निशाणी नं.१ वरील आदेश

(१)       सामनेवाले यांनी सेवेत त्रुटी केली आहे असे नमूद करुन, त्‍यांचेकडून दुरुस्‍त वीज बिल मिळावे, थकीत रक्‍कम पुढील बिलातून वजावट होऊन मिळावी, नवीन मिटर बसवून मिळावे, तसेच वीज पुरवठा खंडीत करु नये आणि नुकसान भरपाई मिळावी या मागणीसाठी तक्रारदार यांनी सदरची तक्रार ग्राहक संरक्षण कायदा कलम १२ अन्‍वये या मंचात दाखल केली आहे. 

(२)       सदर प्रकरणी मंचासमोर कामकाज सुरु असतांना दि.१७-०६-२०१४ रोजी तक्रारदार यांनी नि.नं. १८ वर पुरसीस दाखल केली आहे.  त्‍यात त्‍यांनी “सदर कामी तक्रारदार व जा.देणार यांच्‍यात आपसात समझोता झाल्‍याने सदरची तक्रार काढून टाकण्‍यात यावी हि विनंती” असे नमूद केले आहे व त्‍यावर तक्रारदारांच्‍या विद्वान वकीलांची स्‍वाक्षरी आहे.

(३)       तक्रारदाराने दाखल केलेल्‍या पुरसीसचे अवलोकन करता, तक्रारदार व सामनेवाले यांच्‍यात मंचाबाहेर आपसात तडजोड झाली असून, उभयतात कोणताही वाद शिल्‍लक राहिला नसल्‍याचे स्‍पष्‍ट होते.  त्‍यामुळे तक्रारदारांच्‍या तक्रारीचे निवारण झाले असल्‍याने सदर प्रकरण निकाली काढणे योग्‍य होईल असे मंचाचे मत आहे.  सबब तक्रारदारांची पुरसीस मंजूर करण्‍यात आली असून, खालील प्रमाणे आदेश करण्‍यात येत आहे.   

आदेश

 (अ)  तक्रारदार यांची तक्रार निकाली काढण्‍यात येत आहे. 

      (ब)  तक्रार अर्जाचे खर्चाबाबत कोणताही आदेश नाही. 

धुळे.

दिनांक : १७-०६-२०१४