नि. 29
जिल्‍हा ग्राहक तक्रार निवारण मंच, सांगली यांचेसमोर
मा.अध्‍यक्ष – अनिल य.गोडसे
मा.सदस्‍या – सौ सुरेखा बिचकर
ग्राहक तक्रार अर्ज क्र.361/2010
-------------------------------------------
तक्रार नोंद तारीख : 26/07/2010
तक्रार दाखल तारीख : 02/08/2010
निकाल तारीख : 17/03/2012
---------------------------------------------------------------
1. शशांक शिवाजी लोखंडे
वय 33 वर्षे, व्‍यवसाय – शेती
2. शुभांगी चंद्रकांत काटकर
वय 38 वर्षे, व्‍यवसाय – घरकाम
3. शामला विलास सपकाळे
वय 36 वर्षे, व्‍यवसाय – घरकाम
4. शिल्‍पा प्रकाश संकपाळ
वय 34 वर्षे, व्‍यवसाय – घरकाम
5. शकुंतला शिवाजी लोखंडे
वय 63 वर्षे, व्‍यवसाय – घरकाम
सर्व रा.उरुण-इस्‍लामपूर, ता.वाळवा जि.सांगली ..... तक्रारदार
विरुध्‍द
1. भिमराव जाधव तात्‍या नागरी सहकारी पतसंस्‍था
मर्यादित इस्‍लामपूर
पत्‍ता – नगरपालिकेशेजारी, कचेरी रोड,
इस्‍लामपूर, ता.वाळवा जि. सांगली
2. श्री भिमराव भाऊ जाधव
वय सज्ञान, धंदा – चेअरमन
रा.भिमराव जाधव व्‍यायाम शाळा
महादेवनगर, राम अपार्टमेंट समोर,
इस्‍लामपूर, ता.वाळवा जि. सांगली
3. श्री महेशकुमार विष्‍णू हर्षे
वय सज्ञान, धंदा – सचिव
रा. इस्‍लामपूर, दत्‍त टेकडी, ता.वाळवा जि. सांगली
4. श्री संदिप अशोक पवार
वय सज्ञान, धंदा – व्‍हा.चेअरमन
रा.यल्‍लामा चौक, इस्‍लामपूर,
ता.वाळवा जि. सांगली
5. भिमराव शामराव झेंडे,
वय सज्ञान, धंदा –संचालक
रा. महादेवनगर, उरुण इस्‍लामपूर,
ता.वाळवा जि. सांगली
6. संपतराव विठ्ठल गायकवाड
वय सज्ञान, धंदा –संचालक
रा. गायकवाड वाडा, युसूफ सावकर बिल्‍डींगसमोर,
उरुण इस्‍लामपूर, ता.वाळवा जि. सांगली
7. सुधाकर भाऊसो ढेरे
वय सज्ञान, धंदा –संचालक
रा.जाधव गल्‍ली, उरुण इस्‍लामपूर,
ता.वाळवा जि. सांगली
8. दिलीप शिवराम क्षीरसागर
वय सज्ञान, धंदा –संचालक
रा.कामेरी, ता.वाळवा जि. सांगली
9. श्री निवास ज्ञानू पाटील
वय सज्ञान, धंदा –संचालक
रा.उरुण चावडीजवळ, उरुण इस्‍लामपूर,
ता.वाळवा जि. सांगली
10. श्री संजय शामराव शिंगाडे
वय सज्ञान, धंदा –संचालक
रा. माकडवाली गल्‍ली, इस्‍लामपूर,
ता.वाळवा जि. सांगली
11. श्री शरद शामराव मस्‍के,
वय सज्ञान, धंदा –संचालक
रा.हनुमानगर, इस्‍लामपूर, ता.वाळवा जि. सांगली
12. श्री अरुण लक्ष्‍मण पवार
वय सज्ञान, धंदा –संचालक
रा.पेठ, ता.वाळवा जि. सांगली
13. श्री शंकर ज्ञानू पाटील
वय सज्ञान, धंदा –संचालक
रा.ताकारी, ता.वाळवा जि. सांगली
14. कु.शारदा पोपट जाधव
वय सज्ञान, धंदा –संचालिका
