तक्रारदार गैरहजर.

प्रकरणात तक्रार दाखल सुनावणीकामी नेमण्‍यात आले होते. परंतू तक्रारदार गैरहजर. तक्रारदार यांना आज अंतिम संधी देण्‍यात आली होती. तक्रारदार मागिल काही तारखांपासून सतत गैरहजर तक्रारदारांनी तक्रारदार हे ग्राहक आहेत याबाबत मंचाचे समाधान करणेकामी प्रकरण नेमण्‍यात आले होते परंतू ते गैरहजर.

तक्रार व त्‍यासोबत दाखल केलेली कागदपत्रे पाहण्‍यात आली. तक्रादारांनी सामनेवाले शैक्षणिक संस्‍थेमध्‍ये अभ्‍यासक्रमाकरिता नोंदणी केली होती परंतू त्‍यानंतर तक्रारदारांनी त्‍याची नोंदणी /अॅडमशिन रद्द करण्‍याकरिता अर्ज केला. सामनेवाला यांनी तक्रारदारांना रु.2 लाख 80 हजारांमधून फक्‍त रु.10, हजार परत केले.  सबब उर्वरित फी करीता व नुकसान भरपाई करिता ही तक्रार दाखल करण्‍यात आली.

उपरोक्‍त बाबीवरु न हे स्‍पष्‍ट होते की, या तक्रारीमध्‍ये फीसच्‍या परताव्‍याकरिता वाद निर्माण झालेला आहे. आमच्‍या मते शैक्षणिक संस्‍था ही सेवा पुरवठा करणारी संस्‍था आहे.  असे समजता येणार नाही. त्‍यामुळे तक्रारदार हे सामनेवाले संस्‍थेचे ग्राहक ठरत नाहीत. त्‍यामुळे ही तक्रार या मंचात चालू शकत नाही.  याकरिता आम्‍ही मा. राष्‍ट्रीय आयोगाने रिव्हिजन पिटीशन नं. 263/2017 रबिंद्र आरती युनिव्‍हरसिटी विरुध्‍द जयंती रॉय चौधरी निकाल तारीख 07/11/2017 चा आधार चा आधार घेतला. सबब खालील आदेश

1) तक्रार क्र. 223/2017 ही डिसमिस फॉर वॉन्‍ट ऑफ प्रॉसिक्‍युशन करण्‍यात येते.  

2) खर्चाबाबत आदेश नाहीत.

3) आदेशाच्‍या प्रती उभय पक्षांना विनामुल्‍य देण्‍यात याव्‍यात.

4) तक्रारीचे अतिरिक्‍त संच तक्रारदारांना परत करण्‍यात यावेत.