नि.नं. १३
जिल्‍हा ग्राहक तक्रार निवारण मंच, सांगली यांचेसमोर
मा.अध्‍यक्ष – अनिल य.गोडसे
मा.सदस्‍या - श्रीमती गीता घाटगे
मा.सदस्‍या – सौ सुरेखा बिचकर
ग्राहक तक्रार अर्ज क्र. ४४५/२०१०
----------------------------------------------
तक्रार नोंद तारीख – २७/०८/२०१०
तक्रार दाखल तारीखः – ३०/०८/२०१०
निकाल तारीखः - १७/११/२०११
----------------------------------------------
१. श्रीमती कुसूम वामन पाटील
वय व.७६, धंदा – घरकाम
रा.शिंदे चौक, आष्‍टा, ता.वाळवा जि.सांगली .... तक्रारदार
विरुध्‍द
१. भारतीय +ìग्री इंडस्‍ट्रीज प्रा.लि. पुणे
(सदरची नोटीस अध्‍यक्ष जाबदार नं.२ यांचेवर
बजावणेत यावी)
२. श्री संभाजी आनंदराव पाटील
वय व.४४, धंदा – नोकरी
रा.बी २०१, भारती विहार, भारती विद्यापीठ जवळ,
कात्रज, पुणे – ४११ ०४६
३. सौ उषादेवी संभाजी पाटील,
वय व.३७, धंदा – नोकरी
रा.बी २०१, भारती विहार, भारती विद्यापीठ जवळ,
कात्रज, पुणे – ४११ ०४६ ..... जाबदार
तक्रारदार तर्फेः +ìb÷. श्री आर.व्‍ही.बसुगडे
जाबदार क्र.१ ते ३ – एकतर्फा
नि का ल प त्र
द्वारा- मा. सदस्‍या- गीता घाटगे
१. प्रस्‍तुत प्रकरणातील जाबदार इंडस्‍ट्रीजने मुदत ठेवी अन्‍वये गुंतविलेल्‍या रकमा परत दिल्‍या नाहीत म्‍हणून तक्रारदारांनी सदरहू तक्रार अर्ज दाखल केला आहे. याबाबत थोडक्‍यात हकीकत अशी की, तक्रारदार यांनी जाबदार भारतीय +ìग्री इंडस्‍ट्रीज प्रा.लि. पुणे (ज्‍यांचा उल्‍लेख यापुढे ‘इंडस्‍ट्रीज’ असा केला जाईल) यांचेकडे रकमा गुंतविलेल्‍या होत्‍या. यातील सर्व ठेवींच्‍या मुदती पूर्ण झाल्‍या आहेत. तक्रारदारांनी गुंतविलेल्‍या रकमांची इंडस्‍ट्रीजकडे मागणी केली असता इंडस्‍ट्रीजने ती देण्‍यास नकार दिला अशी तक्रारदारांची तक्रार आहे. सबब, आपल्‍याला रकमा देवविण्‍यात याव्‍यात अशी तक्रारदारांनी विनंती केली आहे. तक्रारदारांनी तक्रार अर्जाचे पुष्‍टयर्थ प्रतिज्ञापत्र व नि.५ अन्‍वये एकूण ६ कागदपत्रे मंचापुढे दाखल केली आहेत.
२. प्रस्‍तुत प्रकरणातील जाबदार क्र. १ ते ३ यांचेवर मंचाच्‍या नोटीसीची बजावणी होऊनसुध्‍दा ते प्रस्‍तुत प्रकरणी हजर झाले नाहीत. सबब, सदरहू प्रकरणी त्‍यांचेविरुध्‍द नि.१ वर एकतर्फा आदेश करण्‍यात आले.
३. तक्रारदारांनी दाखल केलेल्‍या तक्रारअर्जाचे अवलोकन करता जाबदार क्र.१ म्‍हणून तक्रारदारांनी भारतीय (+ìग्री) इंडस्‍ट्रीज प्रा.लि. पुणे यांना सामील केलेले आहे. तसेच जाबदार क्र.२ व ३ यांचा पत्‍ता देखील पुणे येथील आहे. तक्रारदारांनी ज्‍या ठेवपावत्‍यांतील रकमांची मागणी केलेली आहे, त्‍यातील ठेवपावतींचे अवलोकन करता त्‍यावर “ शाखा इस्‍लामपूर ” असा शिक्‍का आढळून येतो. तक्रारदारांनी जाबदार म्‍हणून उद्योग समूहाच्‍या इस्‍लामपूर येथील शाखेस सामील केलेले नाही. तसेच अन्‍य ठेवपावत्‍यांचे अवलोकन करता त्‍यावर या ठेवी नेमक्‍या कोणत्‍या शाखेत गुंतविण्‍यात आलेल्‍या आहेत, याचा कुठलाही उल्‍लेख आढळून येत नाही.