रा.जाधव गल्‍ली, उरुण-इस्‍लामपूर,
ता.वाळवा जि. सांगली
15. अजित विश्‍वनाथ कुलकर्णी,
वय सज्ञान, धंदा –संचालक
रा.दुर्गा अपार्टमेंट मंत्री कॉलनी, इस्‍लामपूर,
ता.वाळवा जि. सांगली ..... जाबदार
तक्रारदार तर्फेः अॅड श्री एफ.आर.मगदुम
जाबदार क्र.1 ते 15 – एकतर्फा
नि का ल प त्र
द्वारा- मा.सदस्‍या - श्रीमती सुरेखा बिचकर
1. प्रस्‍तुत प्रकरणातील जाबदार पतसंस्‍थेने मुदत ठेवी अन्‍वये व बचत खात्‍यामध्‍ये गुंतविलेल्‍या रकमा परत दिल्‍या नाहीत म्‍हणून तक्रारदारांनी सदरहू तक्रार अर्ज दाखल केला आहे. याबाबत थोडक्‍यात हकीकत अशी की, तक्रारदार यांनी जाबदार भिमराव जाधव तात्‍या नागरी सहकारी पतसंस्‍था मर्यादित इस्‍लामपूर(ज्‍यांचा उल्‍लेख यापुढे ‘पतसंस्‍था’ असा केला जाईल) यांचेकडे रक्‍कम गुंतविलेली होती. ठेवींच्‍या मुदती पूर्ण झालेल्‍या आहेत. तक्रारदारांनी गुंतविलेल्‍या रकमांची पतसंस्‍थेकडे मागणी केली असता पतसंस्‍थेने ती देण्‍यास नकार दिला अशी तक्रारदारांची तक्रार आहे. सबब, आपल्‍याला रकमा देवविण्‍यात याव्‍यात अशी तक्रारदारांनी विनंती केली आहे. तक्रारदारांनी तक्रार अर्जाचे पुष्‍टयर्थ प्रतिज्ञापत्र व नि.5 अन्‍वये एकूण 14 कागदपत्रे मंचापुढे दाखल केली आहेत.
2. प्रस्‍तुत प्रकरणातील जाबदार क्र.1 ते 15 यांचेवर मंचाच्‍या नोटीसीची बजावणी होऊनसुध्‍दा ते प्रस्‍तुत प्रकरणी हजर झाले नाहीत. सबब, सदरहू प्रकरणी त्‍यांचेविरुध्‍द नि.1 वर एकतर्फा आदेश करण्‍यात आले.
3. तक्रार अर्जात तक्रारदार यांनी सर्व संचालकाविरुध्‍द आदेश करावा अशी केलेली मागणी याचा विचार करता तक्रारदार यांची रक्‍कम देण्‍यास जाबदार पतसंस्‍थेबरोबरच सर्व संचालक वैयक्तिक व संयुक्तिक जबाबदार राहतील किंवा कसे हा मुददा उपस्थित होतो. या मुद्याच्‍या अनुषंगाने सन्‍मा. मुंबई उच्‍च न्‍यायालयाच्‍या औरंगाबाद खंडपीठाने रिट पिटीशन नं. ५२२३/०९ सौ.वर्षा इसाई विरुध्‍द राजश्री चौधरी या कामी दिनांक २२ डिसेंबर २०१० रोजी जो निर्णय दिला आहे. त्‍याचे अवलोकन करता त्‍यामध्‍ये पुढील प्रमाणे निष्‍कर्ष काढल्‍याचे दिसून येते. However, So far as members of the managing committee/directors are concerned, they stand on different footing and unless the procedure prescribed under the special enactment i.e. Maharashtra co. op. societies act 1960 is followed and unless the liability is fixed against them they cannot be held responsible in respect of payment of any dues recoverable from the society.
