जिल्‍हा ग्राहक तक्रार निवारण मंच, धुळे.
ग्राहक तक्रार क्रमांक – ७७/२०१३
तक्रार दाखल दिनांक – ३०/०८/२०१३
तक्रार निकाली दिनांक – २२/०५/२०१४
कु. अश्विनी विलास वंजारी
उ.व. १५, धंदा – अज्ञान
अ.पा.क.श्री.विलास महादु वंजारी
उ.व.४५, धंदा-रिक्षा चालक
रा.गोपालपुरा दोंडाईचा तो.जि.धुळे - तक्रारदार
विरुध्‍द
१ श्रीअग्रसेन सहकारी पतसंस्‍था मर्या धुळे
रा. पुष्‍पांजली मार्केट,पुर्ती बिल्‍डींग आग्रारोड धुळे
नोटीस बजावणी म मॅनेजर याजवर व्‍हावी.
२ म.अध्‍यक्ष
श्री निरज बी.चौधरी
सहा उपनिबंधक सह संस्‍था शिरपुर जि धुळे
श्री.अग्रसेन सहकारी पतसंस्‍था मर्या धुळे करिता
३ म सदस्‍य
सहकार अधिकारी उपनिबंधक कार्यालय धुळे
४ म.सदस्‍य
लेखा परीक्षक प्रथम वर्ग
विशेष लेखा परीक्षक कार्यालय ग.नं.४ धुळे. - सामनेवाले
न्‍यायासन
(मा.अध्‍यक्षा – सौ.व्‍ही.व्‍ही.दाणी)
(मा.सदस्‍य – श्री.एस.एस.जोशी)
उपस्थिती
(तक्रारदारा तर्फे – वकील श्री.अ.वि.मैन)
(सामनेवाले क्र.१ तर्फे – स्‍वत:)
(सामनेवाले क्र.२, ३ व ४ – गैरहजर)
निकालपत्र
(द्वाराः मा.सदस्‍य – श्री.एस.एस.जोशी)
१. तक्रारदार यांनी त्‍यांच्‍या अज्ञान मुलीचे नांवे, सामनेवाले पतसंस्‍थेत ‘दाम दुप्‍पट’ ठेव योजनेत गुंतवलेली रक्‍कम मागणी करुनही परत मिळाली नाही. ती मिळावी या मागणीसाठी सदरचा तक्रार अर्ज ग्राहक संरक्षण कायदा कलम १२ अन्‍वये या मंचात दाखल केला आहे.
- तक्रारदार यांची थोडक्‍यात अशी तक्रार आहे की, तक्रारदार यांनी सामनेवाले पतसंस्‍थेत ‘दाम दुप्‍पट’ योजनेत पावती क्र.११०४४ अन्‍वये रक्‍कम रु.२५,०००/- एवढी रक्‍कम दि.०५-०२-२००६ रोजी त्‍यांच्‍या अज्ञान मुलीचे नांवे गुंतविली होती. सदर रक्‍कम, योजनेप्रमाणे दाम दुप्‍पट स्‍वरुपात दि.०५-०६-२०१२ रोजी रु.५०,०००/- एवढी सामनेवालेंकडून मिळणार होती. तक्रारदार यांनी सामनेवाले यांच्‍याकडे वरील देय रक्‍कमेची वेळोवेळी मागणी केली असता सामनेवाले यांनी सदरील रक्‍कम तक्रारदार यांना दिली नाही. सबब तक्रारदार यांनी सामनेवाले यांच्‍याकडून मुदत ठेवीची रक्‍कम रु.५०,०००/- व त्‍यावर दि.०५-०६-२०१२ पासून द.सा.द.शे.१५ टक्‍के प्रमाणे व्‍याज आणि मानसिक, शारीरिक त्रासापोटी व आर्थिक नुकसानीपोटी रुपये ३०,०००/- तसेच सदर अर्जाचा खर्च सामनेवाले यांचेकडून मिळावा, यासाठी सदरचा तक्रार अर्ज दाखल करण्‍यात आला.
३. तक्रारदार यांनी आपल्‍या म्‍हणण्‍याच्‍या पुष्‍ट्यर्थ मुदत ठेव पावतीची छायांकीत प्रत नि. ४ सोबत दाखल केलेली आहे.
