तक्रारदार गैरहजर. सामनेवालेतर्फे वकील रुपा प्रजापती हजर.

प्रकरण तक्रारदार यांच्‍या तक्रार दाखल करण्‍यास झालेल्‍या विलंब माफीच्‍या अर्जावर युक्तिवादासाठी प्रलंबित आहे. दिनांक 3 ऑक्‍टोबर, 2023 रोजीच्‍या रोजनाम्‍यानुसार सामनेवालेतर्फे प्रकरणात तडजोड झाली असल्‍याचे निवेदन करण्‍यात आलेले आहे. त्‍यानंतर तक्रारदार दिनांक 3 ऑक्‍टोबर, 2023 पासून सतत गैरहजर आहेत. अभिलेखाचे अवलोकन केले असता सदर तक्रार प्रकरण दाखल करण्‍यास 1294 दिवसांचा विलंब झाल्‍याचे तक्रारदाराने विलंब माफीच्‍या अर्जात नमूद केलेले आहे. परंतु सदरच्‍या अर्जावर युक्तिवादासाठी वेळोवेळी संधी देऊनही तक्रारदार आयोगासमोर हजर झालेले नाहीत व वर नमूद केल्‍याप्रमाणे तक्रारदार दिनांक 3 ऑक्‍टोबर, 2023 पासून सतत गैरहजर आहेत. यावरुन तक्रारदार यांना सदरचे प्रकरण चालविण्‍याबाबत स्‍वारस्‍य नसल्‍याचे दिसून येते. तसेच सदरचा दीर्घ विलंब क्षमापित करण्‍यासाठी तक्रारदाराने कोणतेही समर्पक कारण दिलेले नाही. सबब, तक्रारदाराचा विलंब माफीचा अर्ज नामंजूर करण्‍यात येतो. पर्यायाने तक्रार दाखल टप्‍प्‍यावर खारीज करण्‍यात येते. खर्चाबाबत आदेश नाहीत. आदेशाची प्रत उभय पक्षकारांना पाठविण्‍यात यावी.