(निकालपत्र पारित व्‍दारा.श्री.पी.पी.निटूरकर.अध्‍यक्ष.)

                गैरअर्जदाराने तक्रारदारास 10 ते 12 प्रकारचे टॅक्‍सेस लावुन व अनावश्‍यक पॉलिसी देवुन अर्जदाराचे नुकसान झाले व सेवेत त्रुटी म्‍हणून सदरची तक्रार दाखल केली आहे.

                तक्रारदाराची थोडक्‍यात तक्रार अशी आहे की, अर्जदार हा परभणी येथील रहिवाशी असून अर्जदार क्रमांक 2 ही अर्जदार क्रमांक 1 ची पत्‍नी आहे.

                तक्रारदाराचे म्‍हणणे की, सन 2010 मध्‍ये मार्च महिन्‍यात गैरअर्जदार क्रमांक 1 बँकेत 11,000/- रु. भरुन तक्रारदाराने खाते उघडले, ज्‍याचा खाते क्रमांक 17891000000114 असा आहे. त्‍यावेळेस बॅकेने अर्जदारास एक A.T.M.Card पण दिले, गैरअर्जदार बँकेने स्‍वतःच्‍या फायद्या करीता तक्रारदारास विनाकारण वेगवेगळया योजने मध्‍ये माहिती नसतांना तक्रारदारास गुंतवीले. अर्जदार मुळचा हिंदी भाषिक असल्‍याने मराठीचे ज्ञान कामापुरते आहे, व इंग्रजी ज्ञान नसल्‍याने गैरअर्जदार बँकेने त्‍यांच्‍या पाहिजे तिथे सहया घेतल्‍या त्‍यामुळे तक्रारदाराचे पुढे नुकसान झाले.

                तक्रारदाराचे म्‍हणणे की, गैरअर्जदारांनी गरज नसतांना व मागणी नसतांना त्‍यास एक क्रेडीट / डेबीट कार्ड दिले, व त्‍याचेही एक खाते उघडले ज्‍याचा क्रमांक 4617863002230058 असा आहे. व पहिल्‍यांदाच दिनांक 09/03/2010 रोजी 500/- रु. कार्ड Issuance Charges म्‍हणून तक्रारदारास लावले, नंतर लगेच 15/03/2010 रोजी 51.50 रु. हे S.T. And cess on D.C.  हया हेड खाली नावे टाकले.

                तक्रारदाराचे म्‍हणणे की,  सदर कार्डचा तक्रारदारास कांहीच उपयोग नसल्‍याने ते कार्ड परत घेवुन खाते बंद करावे, अशी तक्रारदाराने गैरअर्जदारास विनंती केली. गैरअर्जदाराने आवश्‍यक नसतांना देखील तक्रारदार क्रमांक 2 यास Debit कार्ड दिले, म्‍हणून तक्रारदाराने दोन्‍ही कार्ड घेवुन खाते बंद करावे म्‍हणून गैरअर्जदारास विनंती केली, पण त्‍याचा काही उपयोग झाला नाही, व गैरअर्जदाराने दोन्‍ही खाते चालू ठेवले.

                तक्रारदाराचे म्‍हणणे की, गैरअर्जदाराने वेगवेगळया नावाखाली रक्‍कमा अर्जदाराच्‍या नावे टाकणे सुरु केले ते अर्जदारास धक्‍कादायक होते, म्‍हणून गैरअर्जदारास माहिती मागविली, पण गैरअर्जदाराने माहिती दिली नाही, त्‍यामुळे अर्जदाराचे खुप नुकसान झाले.

                तक्रारदाराचे म्‍हणणे की, अर्जदारास कोणतीही माहिती न देता त्‍याची मागणी नसतांना अचानक 50,166/- रु. तक्रारदाराच्‍या खात्‍यात नावे टाकली व अर्जदाराच्‍या नावे एक HDFC Life Insurance  Co. ची  HDFC Classic Assurance Plan ची एक पॉलिसी ज्‍याचा क्रमांक 15007843 अर्जदारास दिली. गैरअर्जदाराने तक्रारदारास सांगीतले की, दरवर्षी 50,000/- रु. प्रमाणे कमीत कमी 3 वर्षे रक्‍कम भरणे आवश्‍यक आहे, व त्‍यानंतर पैसे नाही भरले तरी पॉलिसी Benefits हे 7 व्‍या वर्षी मिळतील.

