक्रार क्र. 126/2016 ही ग्रा.सं.कायदा कलम 12(3) प्रमाणे फेटाळण्‍यात येते.
2. खर्चाबाबत आदेश नाही.
3. आदेशाच्‍या प्रती उभयपक्षांना निःशुल्‍क पाठविण्‍यात याव्‍या.
4. अतिरीक्‍त संच तक्रारदारांना परत करण्‍यात यावे.               
5. npk/-