सन्‍मा. उच्‍च न्‍यायालयाने वर दिलेल्‍या या निष्‍कर्षाचा विचार करता तक्रारदारांनी महाराष्‍ट्र सहकार कायदयातील कलम ८८ अन्‍वये चौकशी होऊन सर्व संचालकांना जबाबदार धरुन त्‍यांचे दायित्‍व निश्चित केल्‍याबाबत कोणताही पुरावा दाखल केलेला नाही. ही बाब प्रस्‍तुत प्रकरणी लक्षात घेणे अत्‍यंत महत्‍वाचे असल्‍याचे मंचास वाटते आणि म्‍हणून जाबदार क्र. 2 ते 15 यांना पुराव्‍या अभावी तक्रारदाराची रक्‍कम देण्‍यास संयुक्तिक अथवा वैयक्तिकरित्‍या जबाबदार धरता येणार नाही असा मंचाचा निष्‍कर्ष निघतो. पर्यायाने रकमेची मागणी करुनही ती न देवून पतसंस्‍थेने तक्रारदारांना दूषित सेवा दिल्‍याने पतसंस्‍थाच तक्रारदाराच्‍या ठेवीसाठी सर्वस्‍वी जबाबदार ठरते असाही मंचाचा निष्‍कर्ष निघतो.
4. प्रस्‍तुत प्रकरणी तक्रारदारांनी नि.22 सोबत दाखल केलेल्‍या ठेवपावत्‍यांच्‍या व बचत खात्‍याच्‍या पासबुकाच्‍या सत्‍यप्रतींचे अवलोकन केले असता तक्रारदारांनी मुदत ठेव योजनेअंतर्गत रकमा गुंतविलेल्‍या आहेत. सदरच्‍या ठेव पावत्‍यांची मुदतही पूर्ण झाली आहे. त्‍यामुळे या ठेवींमध्‍ये गुंतविलेली रक्‍कम ठेव ठेवल्‍याचे तारखेपासून ठेवपावतीमध्‍ये नमूद केलेल्‍या व्‍याजदराने मंजूर करण्‍यात येत आहे. तसेच बचत खात्‍यातील शेवटच्‍या तारखेस शिल्‍लक असलेली त्‍या शेवटच्‍या तारखेपासून द.सा.द.शे.10 टक्‍के व्‍याजदराने मंजूर करण्‍यात येत आहे.
5. तक्रारदारांनी नि.22 सोबत दाखल केलेल्‍या ठेवपावत्‍यांच्‍या व बचत खात्‍याच्‍या पासबुकाच्‍या सत्‍यप्रतींचे अवलोकन केले असता सदरच्‍या ठेवपावत्‍यांवर व बचत खात्‍याचे पासबुकावर तक्रारदार यांचेबरोबर श्री शिवाजी पर्वता लोखंडे यांचे नाव नमूद असल्‍याचे दिसून येते. याबाबत तक्रारदार यांनी नि.5/11 ला श्री शिवाजी पर्वता लोखंडे यांचे मृत्‍यू प्रमाणपत्र दाखल केले असून नि.5/12 ला तक्रारदार क्र.1 ते 5 हे त्‍यांचे वारस असल्‍याबाबतचा वारसाचा दाखला दाखल केला आहे. सदरची बाब विचारात घेता ठेवपावत्‍यांवरील व बचत खात्‍यातील रकमा तक्रारदार यांना देणेबाबत आदेश करणे योग्‍य व संयुक्तिक ठरेल असे या मंचाचे मत आहे.
