तक्रारकर्ता व त्‍यांचे वकील हजर, गैरअर्जदारांचे वकील हजर त्‍यांचा युक्तिवाद ऐकला. गैरअर्जदारांचे म्‍हणणे आहे की, शर्तींप्रमाणे त्‍यांना तक्रारकर्त्‍याने बिले दिली नाहीत, तक्रारकर्त्‍याचे म्‍हणण्‍याप्रमाणे त्‍याने मुळ बिले सुरवातीला दिली होती. त्‍यानंतर गैरअर्जदारांचे पत्र प्राप्‍त झाल्‍यानंतर त्‍याच्‍या प्रति दिल्‍या. मात्र गैरअर्जदारांनी तक्रारकर्त्‍याचे पत्र प्राप्‍त होऊनही त्‍यांनी पूर्वी बिले कोणत्‍या तारखेला दिली होती, यासंबंधीचे कोणतेही उत्‍तर दिलेले नाही व प्राप्‍त झाल्‍याबद्दल लिहूनही घेतले नाही, व त्‍यांना पोच दिली नाही. तक्रारकर्त्‍याची ही संपूर्ण कृति आपल्‍या कर्तव्‍याप्रति जागृत न राहण्‍याची आहे. गैरअर्जदारांच्‍या म्‍हणण्‍याप्रमाणे त्‍यांनी तक्रारकर्त्‍याचा दावा अद्यापही ना मंजूर केलेला नाही. यास्‍तव तक्रारकर्त्‍याने संबंधीत बिलांच्‍या सत्‍यप्रति, वाहनाची दुरुस्‍ती करुन घेतले त्‍याच्‍या प्रति गैरअर्जदारांना नोंदणीकृत डाकेव्‍दारे पाठवुन व त्‍यानंतर गैरअर्जदारांनी सुध्‍दा एक महिन्‍याच्‍या आत सदर दावा निकाली काढावा या सुचनेस्‍तव प्रकरण निकाली काढण्‍यांत येते.