                     तक्रारदाराचे म्‍हणणे की, तो सदरचा हप्‍ता भरण्‍यास असमर्थ असले कारणाने पॉलिसी रद्द करावी, म्‍हणून तक्रारदाराने गैरअर्जदारास विनंती केली, परंतु त्‍याचा कांही उपयोग झाला नाही, विशेष म्‍हणजे Policy Documents सुध्‍दा गैरअर्जदाराने तक्रारदारास दिले नव्‍हते.

                      तक्रारदाराचे म्‍हणणे की, गैरअर्जदाराने बेकायदेशिरपणे सन 2013 मध्‍ये 10 ते 12 प्रकारचे चार्जेस लावणे चालू ठेवले. तसेच 2 वर्षाचा प्रीमियम भरा अन्‍यथा पहिल्‍या हप्‍त्‍याचे नुकसान होईल, असा गैरअर्जदाराने तक्रारदारावर दबाव आणला.

                      तक्रारदाराचे म्‍हणणे की, दिनांक 09/07/2013 ला गैरअर्जदाराने तक्रारदारास नोटीस पाठविली की,  To Stop Suspended Status due to irregular payment of amount in credit card amount of Rs 2,184/- ही रक्‍कम वसुल करु असे सांगीतले. सदरची नोटीस तक्रारदारास धक्‍कादायक होती, म्‍हणून त्‍याने गैरअर्जदारास भेटले व सदर दोन्‍ही कार्ड व पॉलिसी बंद करावी व फक्‍त अर्जदाराने Saving Account with ATM  चालू ठेवावे, अशी विनंती केली, परंतु त्‍याचा काही उपयोग झाला नाही, व शेवटी तक्रारदाराने वकीला मार्फत पोस्‍टाने नोटीस पाठवून दिनांक 21/08/2013 रोजी वरील सर्व मागण्‍या नमुद केल्‍या, परंतु त्‍यास गैरअर्जदाराने उत्‍तर दिले नाही.

                      तक्रारदाराचे म्‍हणणे की, गैरअर्जदाराच्‍या सदर त्रासाला कंटाळून मार्च 2013 मध्‍ये खाते वापरणे बंद केले होते, तसेच बँकेने 2103 मध्‍ये पॉलिसीचा दुसरा हप्‍ताही तक्रारदाराकडून वसूल केला. नोटीस मिळाल्‍यावर गैरअर्जदारानी अर्जदारास मुळ पॉलिसी पाठविली व ती पाहिली असता Clause No 4 मध्‍ये  Guaranteed minimum Surrender Value हा धक्‍कादायक होता, ज्‍यामध्‍ये 3 वर्ष    Premium  भरल्‍यानंतर  Paid up amount हा पहिल्‍या वर्षाच्‍या हप्‍त्‍या बाबत  0 टक्‍के परतावा दुस-या वर्षाच्‍या हप्‍त्‍याबाबत 50 टक्‍के परतावा मिळेल असे नमुद केले आहे. म्‍हणजेच अर्जदाराने 2014 मध्‍ये तिसरा हप्‍ता भरल्‍यावरही 3 वर्षाची रक्‍कम 1,50,498/- झाल्‍यावरही Paid up Value फक्‍त 50,166/- परत मिळतील व तक्रारदाराचे 100332/- रु. चे नुकसान होईल. सदरचा प्रकार हा कायद्याच्‍या विरोधात आहे. गैरअर्जदार हे मनमानी कारभार करीत आहेत.

                     तक्रारदाराचे म्‍हणणे की, अर्जदार क्रमांक 2 ही गृहीणी असतांना बँकेने विनाकारण अर्जदार क्रमांक 2 चे ही 11,000/- रु. भरुन एक बचत खाते क्रमांक 17891000005309 उघडले व त्‍याचा अर्जदाराना कांहीच उपयोग नाही, म्‍हणून ते बंद करावे, अशी सतत विनंती करुनही गैरअर्जदाराने दाद दिली नाही.

                      तक्रारदाराचे म्‍हणणे की, गैरअर्जदार क्रमांक 1 व 2 यांनी दिनांक 13/09/2013 रोजी तक्रारदारास वकीला मार्फत नोटीस पाठवुन चार्जेसच्‍या नावाखाली 620/- रु. ची मागणी केली ती बेकायदेशिर आहे.

                      गैरअर्जदाराने तक्रारदारास सेवेत त्रुटी दिली, म्‍हणून सदरची तक्रार दाखल करणे भाग पडले व मंचास विनंती केली आहे की, सदरचा तक्रार अर्ज मंजूर करुन गैरअर्जदाराने अर्जदारांना त्रुटीची सेवा दिली हे घोषीत करावे, व तसेच गैरअर्जदार क्रमांक 1 व 2 यांनी दिनांक 09/07/2013 व 13/09/2013 रोजी पाठविलेल्‍या नोटीस रद्द ठरवुन अर्जदाराची तक्रार खर्चासह खालील प्रमाणे मंजूर करावी.