सबब, मंचाचा आदेश की,
आदेश
1. यातील जाबदार पतसंस्‍था व पतसंस्‍थेतर्फे अधिकृत प्रतिनिधी यांनी तक्रारदारांना मुदत ठेव पावती क्र.003591 मधील रक्‍कम रु.44,000/- (रुपये चव्‍वेचाळीस हजार फक्‍त) व या रकमेवर दि.18/6/2007 पासून संपूर्ण रकमेची फेड होईपर्यंत द.सा.द.शे. 12 टक्‍के दराने व्‍याज अदा करावे.
2. यातील जाबदार पतसंस्‍था व पतसंस्‍थेतर्फे अधिकृत प्रतिनिधी यांनी तक्रारदारांना मुदत ठेव पावती क्र.003664 मधील रक्‍कम रु.12,307/- (रुपये बारा हजार तिनशे सात फक्‍त) व या रकमेवर दि.13/8/2007 पासून संपूर्ण रकमेची फेड होईपर्यंत द.सा.द.शे. 11 टक्‍के दराने व्‍याज अदा करावे.
3. यातील जाबदार पतसंस्‍था व पतसंस्‍थेतर्फे अधिकृत प्रतिनिधी यांनी तक्रारदारांना मुदत ठेव पावती क्र.02589 मधील रक्‍कम रु.10,000/- (रुपये दहा हजार फक्‍त) व या रकमेवर दि.21/8/2006 पासून संपूर्ण रकमेची फेड होईपर्यंत द.सा.द.शे.11 टक्‍के दराने व्‍याज अदा करावे.
4. यातील जाबदार पतसंस्‍था व पतसंस्‍थेतर्फे अधिकृत प्रतिनिधी यांनी तक्रारदारांना मुदत ठेव पावती क्र.003589 मधील रक्‍कम रु.45,000/- (रुपये पंचेचाळीस हजार फक्‍त) व या रकमेवर दि.18/6/2007 पासून संपूर्ण रकमेची फेड होईपर्यंत द.सा.द.शे. 12 टक्‍के दराने व्‍याज अदा करावे.
5. यातील जाबदार पतसंस्‍था व पतसंस्‍थेतर्फे अधिकृत प्रतिनिधी यांनी तक्रारदारांना मुदत ठेव पावती क्र.003590 मधील रक्‍कम रु.44,000/- (रुपये चव्‍वेचाळीस हजार फक्‍त) व या रकमेवर दि.18/6/2007 पासून संपूर्ण रकमेची फेड होईपर्यंत द.सा.द.शे. 12 टक्‍के दराने व्‍याज अदा करावे.
6. यातील जाबदार पतसंस्‍था व पतसंस्‍थेतर्फे अधिकृत प्रतिनिधी यांनी तक्रारदारांना बचत खाते क्र.2328 मधील रक्‍कम रु.9,279/- (रुपये नऊ हजार दोनशे एकोणऐंशी फक्‍त) व या रकमेवर दि.25/11/2008 पासून संपूर्ण रकमेची फेड होईपर्यंत द.सा.द.शे. 10 टक्‍के दराने व्‍याज अदा करावे.
7. यातील जाबदार पतसंस्‍था व पतसंस्‍थेतर्फे अधिकृत प्रतिनिधी यांनी तक्रारदारांना शारिरिक, मानसिक त्रासापोटी व तक्रारअर्जाचे खर्चापोटी म्‍हणून रक्‍कम रु.2,000/- (दोन हजार फक्‍त) अदा करावेत.
8. वर नमूद आदेशांची अंमलबजावणी जाबदार पतसंस्‍थेने दि.1/5/2012 पर्यंत न केल्‍यास तक्रारदार त्‍यांचेविरुध्‍द ग्राहक संरक्षण कायद्यातील तरतुदी अंतर्गत प्रकरण दाखल करु शकतील.
सांगली
दिनांक:17/03/2012
(सुरेखा बिचकर) (अनिल य.गोडसे)
सदस्‍या अध्‍यक्ष
जिल्‍हा मंच, सांगली जिल्‍हा मंच, सांगली.
