(मंचाचे निर्णयान्वये,श्री.अनिल एन.कांबळे,मा.अध्‍यक्ष)

                  (पारीत दिनांक :08.06.2011)

            अर्जदार हिने सदर तक्रार ग्राहक संरक्षण कायद्याचे कलम 12 अन्‍वये दाखल केली आहे.  तक्रार नोंदणी करुन प्राथमीक सुनावणी करीता ठेवण्‍यात आले.  अर्जदार व तिचे वकील 19.5.11, 27.5.11, 3.6.11 व आजही गैरहजर. 

            अर्जदार हिने दाखल केलेल्‍या दस्‍ताऐवजाचे अवलोकन केले असता, अर्जदाराचा पती आनंदराव मरापे याचा दि.28.5.05 रोजी मोटार अपघातात मृत्‍यु झाला असून त्‍याबाबतचा मृत्‍यु प्रमाणपञ अ-4 वर दाखल केला आहे.  सदर दस्‍ताऐवजाचे अवलोकन केले असता, तक्रार ही ग्राहक संरक्षण कायद्याचे कलम 24-ए(1) नुसार मुदतीत नाही. तसेच, विलंब माफीचा अर्ज सुध्‍दा नाही. त्‍यामुळे स्विकारण्‍यास पाञ नाही.  मृतकाचा मृत्‍यु कशामुळे झाला याबद्दलचे कोणतेही कागदपञे रेकॉर्डवर जोडलेले नाही. अर्जदार व तिचे वकील सतत गैरहजर राहून प्राथमीक सुनावणी केलेली नाही.

            सबब अर्जदाराची तक्रार मुदतबाह्य असल्‍यामुळे आणि सतत गैरहजर राहून प्राथमीक सुनावणी केली नसल्‍याने तक्रार नामंजूर करुन खालील प्रमाणे आदेश पारीत करण्‍यात येत आहे.

                        // अंतिम आदेश //

                        अर्जदाराची तक्रार खारीज.