1. गैरअर्जदार क्रमांक 1 व 2 यांनी अर्जदार क्रमांक 2 यास बचत खाते क्रमांक 17891000005309 हे ATM सह बंद करण्‍याचे आदेश गैरअर्जदारांना द्यावेत.

2. गैरअर्जदार क्रमांक 1 व 2 यांनी अर्जदारांना दिलेले दोन्‍ही Credit Card परत घेवुन खाते बंद करण्‍यात यावेत.

3. गैरअर्जदार क्रमांक 1 व 2 यांनी 2 डेबीट कार्डच्‍या खाते क्रमांक 4617863002230058 मध्‍ये टाकलेले सर्व बेकायदेशिर नोंदी रद्द करण्‍यात यावे, व तक्रारदारास खाते उतारा reconstruct करुन खाते पूर्ण बंद करावे.

4. गैरअर्जदाराने फक्‍त तक्रारदाराचे बचत खाते क्रमांक 17871000001014 ATM कार्डसह चालू ठेवावे.

5. गैरअर्जदार क्रमांक 3 यांनी दिलेली policy No. 15007843 अन्‍वये तक्रारदाराने भरलेली रक्‍कम 1,50,498/- तक्रारदारास 9 टक्‍के व्‍याजासह परत करण्‍याचा आदेश व्‍हावा.

6. अर्जदाराना त्रुटीची सेवा दिली, म्‍हणून नुकसान भरपाई म्‍हणून 20,000/- रु. व तक्रारीचा खर्च 5,000/- गैरअर्जदाराने तक्रारदारास देण्‍याचे आदेश व्‍हावेत.

   अशी मागणी केली आहे.

                      तक्रार अर्जाच्‍या पुष्‍टयार्थ तक्रारदाराने नि.क्रमांक 2 वर आपले शपथपत्र दाखल केले आहे.

                     तक्रारदाराने पुराव्‍याबाबत नि.क्रमांक 4 वर 13 कागदपत्राच्‍या यादीसह 13 कागदपत्राच्‍या प्रती दाखल केल्‍या आहेत. ज्‍या मध्‍ये खाते उतारा, पॉलिसी प्रत, नोटीसीची प्रत, इ. कागदपत्रे दाखल केली आहेत.

                     तक्रार अर्जास लेखी निवेदन सादर करण्‍यासाठी मंचातर्फे गैरअर्जदारांना नोटीसा काढण्‍यात आल्‍या.

                    गैरअर्जदार क्रमांक 1 व 3 यास मंचाची नोटीस तामील होवुन मंचासमोर हजर नाहीत, त्‍यामुळे त्‍यांचे विरुध्‍द एकतर्फा  आदेश पारीत करण्‍यात आला.

                    गैरअर्जदार क्रमांक 2 वकिला मार्फत मंचासमोर हजर, व नि.क्रमांक 12 वर आपला लेखी जबाब सादर केला, त्‍यात त्‍यांचे असे म्‍हणणे आहे की, सदरची तक्रार ही ग्राहक संरक्षण कायद्याच्‍या संदर्भात नाही, तसेच सदरची तक्रार दाखल करणे तक्रारदारास कोणतेही कारण घडले नाही, त्‍यामुळे सदरची तक्रार खारीज होणे योग्‍य आहे. प्रस्‍तुतची तक्रार ही खोटी व बनावटी आहे. तक्रारदाराने प्रस्‍तुत तक्रारी मध्‍ये मुख्‍य बाबी कोर्टा समोर आणल्‍या नाहीत, तक्रारदार हा मंचाची दिशाभुल करत आहे. तक्रारदाराने आमच्‍या बँकेत खाते उघडले होते, हे बरोबर आहे, परंतु तक्रारदाराचे हे म्‍हणणे खोटे आहे की, बँकेने तक्रारदारास Credit कार्ड घेण्‍याकरीता बळजबरी केली, उलट तक्रारदाराने बँकेस विनंती अर्ज केल्‍यावरच बँकेने सदरचे कार्ड तक्रारदारास दिले आहे. व ज्‍याचा Credit Card No. 434678600149154 असा आहे.

                    बॅंकेचे म्‍हणणे की, तक्रारदाराने सदरचे क्रेडीटकार्ड घेते वेळी सदर क्रेडीट कार्डच्‍या नियम व अटी मान्‍य केल्‍या आहेत, व सदर नियमाच्‍या कागदावर तक्रारदाराने सही केली आहे. तसेच तक्रारदारास मराठी व इंग्रजी भाषेचे ज्ञान आहे.

