::: आ दे श :::

                 ( पारीत दिनांक : 18.12.2015 )

आदरणीय सदस्य  श्री कैलास वानखडे, सदस्‍य  यांचे अनुसार

                        ग्राहक संरक्षण कायदा 1986 चे, कलम :27 अन्वये, सादर करण्‍यात आलेल्‍या, सदर तक्रारीमध्ये तक्रारकर्ते  व विरुध्दपक्ष यांनी रेकॉर्डवर आज दि. 18/12/2015 रोजी संयुक्त पुरसीस दाखल केली.  त्यामधील मजकुर येणे प्रमाणे…

     “   तक्रारकर्ता व आरोपी कळवितो तो येणे प्रमाणे.  सदर प्रकरणात आरोपी यांनी तक्रारकर्त्यास, विद्यमान मंचाच्या आदेशाप्रमाणे रक्कम रु. 1,31,525/- एक लाख एकतीस हजार पाचशे पंचविस रु. धनादेश क्र. 428479 दि अग्रसेन नागरी सह. बँक लि. अकोला शाखा मुख्य शाखेचा दि. 18/12/2015 चा दिला आहे.  सदर प्रकरण तक्रारकर्ता यांना पुढे प्रकरण चालवायचे नाही.  तरी सदरची अवमान याचीका विद्यमान मंचातून काढून घेण्यात यावी.  करिता ही पुरसीस.  सदर प्रकरणामध्ये या अगोदर भरलेले 50 टक्के रक्कम विड्राल करण्यास आरोपीची हरकत नाही.”

            तक्रारकर्ते  व विरुध्दपक्ष यांचे उपरोक्त संयुक्त पुरसीसनुसार तक्रारकर्त्याच्या तक्रारीमधील वादाचे पुर्णपणे समाधान झालेले आहे. त्यामुळे सदर तक्रारीतील कार्यवाही कायमची येथेच थांबविण्यात येत असून, सदर तक्रार नस्तीबध्द करण्याचे निर्देश देण्यात येत आहेत व अशा प्रकारे सदर तक्रार कायमची निकाली काढण्यात येत आहे.