नि.नं. २९
जिल्‍हा ग्राहक तक्रार निवारण मंच, सांगली यांचेसमोर
मा.अध्‍यक्ष – अनिल य.गोडसे
मा.सदस्‍या - श्रीमती गीता घाटगे
ग्राहक तक्रार अर्ज क्र. ५४२/२००८
----------------------------------------------
तक्रार नोंद तारीख – ७/०५/२००८
तक्रार दाखल तारीखः – १६/०५/२००८
निकाल तारीखः - ११/०८/२०११
----------------------------------------------
श्री नामदेव यशवंत पाटील
वय व. ६०, धंदा – शेती व पेन्‍शनर
रा.काळुंद्रे, ता.शिराळा, जि.सांगली
ह.मु. इस्‍लामपूर, ता.वाळवा जि. सांगली .... तक्रारदार
विरुध्‍द
१. भारतीय नागरी सह.पतसंस्‍था मर्या. इस्‍लामपूर
२. उषादेवी संभाजी पाटील,
वय वर्षे – ३५, धंदा – नोकरी,
रा.कापुसखेड नाका, इस्‍लामपूर,
ता.वाळवा जि.सांगली
३. श्री संभाजी आनंदराव पाटील,
वय वर्षे – ४२, धंदा – नोकरी,
रा.कापुसखेड नाका, इस्‍लामपूर,
ता.वाळवा जि.सांगली
४. श्री संजय पांडुरंग पाटील,
वय वर्षे – ४२, धंदा – नोकरी,
रा.इंजिनिअरींग कॉलेज कॉलनी, इस्‍लामपूर,
ता.वाळवा जि.सांगली
५. सौ. विजया गणपती पाटील,
वय वर्षे – सज्ञान, धंदा – घरकाम,
रा.प्राध्‍यापक कॉलनी, शिराळा
ता.शिराळा जि.सांगली
६. सौ रेखा जयकर पाटील,
धंदा – घरकाम, रा.ओझर्डे, ता.वाळवा, जि. सांगली.
७. सौ मंगल नागनाथ पाटील,
वय वर्षे – सज्ञान, धंदा – घरकाम,
रा.एम.ए.सी.बी.जवळ, इस्‍लामपूर, ता.वाळवा जि.सांगली
८. श्री शिवाजी रंगराव पाटील,
वय वर्षे – ४५, धंदा – शेती,
रा.ओझर्डे, ता.वाळवा, जि. सांगली.
९. संतोष बजरंग पवार,
वय वर्षे – ४२, धंदा – शेती,
रा.अनंतगंगा, महादेवनगर, इस्‍लामपूर,
ता.वाळवा, जि. सांगली.
१०. सौ सुरेखा चंद्रकांत मगदूम,
रा.जयसिंगपूर, ता.शिरोळ, जि.कोल्‍हापूर
११. आनंदा नारायण जाधव,
वय वर्षे – ४०, धंदा – शेती,
रा. शिवाजी चौक, ऊरण-इस्‍लामपूर,
इस्‍लामपूर, ता.वाळवा जि.सांगली
१२. सचिन आनंदा हांडे
वय वर्षे – ३०, धंदा – शेती,
रा. शिवनगर, इस्‍लामपूर, ता.वाळवा जि.सांगली
१३. विनायक बाळकृष्‍ण लोले,
वय वर्षे – सज्ञान, धंदा – शेती,
रा. यादवनगर, पेठवडगांव, ता.हातकणंगले
जि.कोल्‍हापूर
१४. दिपा बळवंत फाळके
वय – सज्ञान, धंदा – घरकाम,
रा.विठ्ठलवाडी, ता.वाळवा, जि.सांगली
१५. संभाजी बळवंत पडवळ
वय – सज्ञान, धंदा – शेती,
इस्‍लामपूर, ता.वाळवा, जि.सांगली ..... जाबदार
तक्रारदार तर्फेः +ìb÷. श्री व्‍ही.बी.नरवाडे
जाबदार क्र.१, ५, ६, ७, ८, १०, १२, १३, १४, १५ – एकतर्फा
जाबदार क्र. ४, ९, ११ – नो से
जाबदार क्र. २ व ३ तर्फे – श्री आर.बी.साळुंखे
नि का ल प त्र
द्वारा- मा. सदस्‍या- गीता घाटगे
