द्वारा - श्रीमती. स्‍नेहा महात्रे, अध्‍यक्षा            

         तक्रारदार स्‍वतः हजर.  सामनेवाला 1 तर्फे वकील श्री. निखील डावरे तसेच सामनेवाला 2 यांचेतर्फे प्रतिनिधी श्री. जयेश वर्मा हजर. सदर प्रकरण आज उभय पक्षात तडजोड होत असल्‍याने त्‍याबाबतच्‍या अहवालासाठी नेमण्‍यात आले होते. त्‍यानुसार उभय पक्षात तडजोड झाल्‍याचे निवेदन करुन उभय पक्षात स्‍वाक्षरीत केलेल्‍या कन्‍सेंट टर्मसची प्रत दाखल केली, त्‍याखाली तक्रारदारांची तसेच सामनेवाला 1 यांचेतर्फे श्री. अमित भल्‍ला यांची स्‍वाक्षरी दिसून येते. तसेच सामनेवाला 1 यांचा शिक्‍का दिसून येतो. आजरोजी स्‍वाक्षरीत करण्‍यात आलेल्‍या वर नमूद कन्‍सेंट टर्मसनुसार सामनेवाला 1 यांनी तक्रारदारांना अंतिम तडजोडीपोटी रक्‍कम रु. 9,000/- पे ऑर्डर द्वारे (Pay order No. 350196 dtd. 27/01/2020 ICICI Bank, Backbay Recl. Branch Mumbai) मंचासमक्ष दिले ते प्राप्‍त झाल्‍याबाबतची पोहोच तसेच Full & Final Settlement Receipt  तक्रारदारांनी अभिलेखावर दाखल केली. उभय पक्षात वर नमूद केल्‍याप्रमाणे, तडजोड झाली असल्‍याने सामनेवाला 1 व 2 यांचेविरुध्‍द दाखल केलेली प्रस्‍तूत तक्रार मागे घेत असल्‍याचे निवेदन तक्रारदार श्रीमती. सुचित्रा हेगडे यांनी केले.  सबब सामनेवाला 1 व 2 यांचेविरुध्‍द दाखल केलेली प्रस्‍तूत तक्रार वर नमूद तपशिलानुसार, उभय पक्षात तडजोड झाली असल्‍याने मागे घेण्‍यास परवानगी देण्‍यात येते. तक्रार मागे घेतल्‍याने प्रकरण निकाली. प्रकरणात हाच अंतिम आदेश समजण्‍यात यावा. प्रकरण नि‍काली.