आदेश नि.01 खाली

     प्रस्‍तुत प्रकरणात अर्जदार व त्‍यांचे वकील तसेच प्रतिपक्ष यांचे वकील यांनी नि.16 एकत्रित तडजोडपत्र दाखल केले आहे. प्रतिपक्ष यांचे वकीलातर्फे नि.17 अधिकारपत्र दाखल.  नि.16 तडजोडीनुसार प्रतिपक्ष यांनी अर्जदार यांना रक्‍कम रुपये 4,20,000/- देण्‍याचे कबूल केले आहे व अर्जदार यांना सदर तडजोडीची रक्‍कम मान्‍य आहे.

मंचाची तडजोडी बाबतची प्रमाणित नक्‍कल प्राप्‍त झाल्‍यापासून 45 दिवसामध्‍ये प्रतिपक्ष हे अर्जदार यांना सदर रक्‍कम रुपये 4,20,000/- देणार आहेत. त्‍याच प्रमाणे अर्जदार यापुढे त्‍यांनी काढलेल्‍या कारच्‍या विमापत्रा बद्दल कुठल्‍याही अधिक नुकसान भरपाईची मागणी प्रतिपक्ष यांचेकडे करणार नाहीत. दोनही पक्ष आपापला खर्च सहन करतील असे दोनही पक्षाचे वतीने नि.16 तडजोडपत्रामध्‍ये मान्‍य केलेले आहे. त्‍यामुळे अर्जदार हे सदर प्रकरण पुढे चालवू इच्छित नाहीत. 

      वरील तडजोड पत्रानुसार सदर प्रकरणात नि.01 खाली आदेश पारीत करुन प्रकरण बंद करण्‍यात येत आहे.