सातारा जिल्‍हा ग्राहक तक्रार निवारण मंच यांचेसमोर
उपस्थिती - मा.सौ.सविता भोसले,अध्‍यक्षा
मा.श्री.श्रीकांत कुंभार,सदस्‍य.
मा.सौ.सुरेखा हजारे, सदस्‍या.
तक्रार अर्ज क्र. 69/2015
तक्रार दाखल दि.07-04-2015.
तक्रार निकाली दि.31-10-2015.
श्री. सुभाष चंद्रशेखर गुरव,
रा.व्‍दारा सुभाषराव देशमुख,
118, समतापार्क शाहुपूरी,
सातारा – 416 002. .... तक्रारदार.
विरुध्‍द
1. भाईचंद हिराचंद रायसोनी मल्‍टीस्‍टेट को-ऑप.
क्रेडीट सोसायटी लि.जळगाव, शाखा सातारा
तर्फे शाखा व्‍यवस्‍थपक श्री.सचिन सुनिल जगताप,
रा.सर्व्‍हे नं.139,शाहुनगर,मंगळाई किराणा स्‍टोअर्स शेजारी,
रा. सर्व्‍हे नं. 139, शाहुनगर,
मंगळाई किराणा स्‍टोअर्स शेजारी,
शाहुनगर, गोडोली, सातारा.
2. श्री. दिलीप कांतीलाल चोरडीया,चेअरमन
3. श्री. मोतीलाल ओंकार जिरी,व्‍हा.चेअरमन
4. श्री. सुरजलाल बाभुतमल जैन,संचालक
5. श्री. दादा रामचंद्र पाटील,संचालक,
6. श्री. भागवत संपत पाटील,संचालक
7. श्री.राजाराम काशीनाथ कोळी,संचालक
8. श्री. भगवान हिरामन वाघ,संचालक
9. डॉ.श्री.हितेंद्र यशवंत महाजन,संचालक
10. श्री. इंद्रकुमार आत्‍माराम लालवाणी,संचालक
11. श्री. यशवंत ओंकार जिरी,संचालक
12. श्री. शेख रमजान शेख अब्‍दुल नबी,संचालक
क्र.2 ते 12 सर्व रा.इ 2/3,4,5 रेमंड चौफली,
अजिंठा रोड, एम.आय.डि.सी.,जळगांव-425 001 ... जाबदार.
....तक्रारदारतर्फे अँड.पी.आर इनामदार
....जाबदार क्र.1 ते 12 एकतर्फा.
न्‍यायनिर्णय
मा.सौ.सविता भोसले, अध्‍यक्ष यांनी न्‍यायनिर्णय पारित केला.
1. तक्रारदाराने प्रस्‍तुतचा तक्रार अर्ज ग्राहक संरक्षण कायदा 1986 चे कलम 12 नुसार दाखल केला आहे. तक्रारदारांचे तक्रार अर्जातील कथन थोडक्‍यात खालीलप्रमाणे-
तक्रारदार हे शाहुपूरी, सातारा येथील रहिवाशी आहेत तर जाबदार भाईचंद हिराचंद रायसोनी मल्‍टीस्‍टेट को-ऑप. क्रेडीट सोसायटी लि.जळगाव, शाखा सातारा ही सहकार कायद्यानुसार स्‍थापन झालेली सहकारी संस्‍था असून सदरील पतसंस्‍थेचा बँकींग या स्‍वरुपाचा व्‍यवसाय आहे. तक्रारदाराने जाबदार पतसंस्‍थेमध्‍ये खाली नमूद केलेप्रमाणे सुवर्ण लक्ष्‍मी मासीक प्राप्‍ती योजना-एन मुदत ठेव स्‍वरुपात रक्‍कम गुंतविली होती व आहे.