- , यांनी नि.नं.६ वर अर्ज दाखल केला असून, खुलासा देणेसाठी पुढील तारीख मिळण्‍याची विनंती केली आहे. सदर विनंती मंजूर करण्‍यात आली, तथापि त्‍यानंतर अद्याप पावेतो सामनेवाले क्र.१ यांनी त्‍यांचा खुलासा दाखल केलेला नाही. सबब त्‍यांचे विरुध्‍द नो-से आदेश करण्‍यात आला आहे. तर सामनेवाले नं.२ ते ४ यांना मे. मंचाच्‍या नोटीसची बजावणी होवूनही ते मुदतीत हजर झाले नाहीत व त्‍यांनी खुलासा दाखल केला नाही. त्‍यामुळे त्‍यांचे विरूध्‍द ‘एकतर्फा’ आदेश पारित करण्‍यात आला आहे.
५. तक्रारदार यांचा तक्रार अर्ज, शपथपत्र, पुराव्‍यासाठी दाखल कागदपत्रे पाहता आमच्‍यासमोर निष्‍कर्षासाठी खालील मुद्दे उपस्थित होतात. त्‍याची उत्‍तरे आम्‍ही सकारण देत आहोत.
मुददे निष्‍कर्ष
- तक्रारदार हे सामनेवाले यांचे ग्राहक आहेत काय ? होय
- सामनेवाले यांनी तक्रारदार यांना सेवा देण्‍यात
कसूर केली आहे काय ? होय
- तक्रारदार हे सामनेवाले यांच्‍याकडून देय रक्‍कम
व्‍याजासह आणि मानसिक त्रास व तक्रार अर्जाच्‍या
खर्चापोटी भरपाई मिळण्‍यास पात्र आहेत काय ? होय
- ? अंतिम आदेशा प्रमाणे
६. मुद्दा ‘अ’ - तक्रारदार यांनी मुदत ठेव पावतीची छायांकीत प्रत नि. ४ सोबत दाखल केलेली आहे. सामनेवाले यांनी तक्रारदार यांची मुदतठेव योजनेतील रक्‍कम नाकारलेली नाही. सदरील ठेवमधील रक्‍कमेचा विचार होता तक्रारदार हे सामनेवाले यांचे ग्राहक आहेत असे या मंचाचे मत आहे. म्‍हणून मुद्दा ‘अ’ चे उत्‍तर आम्‍ही होकारार्थी देत आहोत.
७. मुद्दा ‘ब’- तक्रारदार यांनी तक्रारीचे अनुषंगाने दाखल केलेली कागदपत्रे पाहता, त्‍यांनी पतसंस्‍थेत मुदत ठेव योजनेत रक्‍कम गुंतविली होती ही बाब सिध्‍द होते. तक्रारदार यांनी सामनेवाले यांच्‍याकडे गुंतवलेली रक्‍कम परत करणे हे पतसंस्‍थेचे कर्तव्‍य होते. परंतु मागणी करुनही रक्‍कम दिलेली नाही ही सामनेवाले यांची तक्रारदार यांना द्यावयाच्‍या सेवेतील त्रुटी आहे असे या मंचाचे मत आहे. म्‍हणून मुद्दा ‘ब’ चे उत्‍तर आम्‍ही होकारार्थी देत आहोत.
८. मुद्दा ‘क’ - तक्रारदार यांनी दाखल केलेल्‍या मुदतठेव पावतीमधील व्‍याजासह होणारी रक्‍कम सामनेवाला पतसंस्‍था व म.अध्‍यक्ष/म.संचालक श्री. अग्रसेन सहकारी पतसंस्‍था मर्या., धुळे यांच्‍याकडून मिळावी अशी मागणी केलेली आहे. परंतु या संदर्भात मा.मुंबई उच्‍च न्‍यायालय खंडपिठ औरंगाबाद यांनी रिट याचिका क्र.५२२३/०९ सौ.वर्षा रविंद्र ईसाइ विरुध्‍द राजश्री राजकुमार चौधरी या न्‍यायिक दृष्‍टांतामध्‍ये पुढील प्रमाणे मत व्‍यक्‍त केले आहे.
