-आदेश-

(पारित दिनांक - 09.10.2012)

1.                तक्रारकर्ते यांचा युक्‍तीवाद प्रकरण दाखल करुन घेण्‍याच्‍या मुद्यावर ऐकला. त्‍यांनी सदर प्रकरण वि.प. युको बँक यांनी कर्ज न दिल्‍यामुळे दाखल केले आहे. तक्रारकर्त्‍याचे म्‍हणणे असे आहे की, वि.प. ने कर्ज न देण्‍याचे कारण सांगितलेले नाही.  कर्ज न दिल्‍यामुळे बदनामी झाली, त्‍याबद्दल रु.9,50,000/- , मानसिक त्रासाबद्दल रु.50,000/- अशी एकूण रु.10,00,000/- ची मागणी तक्रारकर्त्‍याने केलेली आहे. पुढे तक्रारकर्त्‍याने तक्रारीशी संबंधीत नसलेले अनेक मुद्ये उपस्थित केले आहेत. त्‍यात दिवाणी न्‍यायालयात तक्रार असणे किंवा नसणे, खोटी माहिती इ. चा समावेश आहे. 

2.               संपूर्ण कागदपत्रे तपासली असता असे निष्‍पन्‍न होते की, युको बँकेचेच एक कर्ज खाते तक्रारकर्त्‍याचे नावे आहे आणि ते सुरु आहे. त्‍याचा खाते क्र. 21990610000038  असा आहे. यावरुन कदाचित दुस-यांदा कर्ज नाकारले असावे असा प्राथमिक अंदाज आहे. तरीही तक्रारीचे अन्‍य तपशिलात न जाता हे मंच आपले निष्‍कर्ष नोंदविते की, कर्ज कर्जदाराला मंजूर अथवा नामंजूर करणे ही सर्वस्‍वी त्‍या त्‍या बँकेच्‍या अखत्‍यारीतील बाब आहे. ह्याला सेवेतील त्रुटी ठरविता येणार नाही, म्‍हणून तक्रारकर्त्‍याची तक्रार स्विकृतीच्‍या टप्‍प्‍यावर खारीज करण्‍यात येते.