         बँकेचे म्‍हणणे की, तक्रारदाराने त्‍याच्‍या तक्रारी मधील परिच्‍छेद क्रमांक 3 मधील केलेले कथन हे खोटे आहे. तक्रारदाराने स्‍वतः क्रेडीटकार्ड मिळवण्‍याकरीता बँकेकडे अर्ज केल्‍यानंतर बँकेने क्रेडीटकार्ड नं. 461786300223058 जारी केले व सदर क्रेडीटकार्ड जारी करते वेळी गैरअर्जदार क्रमांक 2 यांनी संमंती दिली होती, तक्रारदाराकडून सदरचे क्रेडीटकार्ड बंद करण्‍याकरीता बँकेस कोणतीही माहिती मिळाली नाही.

                     बँकेचे म्‍हणणे की, तक्रारदारास लावलेले चार्जेस हे बँकेच्‍या नियमा प्रमाणे लावलेले आहेत.

                     बँकेचे म्‍हणणे की, तक्रारदाराने स्‍वतः  HDFC SL Classic Assurance Insurance Plan  घेतलेले आहे, ज्‍याचा पॉलिसी क्रमांक 15007843 हा आहे. तक्रारदाराने सदरची पॉलिसी बंद करावे, म्‍हणून आमच्‍याकडे अर्ज केलेला नाही, सदरची पॉलिसी ही क्रेडीटकार्डशी संबंधीत आहे, त्‍यामुळे सदर पॉलिसीचा हप्‍ता क्रेडीटकार्डच्‍या अकाउंट वरुन वसुल केले जाते. आम्‍ही तक्रारदारास कसल्‍याही प्रकारची सेवेत त्रुटी दिली नाही, म्‍हणून मंचास विनंती केली आहे की, तक्रारदाराने केलेल्‍या सर्व मागण्‍या फेटाळून सदरची तक्रार खारीज करावी.

                      गैरअर्जदार क्रमांक 2 ने लेखी जबाबाच्‍या पुष्‍टयार्थ नि.क्रमांक 13 वर आपले शपथपत्र दाखल केले आहे.

                      बँकेने पुराव्‍या बाबत नि.क्रमांक 15 वर 6 कागदपत्राच्‍या यादीसह 6 कागदपत्रे दाखल केली आहेत. ज्‍यामध्‍ये Statement Of Account ची प्रत इ. कागदपत्रे दाखल केली आहेत.

                     दोन्‍ही बाजुंच्‍या कैफियतीवरुन निर्णयास उपस्थित होणारे मुद्दे खालील प्रमाणे आहेत.

                  मुद्दे.                                                           उत्‍तर.

   1      गैरअर्जदाराने तक्रारदारास सेवेत त्रुटी दिली आहे काय ?     नाही.

   2      आदेश काय ?                               अंतिम आदेशा प्रमाणे.

    

   कारणे.

   मुद्दा क्रमांक 1 व 2.

                     अर्जदार क्रमांक 1 व 2 हे गैरअर्जदाराचे ग्राहक आहेत, ही बाब अॅडमिटेड फॅक्‍ट आहे.

                     तक्रारादाराचे तक्रारीत म्‍हणणे की, गैरअर्जदाराने आवश्‍यक नसतांना गैरअर्जदाराने क्रेडीट डेबीट कार्ड ज्‍याचा क्रमांक 4617863002230058 दिले व अनेक चार्जेस बेकायदेशिरपणे  तक्रारदारास लावले, व गैरअर्जदार क्रमांक 1 व 2 यांनी दिनाक 09/07/2013 व 13/09/2013 रोजी पाठविलेली नोटीस रद्द ठरवावे. तक्रारची सदरची मागणी मंचास योग्‍य वाटत नाही, कारण गैरअर्जदाराने तक्रारदारास सदर कार्डच्‍या नियमा प्रमाणेच चार्जेस लावल्‍याचे नि.क्रमांक 15 वर दाखल केलेल्‍या कागदपत्रावरुन दिसून येते, म्‍हणून सदरची नोटीस बेकायदेशिर ठरवणे योग्‍य होणार नाही, असे मंचाचे मत आहे. तसेच तक्रारदाराने प्रस्‍तुत तक्रारीमध्‍ये विनंती क्रमांक 1 मध्‍ये अशी मागणी केली आहे की, गैरअर्जदार क्रमांक 1 व 2 यांनी अर्जदार क्रमांक 2 यास दिलेले बचत खाते क्रमांक 1789100005309 हे ATM सह बंद करण्‍याचे आदेश गैरअर्जदाराना द्यावेत, अशी मगणी केली आहे. सदरचे तक्रारदाराचे मागणी मंचास योग्‍य वाटत नाही, कारण तक्रारदाराने स्‍वतः तक्रारीमध्‍ये म्‍हंटले आहे की, त्‍याने सदरचे खाते 2013 पासून वापरणे बंद केले आहे. बँकेच्‍या नियमा प्रमाणे सदरचे खाते वापरात नसल्‍यास आपोआपच ते सदरचे खाते बंद होते, असे मंचाचे स्‍पष्‍ट मत आहे.