१. प्रस्‍तुत प्रकरणातील जाबदार पतसंस्‍थेने मुदत ठेवी अन्‍वये गुंतविलेल्‍या रकमा परत दिल्‍या नाहीत म्‍हणून तक्रारदारांनी सदरहू तक्रार अर्ज दाखल केला आहे. याबाबत थोडक्‍यात हकीकत अशी की, तक्रारदार यांनी जाबदार भारतीय नागरी सहकारी पतसंस्‍था मर्या. इस्‍लामपूर (ज्‍यांचा उल्‍लेख यापुढे ‘पतसंस्‍था’ असा केला जाईल) यांचेकडे रकमा गुंतविलेल्‍या होत्‍या. यातील दोन्‍ही ठेवींच्‍या मुदती पूर्ण झाल्‍या आहेत. तक्रारदारांनी गुंतविलेल्‍या रकमांची पतसंस्‍थेकडे मागणी केली असता पतसंस्‍थेने ती देण्‍यास नकार दिला अशी तक्रारदारांची तक्रार आहे. सबब, आपल्‍याला रकमा देवविण्‍यात याव्‍यात अशी तक्रारदारांनी विनंती केली आहे. तक्रारदारांनी तक्रार अर्जाचे पुष्‍टयर्थ प्रतिज्ञापत्र व नि.५ अन्‍वये एकूण २ कागदपत्रे मंचापुढे दाखल केली आहेत.
२. प्रस्‍तुत प्रकरणातील जाबदार क्र. १, ५, ६, ७, ८, १०, १२, १३, १४, १५ यांचेवर मंचाच्‍या नोटीसीची बजावणी होऊनसुध्‍दा ते प्रस्‍तुत प्रकरणी हजर झाले नाहीत. सबब, सदरहू प्रकरणी त्‍यांचेविरुध्‍द नि.१ वर एकतर्फा आदेश करण्‍यात आले.
३. जाबदार क्र. ४, ९ व ११ यांचेवर मंचाच्‍या नोटीसीची बजावणी झालेवर ते विधिज्ञांमार्फत हजर झाले परंतु त्‍यांनी त्‍यांचे म्‍हणणे प्रस्‍तुत प्रकरणी दाखल केले नाही. सबब, त्‍यांचेविरुध्‍द नो से चा आदेश नि.१ वर करण्‍यात आला.
४. जाबदार क्र.२ व ३ यांनी मंचाच्‍या नोटीसीची बजावणी त्‍यांचेवर झालेवर विधिज्ञांमार्फत हजर होवून त्‍यांचे म्‍हणणे प्रस्‍तुत प्रकरणी दाखल केले. त्‍यांचे म्‍हणण्‍यात त्‍यांनी तक्रारदारांच्‍या सर्व तक्रारी अमान्‍य केल्‍या आहेत. संस्‍थेवर प्रशासकाची नेमणूक झाल्‍याने ठेवीसाठी हे जाबदार जबाबदार ठरत नसल्‍याचे त्‍यांनी त्‍यांचे म्‍हणण्‍यात नमुद केले आहे त्‍याच बरोबर संस्‍थेवर प्रशासक असूनही त्‍यांना या कामी जाबदार म्‍हणून सामिल केले नाही, म्‍हणून प्रस्‍तुत प्रकरणी नॉन जॉईंडर ऑफ नेसेसरी पार्टीज या तत्‍वाचा बाधा येते असेही नमूद केले आहे. जाबदार पुढे असेही नमुद करतात की, मुळातच तक्रारदारांनी ठेवीतील रकमेबाबत पतसंस्‍था किंवा प्रशासकाकडे मागणी केल्‍याचे आढळून येत नसल्‍याने ती रक्‍कम नाकारुन त्‍यांना जाबदारांनी सदोष सेवा दिल्‍याचा प्रश्‍नच उदभवत नाही. त्‍याचप्रमाणे सदरहू पतसंस्‍था ही महाराष्‍ट्र सहकारी कायद्याप्रमाणे नोंदणीकृत संस्‍था असल्‍याने, या कायद्याअंतर्गत असलेल्‍या तरतुदीनुसार, तक्रारदारांनी जाबदारांना दावा दाखल करणेपूर्वी नोटीस देणे कायदयाने आवश्‍यक आहे. तथापि, तशी नोटीस जाबदारांना देणेत आलेली नाही. जाबदारांचे पुढे असेही म्‍हणणे आहे की, या पतसंस्‍थेच्‍या संचालकांविरुध्‍द फौजदारी प्रकरण प्रलंबित आहे. तसेच सहकार कायदा कलम ८८ नुसार अद्यापी त्‍यांची चौकशी पूर्ण झालेली नाही. त्‍यामुळे अशी वस्‍तुस्थिती असताना तक्रारदारांना तक्रार अर्ज दाखल करता येत नाही. या सर्व कारणांचा विचार करता जाबदारांनी तक्रारदारांना कोणत्‍याही प्रकारची सदोष सेवा दिलेली नाही आणि म्‍हणून तक्रारदारांचा तक्रार अर्ज खर्चासह नामंजूर करणेत यावा अशी जाबदारांनी त्‍यांचे म्‍हणण्‍यात विनंती केली आहे. जाबदारांनी त्‍यांचे म्‍हणण्‍याचे पुष्‍टयर्थ प्रतिज्ञापत्र दाखल केले आहे.