अ.नं | ठेवपावती क्रमांक | ठेव रक्‍कम | ठेव ठेवलेची तारीख | ठेवीची मुदत संपलेची तारीख |
1. | 0285269 | 25,000/- | 12/08/2013 | 12/08/2014 |
2 | 0285275 | 25,000/- | 13/08/2013 | 13/08/2014 |
| एकूण | 50,000/- | | |
वर नमूद तपशीलाप्रमाणे तक्रारदार यांचे मुदत ठेवपावतीवरील एकूण रक्‍कम रु. 50,000/- आजअखेर होणा-या व्‍याजासह जाबदार हे तक्रारदार यांना देणे लागत आहेत. प्रस्‍तुत मुदत ठेवींची मुदत संपल्‍यानंतर तक्रारदार यांनी जाबदार यांचेकडे प्रस्‍तुत ठेवीच्‍या रकमेची व्‍याजासह मागणी केली असता, जाबदार यांनी तक्रारदाराला रक्‍कम देणेस टाळाटाळ केली व आजअखेर तक्रारदाराला ठेवींची व्‍याजासह रक्‍कम अदा केलेली नाही व तक्रारदार यांनी वारंवार रकमेची मागणी केली असता जाबदाराने तक्रारदार यांचेबरोबर अरेरावीची भाषा वापरुन,भांडण करुन रक्‍कम परत देणेस नकार दिला आहे. वास्‍तविक पाहता, तक्रारदारानी मुदतीनंतर ठेवीच्‍या रकमेची मागणी केली असता सदरची रक्‍कम आजअखेर होणा-या व्‍याजासह देणे जाबदार यांचेवर बंधनकारक होते व आहे. तक्रारदार यांना त्‍यांचे मुलांचे शिक्षणासाठी गरज असल्‍याने व सततच्‍या आजारपणामुळे आर्थिक अडचण असलेने ठेवपावतींची रक्‍कम मिळावी म्‍हणून जाबदार यांना सदरच्‍या रकमेची लेखी व तोंडी तक्रारदाराने वेळोवेळी मागणी केली असता, जाबदाराने रक्‍कम देणेस टाळाटाळ केली व रक्‍कम परत दिली नाही व शेवटी रक्‍कम देणेस नकार दिला. त्‍यामुळे तक्रारदाराला जाबदार यांनी सदोष सेवा पुरविली आहे. त्‍यामुळे तक्रारदार यांनी प्रस्‍तुत जाबदार यांचेकडून वर नमूद परिशिष्‍टातील ठेवीची सर्व रक्‍कम जाबदारांकडून व्‍याजासह वसूल होवून मिळणेसाठी व मानसिकत्रास व खर्चाची रक्‍कम मिळणेसाठी प्रस्‍तुत तक्रार अर्ज मे. मंचात दाखल केला आहे.
2. तक्रारदाराने प्रस्‍तुत कामी जाबदारकडून वर परिशिष्‍टात नमूद मुदत ठेवींची एकूण रक्‍कम रु. 50,000/- (रुपये पन्‍नास हजार फक्‍त) व्‍याजासह वैयक्तिक व संयुक्तिकरित्‍या वसूल होवून मिळावी. तसेच प्रस्‍तुत रक्‍कम तक्रारदार यांचे पदरी पडेपर्यंत द.सा.द.शे. 15 टक्‍के प्रमाणे व्‍याज जाबदार यांनी तक्रारदार यांना अदा करावे, तक्रारदारास झालेल्‍या मानसीक व शारीरिक त्रासाबाबत रक्‍कम रु.1,00,000/- (रुपये एक लाख फक्‍त) जाबदार यांचेकडून तक्रारदार यांना मिळावेत व अर्जाचे खर्चापोटी रक्‍कम रु.25,000/- (रुपये पंधरा हजार फक्‍त) जाबदारकडून तक्रारदाराला मिळावेत अशी विनंती प्रस्‍तुत कामी मागणी तक्रारदाराने केलेली आहे.
