तक्रारदार गैरहजर.

तक्रारदार हे मागील दोन तारखांपासून सतत गैरहजर.

त्‍यांना दाखल सुनावणीकामी आज अंतिम संधी देण्‍यात आली होती. परंतु ते गैरहजर. तक्रारदार यांनी मंचाचे पिक्‍युनरी अधिकारक्षेत्राबाबत समाधान करणेकामी प्रकरण नेमण्‍यात आले होते. तक्रारदार सतत गैरहजर असल्‍याने त्‍यांना ही तक्रार चालविण्‍यात स्‍वारस्‍य असल्‍याचे दिसून येत नाही. मंचाचा कार्यभार पहाता, प्रकरण त्‍याच टप्‍प्‍यावर तहकूब करणे योग्‍य होणार नाही. वेळ सकाळी 11.15 मिनिटे. सबब, योग्‍य आदेश पारीत करणेकामी प्रकरण मागे ठेवण्‍यात येते.

त्‍यानंतर प्रकरण पुन्‍हा दुपारी 2.10 मिनिटांनी पुकारण्‍यात आले. परंतु तक्रारदार गैरहजर. तक्रारदार हे सकाळच्‍या सत्रात तसेच दुपारीसुध्‍दा गैरहजर. यावरुन तक्रारदारांना ही तक्रार चालविण्‍यात स्‍वारस्‍य असल्‍याचे दिसून येत नाही व ते त्‍याबाबत सजग व जागृत असल्‍याचे दिसून येत नाही. मंचाचा कार्यभार पहाता प्रकरण त्‍याच टप्‍प्‍यावर तहकूब करणे योग्‍य होणार नाही.  अशा परिस्थितीत आमच्‍या मते प्रकरण खारीज करणे योग्‍य होईल. त्‍याकामी आम्‍ही मा. राष्‍ट्रीय आयोगाच्‍या  प्रथम अपील क्र. 1616/2016 ए टू झेड मेंटेनन्‍स अँड इंजिनिअरींग सर्विसेस विरुध्‍द नॅशनल इन्‍शुरन्‍स कं. लि. निकाल दि 03/05/2018 व रिव्‍हीजन पीटीशन क्र. 04/2012, चंदरशेखर विरुध्‍द इस्‍टेट ऑफीसर हुडा, अधिक 1 निकाल दि 04/07/18 चा आधार घेत आहोत. तक्रारदारांनी या प्रकरणामध्‍ये सामनेवाले यांचेकडून रु. 5,17,00,000/- चे कर्ज घेतले होते व व्‍याजाबाबत वाद निर्माण झाल्‍याने ही तक्रार दाखल करण्‍यात आली. सेवेचे मूल्‍य विचारात घेता ही तक्रार या मंचाच्‍या पिक्‍युनरी अधिकारक्षेत्रात समाविष्‍ट होत नाही. सबब खालील आदेश,

                       आदेश

1)   तक्रार क्र. 275/2018 ही Dismiss for want of Prosecution करण्‍यात येते.

2) खर्चा बाबत आदेश नाही.

3) हाच अंतिम आदेश समजण्‍यात यावा.

4) या आदेशाच्‍या प्रती उभय पक्षकारांना निःशुल्‍क टपालाने पाठविण्‍यात याव्‍यात.

5) अतिरीक्‍त संच तक्रारदार यांना परत करण्‍यात यावे.