५. तक्रार अर्जात तक्रारदार यांनी सर्व संचालकाविरुध्‍द आदेश करावा अशी केलेली मागणी याचा विचार करता तक्रारदार यांची रक्‍कम देण्‍यास जाबदार पतसंस्‍थेबरोबरच सर्व संचालक वैयक्तिक व संयुक्तिक जबाबदार राहतील किंवा कसे हा मुददा उपस्थित होतो. या मुद्याच्‍या अनुषंगाने सन्‍मा. मुंबई उच्‍च न्‍यायालयाच्‍या औरंगाबाद खंडपीठाने रिट पिटीशन नं. ५२२३/०९ सौ.वर्षा इसाई विरुध्‍द राजश्री चौधरी या कामी दिनांक २२ डिसेंबर २०१० रोजी जो निर्णय दिला आहे. त्‍याचे अवलोकन करता त्‍यामध्‍ये पुढील प्रमाणे निष्‍कर्ष काढल्‍याचे दिसून येते. However, So far as members of the managing committee/directors are concerned, they stand on different footing and unless the procedure prescribed under the special enactment i.e. Maharashtra co. op. societies act 1960 is followed and unless the liability is fixed against them they cannot be held responsible in respect of payment of any dues recoverable from the society.
सन्‍मा. उच्‍च न्‍यायालयाने वर दिलेल्‍या या निष्‍कर्षाचा विचार करता तक्रारदारांनी महाराष्‍ट्र सहकार कायदयातील कलम ८८ अन्‍वये चौकशी होऊन सर्व संचालकांना जबाबदार धरुन त्‍यांचे दायित्‍व निश्चित केल्‍याबाबत कोणताही पुरावा दाखल केलेला नाही. ही बाब प्रस्‍तुत प्रकरणी लक्षात घेणे अत्‍यंत महत्‍वाचे असल्‍याचे मंचास वाटते आणि म्‍हणून जाबदार क्र. २ ते १५ यांना पुराव्‍या अभावी तक्रारदाराची रक्‍कम देण्‍यास संयुक्तिक अथवा वैयक्तिकरित्‍या जबाबदार धरता येणार नाही असा मंचाचा निष्‍कर्ष निघतो व पर्यायाने रकमेची मागणी करुनही ती न देवून पतसंस्‍थेने तक्रारदारांना दूषित सेवा दिल्‍याने ज्‍या पतसंस्‍थेमध्‍ये ठेव गुंतविलेली आहे, ती पतसंस्‍थाच तक्रारदाराच्‍या ठेवीसाठी सर्वस्‍वी जबाबदार ठरते असाही मंचाचा निष्‍कर्ष निघतो.