3. प्रस्‍तुत कामी तक्रारदाराने त्‍याचे अर्जातील कथनाच्‍या सिध्‍दतेसाठी नि.क्र. 2 कडे प्रतिज्ञापत्र, नि.5 चे कागदयादीसोबत नि.5/1 कडे मुदत ठेव पावती क्र. 0285275 व 0285269 ची व्‍हेरीफाईड प्रत नि. 5/2 कडे वकीलांचेमार्फत पाठविलेल्‍या नोटीस व परत आलेला लखोटा, नि.5/3 संचालक मंडळाची यादी, नि.19 कडे जाहीर नोटीस काढणेसाठीचा अर्ज, नि. 20 ला अर्जाचे अँफीडेव्‍हीट, नि.24 चे अर्ज व नि.25 कडील फेरीस्‍तसोबत जाहीर नोटीस बजावलेचा दैनिक सकाळचा पेपर अहवाल, नि.27 कडे तक्रारदाराने मुळ तक्रार अर्जासोबत दाखल केलेले प्रतिज्ञापत्र हाच पुरावा समजणेत यावा म्‍हणून दिलेली पुरसीस, वगैरे कागदपत्रे तक्रारदाराने याकामी दाखल केली आहेत.
4. प्रस्‍तुत कामी जाबदार क्र. 1 ते 12 यांना मंचामार्फत पाठवलेल्‍या नोटीस जाबदार यांना लागू झाली असून जाबदार क्र.2 ते 12 यांच्‍या नोटीसा परत आलेने, प्रस्‍तुत जाबदारांना दैनिक सकाळ पेपरमध्‍ये जाहीर नोटीस बजावलेली आहे. जाबदारांना जाहीर नोटीस लागू होवूनसुध्‍दा ते मे. मंचात हजर राहीले नाहीत व तक्रार अर्जातील तक्रारदाराचे म्‍हणणेही खोडून काढलेले नाही सबब प्रस्‍तुत जाबदार यांचेविरुध्‍द एकतर्फा आदेश नि. 1 वर पारीत झालेला आहे.
5. वर नमूद तक्रारदार व जाबदार यांनी दाखल केले सर्व कागदपत्रांचे काळजीपूर्वक अवलोकन करुन मे. मंचाने प्रस्‍तुतचा तक्रार अर्जाचे निराकरणार्थ मे मंचाने पुढील मुद्दयांचा विचार केला.
अ.नं. मुद्दा उत्‍तर
1- तक्रारदार हे जाबदारांचे ग्राहक आहे का?- होय.
2- जाबदार यांनी तक्रारदार यांना सदोष सेवा
पुरविली आहे काय?- होय.
3- अंतिम आदेश? खालील आदेशात
नमूद केलेप्रमाणे.
विवेचन -
6. वर नमूद मुद्दा क्र.1 व 2 चे उत्‍तर आम्‍ही होकारार्थी देत आहोत. कारण- प्रस्‍तुत तक्रारदाराने वरील कोष्‍टकात नमूद ठेवींची रक्‍कम मुदत ठेव योजनेत गुंतविली होती व आहे. प्रस्‍तुत मुदतठेवीच्‍या ठेवपावत्‍यांच्‍या सत्‍यप्रती तक्रारदाराने नि.5/1 कडे दाखल केलेल्‍या आहेत. तसेच नि.5/3 कडे जाबदार पतसंस्‍थेच्‍या संचालक मंडळाची यादी दाखल केली आहे. यावरुन तक्रारदार व जाबदार हे नात्‍याने ग्राहक व सेवापुरवठादार आहेत हे सिध्‍द होते. प्रस्‍तुत कामी तक्रारदार यांनी जाबदार पतसंस्‍थेत मुदत ठेव योजनेत खाली नमूद परिशिष्‍टातील तपशीलाप्रमाणे एकूण रक्‍कम रु.50,000/- (रुपये पन्‍नास हजार फक्‍त) मुदत ठेव योजनेअंतर्गत ठेवलेली होती.
