::: आ दे श :::

( पारीत दिनांक : 22/02/2016 )

आदरणीय सदस्य श्री कैलास वानखडे, यांचे अनुसार

1.        ग्राहक संरक्षण कायदा 1986 चे, कलम : 12 अन्वये, तक्रारकर्त्याने सदर तक्रार मंचासमक्ष  सादर केलेली आहे.

     सदर तक्रार ही बियाणे सदोष असल्यासंदर्भात दाखल करुन विरुध्दपक्षाकडून नुकसान भरपाईची मागणी करण्यात आली.  सदर प्रकरण प्राथमिक युक्तीवादाकरिता दि. 08/02/2016 रोजी ठेवण्यात आले व प्रकरणात बियाणे खरेदीची पावती तक्रारकर्त्याने दाखल न केल्यामुळे प्रकरण पुढे बियाण्याची  खरेदी पावती दाखल करण्यासाठी व प्राथमिक युक्तीवादाकरिता दि. 18/02/2016 रोजी ठेवण्यात आले. परंतु दि. 18/02/2016 रोजी तक्रारकर्ता प्रकरणात गैरहजर राहीला.  त्यानंतर प्रकरण पुन्हा दि. 22/02/2016 रोजी प्राथमिक युक्तीवादाकरिता ठेवण्यात आले.  परंतु आज दि. 22/02/2016 रोजी सुध्दा तक्रारकर्ता गैरहजर असल्यामुळे तक्रारकर्त्यास सदर प्रकरणात रुची नसल्याच्या निष्कर्षाप्रत मंच आलेले आहे.  त्यामुळे सदर प्रकरण, ग्राहक संरक्षण कायद्याच्या तरतुदीच्या अधिन राहून, पुन्हा दाखल करण्याची मुभा देऊन, सदर प्रकरण नस्तीबध्द करण्यात यावे, या निष्कर्षाप्रत मंच आले आहे.

     सबब खालील प्रमाणे आदेश पारीत करण्यात येत आहे.

                              :::अं ति म  आ दे श:::

1.  ग्राहक संरक्षण कायदा 1986 च्या तरतुदीस अधिन राहून प्रकरण पुन्हा दाखल करण्याची मुभा तक्रारकर्त्यास देवून सदर प्रकरण नस्तीबध्द करण्यात येत आहे.

सदर आदेशाच्‍या प्रती संबंधीतास निशुल्‍क देण्‍यात यावी.