६. प्रस्‍तुत प्रकरणी तक्रारदारांना मुदत ठेवपावती क्र.०११८०६ या ठेवीअन्‍वये गुंतविलेल्‍या एकूण रकमेपैकी शासन योजनेअंतर्गत रक्‍कम रु.१०,०००/- दि.२८/४/२०१० रोजी मिळालेले आहेत. तसेच या ठेवीच्‍या मागील भागावर त्‍यांना दि.१७/१२/२००७ पर्यंत व्‍याज देण्‍यात आल्‍याचेही नमूद करण्‍यात आले आहे. त्‍यामुळे या ठेवीतील गुंतविलेल्‍या मूळ रक्‍कम रु.४०,०००/- वर दि.१८/१२/२००७ पासून म्‍हणजेच व्‍याज मिळालेच्‍या दुस-या दिवसापासून दि.२८/४/२०१० पर्यंत म्‍हणजेच शासन योजनेअंतर्गत रक्‍कम मिळाल्‍या तारखेपर्यंत केवळ पावतीवर नमूद व्‍याज मंजूर करण्‍यात येत आहे. तसेच या ठेवीतील उर्वरीत रक्‍कम रु.३०,०००/- दि.२९/४/२०१० पासून संपूर्ण रकमेची फेड होईपर्यंत पावतीवर नमूद व्‍याजदराने मंजूर करण्‍यात येत आहे.
तसेच प्रस्‍तुत प्रकरणी दाखल अन्‍य मुदत ठेवीतील रकमेवर देखील तक्रारदारांना काही कालावधीपर्यंतचे व्‍याज प्राप्‍त झाले आहे असे ठेवपावतीच्‍या मागील भागावरील नोंदीवरुन समजून येते. सबब या ठेवीतील रक्‍कम व्‍याज मिळालेल्‍या दुस-या दिवशीपासून पावतीवर नमूद व्‍याजदराने मंजूर करण्‍यात येत आहे.
सबब, मंचाचा आदेश की,
आदेश
१. यातील जाबदार पतसंस्‍था व पतसंस्‍थेतर्फे अधिकृत प्रतिनिधी यांनी तक्रारदारांना मुदत ठेव पावती क्र.०११८०६ मधील रक्‍कम रु.४०,०००/- (चाळीस हजार फक्‍त) वर दि.१८/१२/२००७ पासून दि.२८/४/२०१० पर्यंत प्रतिमहिना रक्‍कम रु.३८४/- इतके व्‍याज अदा करावे. या ठेवीतील उर्वरीत रक्‍कम रु.३०,०००/- दि.२९/४/२०१० पासून संपूर्ण रकमेची फेड होईपर्यंत प्रतिमहिना रक्‍कम रु.३८४/- व्‍याजासह अदा करावी.
२. यातील जाबदार पतसंस्‍था व पतसंस्‍थेतर्फे अधिकृत प्रतिनिधी यांनी तक्रारदारांना मुदत ठेव पावती क्र.०११८०७ मधील रक्‍कम रु.४०,०००/- (चाळीस हजार फक्‍त) दि.१८/१२/२००७ पासून संपूर्ण रकमेची फेड होईपर्यंत प्रतिमहिना रक्‍कम रु.३८४/- व्‍याजासह अदा करावी.
३. यातील जाबदार पतसंस्‍था व पतसंस्‍थेतर्फे अधिकृत प्रतिनिधी यांनी तक्रारदारांना शारिरिक, मानसिक त्रासापोटी व तक्रारअर्जाचे खर्चापोटी म्‍हणून रक्‍कम रु.२,०००/- (दोन हजार फक्‍त) अदा करावेत.
४. वर नमूद आदेशांची अंमलबजावणी जाबदार पतसंस्‍थेने दि.२६/९/२०११ पर्यंत न केल्‍यास तक्रारदार त्‍यांचेविरुध्‍द ग्राहक संरक्षण कायद्यातील तरतुदी अंतर्गत प्रकरण दाखल करु शकतील.
सांगली
दिनांकò: ११/०८/२०११
(गीता सु.घाटगे) (अनिल य.गोडसे÷)
सदस्‍या अध्‍यक्ष
जिल्‍हा मंच, सांगली जिल्‍हा मंच, सांगली.
|ÉiÉ : iÉGòÉ®únùÉ®ú ªÉÉÆxÉÉ ½þÉiÉ{ÉÉä½ÉäSÉ/®úÊVÉ.{ÉÉä¹]õÉxÉä Ênù. / /२०११
VÉɤÉnùÉ®ú ªÉÉÆxÉÉ ½þÉiÉ{ÉÉä½þÉäSÉ/®úÊVÉ.{ÉÉä¹]õÉxÉä Ênù. / /२०११