अनं | ठेवपावती क्रमांक | ठेव रक्‍कम | ठेव ठेवलेची तारीख | ठेवीची मुदत संपलेची तारीख |
1. | 0285269 | 25,000/- | 12/08/2013 | 12/08/2014 |
2 | 0285275 | 25,000/- | 13/08/2013 | 13/08/2014 |
| एकूण | 50,000/- | | |
वरील कोष्‍टकात नमूद ठेवींची मुदत संपलेनंतर तक्रारदाराने जाबदार यांचेकडे ठेवीच्‍या रकमेची वारंवार लेखी व तोंडी मागणी केली असता जाबदार यांनी प्रस्‍तुत ठेवींची रक्‍कम तक्रारदाराला अदा करणेस टाळाटाळ केली व शेवटी तक्रारदारबरोबर भांडणे काढून नकार दिलेला आहे असे तक्रारदाराचे कथन आहे. प्रस्‍तुत तक्रारदाराचे तक्रार अर्जातील कथन खोडून काढणेसाठी जाबदार क्र. 1 ते 12 यांना नोटीस लागू होऊनही ते मे. मंचात गैरहजर आहेत, त्‍यामुळे सदर जाबदारांचेविरुध्‍द नि. 1 वर ‘एकतर्फा’ आदेश झालेला आहे. सदर जाबदारांनी तक्रारदाराचे तक्रार अर्जातील कोणतेही कथन खोडून काढलेले नाही. तक्रारदाराने तक्रार अर्जात केलेले कथन योग्‍य व खरे आहे असे या मे. मंचाचे मत आहे.
वरील सर्व विवेचन व स्‍पष्‍टीकरण तसेच कागदपत्रे यांचे अवलोकन करता, जाबदार क्र. 1 ते 12 यांनी तक्रारदाराचे ठेवींची मुदत संपलेनंतर ठेवीची सर्व रक्‍कम तक्रारदाराला नमूद व्‍याजासह अदा करणे गरजेचे व बंधनकारक असतानाही जाबदाराने तक्रारदाराची ठेवीची रक्‍कम मुदतीनंतर तक्रारदाराला व्‍याजासह अदा केलेली नाही, अदा करणेस टाळाटाळ केली व नकार दिला. म्‍हणजेच जाबदार क्र. 1 ते 12 यांनी तक्रारदार यांना सदोष सेवा पुरविली आहे हे स्‍पष्‍ट होते. सबब आम्‍ही मुद्दा क्र. 1 व 2 चे उत्‍तर होकारार्थी देत आहोत.
7. वरील सर्व विवेचनावरुन प्रस्‍तुत कामी जाबदार क्र. 1 ते 12 हे तक्रारदाराने वरील परिशिष्‍टात नमूद केलेली दोन्‍ही ठेवपावत्‍यांची त्‍या ठेवपावत्‍यांवरील नमूद व्‍याजादराने होणारी व्‍याजासह सर्व रक्‍कम तक्रारदार यांना अदा करणेसाठी वैयक्तिक व संयुक्तिकपणे जबाबदार आहेत असे आमचे मत आहे. मात्र जाबदार क्र.1 ते 12 यांनी तक्रारदाराचे वर नमूद परिशिष्‍टातील ठेवींची रक्‍कम त्‍या ठेवपावतीवरील नमूद व्‍याजासह तक्रारदार यास अदा करणेसाठी वैयक्तिक व संयुक्‍तीकपणे Co-Operative Corporate Veil नुसार जबाबदार धरणे न्‍यायोचित होणार आहे. सदर कामी आम्‍ही मे. उच्‍च न्‍यायालय, मुंबई यांचेकडील रिटपिटीशन नं. 117/2011 मंदाताई संभाजी पवार वि. स्‍टेट ऑफ महाराष्‍ट्र या न्‍यायनिवाडयाचा व त्‍यातील दंडत्‍वाचा आधार घेतला आहे.