As has been recorded above, I am of the view that a society registered under the provision of Maharashtra Co-operative Societies Act 1960, although can be proceeded against and a complaint under the provision of Consumer Protection Act is entertain able against the society, the Directors of members of the managing committee cannot be held responsible in view of the scheme of Maharashtra Co-operative Societies Act. To hold the Directors of the banks/members of the managing committee of the societies responsible, without observing the procedure prescribed under the Act, would also be against the principles of co-operation, which is the very foundation of establishment of the co-operative societies.
वरील न्‍यायिक दृष्‍टांतामध्‍ये संचालकांना रक्‍कम देण्‍यासाठी वैयक्‍तीकरित्‍या जबाबदार ठरविता येणार नाही असे तत्‍व विषद करण्‍यात आले आहे.त्‍यामुळे अध्‍यक्ष/ संचालक यांना वैयक्तिकरित्‍या जबाबदार ठरविता येणार नाही.या सर्व बाबींचा विचार होता तक्रारदार हे सामनेवाले श्री. अग्रसेन सहकारी पतसंस्‍था मर्या., धुळे यांचेकडून मुदतठेव पावतीमधील मुदतीअंती देय रक्‍कम रूपये ५०,०००/- व त्‍यावर दि.०५/०६/२०१२ पासून संपूर्ण रक्‍कम फिटेपर्यंत द.सा.द.शे.६ टक्‍के दराप्रमाणे व्‍याज अशी एकूण रक्‍कम मिळण्‍यास पात्र आहेत असे या मंचाचे मत आहे.
- . तक्रारदार यांनी दाखल केलेली मुदतठेव पावतीमधील व्‍याजासह होणारी रक्‍कम सामनेवाले यांच्‍याकडून परत मिळावी म्‍हणून तक्रारदार यांना सामनेवाले पतसंस्‍था श्री. अग्रसेन सहकारी पतसंस्‍था मर्या., धुळे यांच्‍या विरुध्‍द या मंचात दाद मागावी लागली आहे. त्‍यामुळे त्‍यांना मानसिक त्रास सहन करावा लागलेला आहे व अर्ज दाखल करण्‍यासाठी खर्चही करावा लागलेला आहे. सबब तक्रारदार हे सामनेवाले यांच्‍याकडून मानसिक त्रासापोटी रु.२०००/- व अर्जाच्‍या खर्चापोटी रक्‍कम रू.१०००/- भरपाई मिळण्‍यास पात्र आहे असे या मंचाचे मत आहे. म्‍हणून मुद्दा ‘क’ चे उत्‍तर आम्‍ही होकारार्थी देत आहोत.
१०. मुद्दा ‘ड’ - वरील सर्व विवेचनावरून पुढील प्रमाणे आदेश पारित करण्‍यात येत आहे.
आदेश
१. तक्रारदार यांचा तक्रार अर्ज मंजूर करण्‍यात येत आहे.
२. सामनेवाले श्री. अग्रसेन सहकारी पतसंस्‍था मर्या., धुळे यांनी, सदर
- , तक्रारदारांना खालील प्रमाणे रक्‍कमा दयाव्‍यात.
- मुदतठेव पावतीमधील मुदतीअंती देय रक्‍कम रूपये ५०,०००/- (अक्षरी रूपये ५०,०००/- व त्‍यावर दि.०५/०६/२०१२ पासून संपूर्ण रक्‍कम फिटेपर्यंत द.सा.द.शे.६ टक्‍के दराप्रमाणे व्‍याज द्यावे.
- ब) मानसिक त्रासापोटी रक्‍कम रू.२,०००/- (अक्षरी रूपये दोन हजार मात्र) व अर्जाचे खर्चापोटी रक्‍कम रू.१,०००/- (अक्षरी रूपये एक हजार मात्र) दयावेत.
३. वर नमूद आदेशाची अमंलबजावणी (अध्‍यक्ष/संचालक/व्‍यवस्‍थापक/ अवसायक) यापैकी वेळोवेळी जे कोणी पतसंस्‍थेचा कारभार पाहात असतील त्‍यांनी करावी. तसेच आदेश २(अ) मधील रकमेपैकी काही रक्‍कम अगर व्‍याज दिले असल्‍यास, कर्ज दिले असल्‍यास सदरची रक्‍कम वजावट करुन उर्वरित रक्‍कम अदा करावी.
-
-
(श्री.एस.एस. जोशी) (सौ.व्‍ही.व्‍ही. दाणी)
जिल्‍हा ग्राहक तक्रार निवारण मंच, धुळे.