                     तसेच तक्रारदाराने सदरचे दोन्‍ही क्रेडीट कार्ड परत घेवुन गैरअर्जदाराने ते बंद करावे अशी मागणी केली आहे, ती सुध्‍दा योग्‍य नाही, कारण सदर क्रेडीट कार्डची चार्जेसची थकबाकी अर्जदाराकडे असतांना सदरचे कार्ड बंद करण्‍याचे आदेश देणे योग्‍य होणार नाही, असे मंचाचे मत आहे.

                     तसेच तक्रारदाराने सदर तक्रारीत विनंती क्रमांक 3 मध्‍ये केलेली मागणी देखील मंचास योग्‍य वाटत नाही, कारण बँकेने क्रेडीट कार्डच्‍या नियमा प्रमाणेच चार्जेस आकारल्‍याचे नि.क्रमांक 15 वरील सदर नियमाच्‍या प्रतीवरुन दिसून येते.

                     तसेच तक्रारदाराने विनंती परिच्‍छेद क्रमांक 4 मधील केलेली मागणी देखील वरील कारणास्‍तव योग्‍य वाटत नाही, असे मंचाचे मत आहे. तसेच तक्रारदाराने गैरअर्जदार क्रमांक 3 कडे काढलेली पॉलिसी  HDFC Classic Assurance Plan ज्‍याचा पॉलिसी क्रमांक 15007843 अन्‍वये भरलेली रक्‍कम रु. 1,50,000/- सदरची पॉलिसी बंद करुन 9 टक्‍के व्‍याजासह गैरअर्जदाराकडून मागणी केली आहे, सदरची तक्रारदाराची मागणी मंचास योग्‍य वाटत नाही, कारण पॉलिसीच्‍या नियमाचे मंचाने अवलोकन केले असता, असे निदर्शनास येते की, तक्रारदार हा पॉलिसीच्‍या नियम क्रमांक 4 प्रमाणे 1,50,000/- रु. मिळवणेस पात्र नाही, असे मंचाचे ठाम मत आहे, तसेच तक्रारदाराने सदर पॉलिसी अंतर्गत 3 हप्‍ते गैरअर्जदाराकडे भरले होते, या बाबत कोणताही कागदोपत्री ठोस पुरावा मंचासमोर आणला नाही.  तसेच तक्रारदाराचे संपूर्ण तक्रारीत वारंवार हेच म्‍हणणे की, गैरअर्जदाराने बळजबरीने तिच्‍या पत्‍नीचे खाते उघडले व तसेच विमा पॉलिसी देखील गैरअर्जदाराने बळजबरीने तक्रारदारास दिली, हे म्‍हणणे मंचास योग्‍य वाटत नाही, कारण प्रत्‍येक खाते उघडतांना वा पॉलिसी घेताना तक्रारदाराच्‍या अर्ज व संमंती असल्‍या शिवाय कोणतेही बँक खाते उघडत नाही, वा पॉलिसी जारी करीत नाहीत, असे मंचाचे ठाम मत आहे.

                     गैरअर्जदाराने तक्रारदारास सेवेत त्रुटी दिल्‍याचे कोठेही दिसून येत नाही, तक्रारदार आपली तक्रार सिध्‍द करणेस पूर्णपणे असमर्थ ठरला आहे, म्‍हणून मुद्दा क्रमांक 1 चे नकारार्थी उत्‍तर देवुन मंच खालील प्रमाणे आदेश पारीत करीत आहे.

    

                                  आदेश

   1    अर्जदाराचा तक्रार अर्ज नामंजूर करण्‍यात येते.

   2    तक्रारीचा खर्च ज्‍याचा त्‍यांनी करावा.

   3    आदेशाच्‍या प्रती दोन्‍ही पक्षकारांना मोफत पुरवाव्‍यात.

    

    

         सौ.अनिता ओस्‍तवाल.                                            श्री. प्रदीप.पी.निटूरकर

                    मा.सदस्‍या.                                                 मा.अध्‍यक्ष.