तक्रार अर्जात तक्रारदार यांनी सर्व संचालकाविरुध्‍द आदेश करावा अशी मागणी केलेली आहे. परंतु सन्‍मा. मुंबई उच्‍च न्‍यायालयाच्‍या औरंगाबाद खंडपीठाने रिट पिटीशन नं. ५२२३/०९ सौ.वर्षा इसाई विरुध्‍द राजश्री चौधरी या कामी दिनांक २२ डिसेंबर २०१० रोजी जो निर्णय दिला आहे. त्‍याचे अवलोकन करता त्‍यामध्‍ये पुढील प्रमाणे निष्‍कर्ष काढल्‍याचे दिसून येते. However, So far as members of the managing committee/directors are concerned, they stand on different footing and unless the procedure prescribed under the special enactment i.e. Maharashtra co. op. societies act 1960 is followed and unless the liability is fixed against them they cannot be held responsible in respect of payment of any dues recoverable from the society.
सन्‍मा. उच्‍च न्‍यायालयाने वर दिलेल्‍या या निष्‍कर्षाचा विचार करता तक्रारदारांनी महाराष्‍ट्र सहकार कायदयातील कलम ८८ अन्‍वये चौकशी होऊन सर्व संचालकांना जबाबदार धरुन त्‍यांचे दायित्‍व निश्चित केल्‍याबाबत कोणताही पुरावा दाखल केलेला नाही. या वस्‍तुस्थितीच्‍या पार्श्‍वभूमीवर प्रस्‍तुत प्रकरणी संचालकांना पुराव्‍याअभावी जबाबदार धरणे मंचास शक्‍य नाही. मात्र अशी वस्‍तुस्थिती असताना केवळ इंडस्‍ट्रीजलाच जबाबदार धरणे मंचास क्रमप्राप्‍त ठरते. परंतु तक्रारदारांनी ज्‍या शाखेत रकमा गुंतविल्‍या आहेत, त्‍या शाखेस जाबदार म्‍हणून सामील न केल्‍याने पावत्‍या क्र.००२४५८, ००२४७८ व ००२४७९ मधील रकमा मंजूर करुन त्‍यास पुणे येथील कार्यालयास जबाबदार धरणे अत्‍यंत चुकीचे व अयोग्‍य ठरेल असे मंचाचे स्‍पष्‍ट मत आहे. त्‍याचप्रमाणे अन्‍य दोन ठेव पावत्‍यांवर त्‍या नेमक्‍या कोणत्‍या शाखेच्‍या आहेत याचा उल्‍लेख नाही. त्‍यामुळे त्‍यातीलही रकमा मंजूर करणे अत्‍यंत चुकीचे व अयोग्‍य ठरेल असे मंचाचे मत आहे. आणि तरीही तक्रारदारांनी प्रस्‍तुत प्रकरणी केवळ पुणे येथील जाबदारांना सामील केल्‍याने सदरहू तक्रारअर्ज या मंचाच्‍या भौगोलिक अधिकारक्षेत्रातही येत नाही. आणि म्‍हणून या सर्व बाबी एकत्रितपणे विचारात घेवून तक्रारदारांचा तक्रारअर्ज मंजूर न करता काढून टाकणे योग्‍य व न्‍याय्य ठरेल असा मंचाचा निष्‍कर्ष निघतो. तथापि योग्‍य त्‍या शाखेस सामील करुन योग्‍य त्‍या तपशीलासह गुंतविण्‍यात आलेल्‍या रकमांबाबत दाद मागणेची मुभा तक्रारदारांना देणेत येते.
सबब, मंचाचा आदेश की,
आदेश
१. तक्रारदारांचा तक्रारअर्ज काढून टाकणेत येत आहे.
२. खर्चाबाबत कोणतेही आदेश नाहीत.
सांगली
दिनांकò: १७/११/२०११
(सुरेखा बिचकर) (गीता सु.घाटगे) (अनिल य.गोडसे÷)
सदस्‍या सदस्‍या अध्‍यक्ष
जिल्‍हा मंच, सांगली. जिल्‍हा मंच, सांगली जिल्‍हा मंच, सांगली.
|ÉiÉ : iÉGòÉ®únùÉ®ú ªÉÉÆxÉÉ ½þÉiÉ{ÉÉä½ÉäSÉ/®úÊVÉ.{ÉÉä¹]õÉxÉä Ênù. / /२०११
VÉɤÉnùÉ®ú ªÉÉÆxÉÉ ½þÉiÉ{ÉÉä½þÉäSÉ/®úÊVÉ.{ÉÉä¹]õÉxÉä Ênù. / /२०११
