::: आ दे श :::

( पारीत दिनांक : 03.03.2016 )

आदरणीय सदस्या श्रीमती भारती केतकर, यांचे अनुसार

          सदर फिर्याद दि. 24/4/2014 रोजी दाखल झाल्यावर दि. 12/6/2014 रोजी गैरअर्जदाराच्या वकीलांनी पुरसीस देऊन मंचाला असे कळविले की,…

     “ सदर प्रकरणात विरुध्दपक्ष यांनी मा. राज्य आयोग नागपुर येथे अपील दाखल केले असून, सदर अपील मध्ये विरुध्दपक्ष यांना स्टे मिळाला आहे”

      गैरअर्जदार यांनी पुरसीस बरोबर मा. राज्य आयोग, नागपुर खंडपीठ कडून सदर फिर्याद प्रकरणाला स्थगीती मिळाल्याचा आदेशाही दाखल केला.  या नंतर उभय पक्ष सतत गैरहजर राहत असल्याने, अपील प्रकणात झालेल्या कारवाईची कुठलीच माहीती मंचाला प्राप्त झालेली नाही.  मागील दिड वर्षापासून फिर्यादी सतत गैरहजर राहीला असून, या प्रकरणात कुठलीही कारवाई केली नाही अथवा मा. राज्य आयोगापुढील अपील प्रकरणात काय निर्णय झाला अथवा काय कारवाई झाली, याचीही माहीती मंचाला दिली नाही.  सबब या प्रकरणातील फिर्यादीला मा. राज्य आयोगाच्या आदेशाच्या अधिन राहून नव्याने फिर्याद दाखल करण्याची संधी देऊन सदर फिर्याद नस्तीबध्द करण्याचे आदेश सदर मंच देत आहे..

                                    ::: अं ति म  आ दे श  :::

       फिर्यादीला मा. राज्य आयोगाच्या आदेशाच्या अधिन राहून नव्याने फिर्याद दाखल करण्याची संधी देवून सदर फिर्याद नस्तीबध्द करण्यात येत आहे.