8. सबब याकामी जाबदार क्र. 1 ते 12 यांनी तक्रारदार यांना वैयक्तिक व संयुक्तिकरित्‍या वर नमूद परिशिष्‍टातील सर्व ठेवपावत्‍यांची रक्‍कम त्‍या ठेवपावत्‍यांवरील नमूद व्‍याजासह अदा करणे न्‍यायोचीत होणार आहे. तसेच तक्रारदाराला प्रस्‍तुत जाबदार क्र. 1 ते 12 यांनी वैयक्तिक व संयुक्तिकपणे मानसीकत्रासासाठी रक्‍कम रु.2,000/- व अर्जाचा खर्च म्‍हणून रक्‍कम रु.5,000/- अदा करणे न्‍यायोचीत होणार आहे असे आमचे स्‍पष्‍ट मत आहे.
9. सबब प्रस्‍तुत कामी आम्‍ही पुढीलप्रमाणे अंतिम आदेश करणेत येतो.
आदेश
1. तक्रारदार यांचा तक्रारअर्ज अंशतः मंजूर करण्‍यात येत आहे.
2. जाबदार क्र 1 ते 12 यांनी वैयक्तिक व संयुक्तिकरित्‍या तक्रारदार यांची खाली नमूद परिशिष्‍टातील मुदत ठेव पावतीच्‍या रकमा ठेव ठेवले तारखेपासून तक्रार अर्ज दाखल करेपर्यंत त्‍या-त्‍या पावतीवर नमूद व्‍याजदराने होणा-या व्‍याजासह तक्रारदारांना अदा करावी.
अनं | ठेवपावती क्रमांक | ठेव रक्‍कम | ठेव ठेवलेची तारीख | ठेवीची मुदत संपलेची तारीख |
1. | 0285269 | 25,000/- | 12/08/2013 | 12/08/2014 |
2 | 0285275 | 25,000/- | 13/08/2013 | 13/08/2014 |
| एकूण | 50,000/- | | |
3. जाबदार क्र. 1 ते 12 यांनी तक्रारदार यांना वैयक्तिक व संयुक्तिकरित्‍या वर नमूद परिशिष्‍टातील ठेव पावतीची एकूण रक्‍कम रु.50,000/- (रुपये पन्‍नास हजार फक्‍त) वर अर्ज दाखल तारखेपासून रक्‍कम तक्रारदाराचे हाती पडेपर्यंत द.सा.द.शे. 6 टक्‍के दराने होणारे व्‍याजासह तक्रारदाराला अदा करावी.
4. तक्रारदार यांना झाले मानसिक त्रासापोटी रक्‍कम रु.2,000/- (रुपये दोन
हजार मात्र) व तक्रार अर्जाचा खर्च म्‍हणून रक्‍कम रु.5,000/- (रुपये पाच
हजार फक्‍त) जाबदार क्र. 1 ते 12 यांनी वैयक्तिक अथवा संयुक्तिकरित्‍या
तक्रारदार यांना अदा करावी.
5. वरील सर्व आदेशाचे पालन जाबदार क्र. 1 ते 12 यांनी आदेश पारीत
तारखेपासून 45 दिवसांचे आत करावे.
6. आदेशाची पूर्तता विहीत मुदतीत न केलेने तक्रारदाराला ग्राहक संरक्षण
कायद्यातील कलम 25 किंवा 27 नुसार वसुलीची प्रक्रिया करणेची मुभा
राहील.
7. पस्‍तुत आदेशाच्‍या सत्‍यप्रती उभय पक्षकाराना विनामूल्‍य द्याव्‍यात.
8. सदरचा न्‍यायनिर्णय खुल्‍या मंचात जाहीर करणेत आला.
ठिकाण- सातारा.
दि.31-10-2015
सौ.सुरेखा हजारे श्री.श्रीकांत कुंभार सौ.सविता भोसले
सदस्‍या सदस्‍य अध्‍यक्षा
जिल्‍हा ग्राहक तक्रार निवारण मंच, सातारा.
