Execution Application No. EA/11/2018 | ( Date of Filing : 09 Jan 2018 ) | In | Complaint Case No. CC/290/2016 |
| | 1. GORAKSHNATH SUDAMJI KOTANGALE | R/O. GANESHPUR, BHANDARA | NAGPUR | MAHARASHTRA |
| ...........Appellant(s) | |
Versus | 1. ASHIRVAD GALAXI LAND DEVELOPERS & CONTRACTORS THROUGH SECRETARY | PLOT NO. 4, UTTAM APRT., GURUDEO NAGAR, BEHIND BHARAT PETROL PUMP, NANDANVAN, NAGPUR-440009 | NAGPUR | MAHARASHTRA | 2. PRASHANT S. MASKE, SECRETARY, ASHIRVAD GALAXI LAND DEVELOPERS & CONTRACTORS THROUGH SECRETARY | PLOT NO. 4, UTTAM APARTMENT, GURUDEV NAGAR, BEHIND BHARAT PETROL PUMP, NANDANVAN, NAGPUR-440024 | NAGPUR | MAHARASHTRA |
| ...........Respondent(s) |
|
|
Final Order / Judgement | आदेश मा. सदस्या, श्रीमती चंद्रिका बैस यांच्या आदेशान्वये - - प्रस्तुत दरखास्त गैरअर्जदार यांचे विरुध्द त्याने मंचाच्या आदेशाचे पालन केले नाही म्हणून ग्राहक संरक्षण कायदा 1986 चे कलम 25 अंतर्गत दाखल करण्यात आली आहे.
- अर्जदाराने गैरअर्जदार विरुध्द ग्राहक तक्रार क्रमांक 290/2016 मंचात दाखल केली होती. त्या तक्रारीमध्ये मंचाने दिनांक 06.10.2017 ला आदेश पारित करुन विरुध्द पक्ष 1 व 2 यांनी तक्रारकर्त्याकडून रुपये 1,40,000/- भूखंडाचे विक्रीपोटी घेतलेली रक्कम द.सा.द.शे. 12 टक्के व्याजासह दि. 06.09.2014 पासून रक्कमेच्या अदायगी पावेतो परत करावे. तसेच विरुध्द पक्ष 1 व 2 यांनी तक्रारकर्त्याला शारीरिक, मानसिक त्रासाकरिता रुपये 20,000/- व तक्रारीचा खर्च म्हणून रुपये 10,000/-द्यावा असा आदेश पारित करण्यात आला होता.
- अर्जदार यांनी गैरअर्जदार प्रशांत मस्के यांच्या नांवे असलेल्या जवाहर कॉ-ऑप. हाऊसिंग सोसायटी मर्यादित, गुरुदेव नगर, नंदनवन, नागपूर येथील प्लॉट क्रं. 4 मधील IA & IB या एन.आय.टी.च्या योजने अंतर्गत खसरा क्रं. 596, सिटी सर्व्हे नं. 101, शिट क्रं. 286, कार्पोरेशन घर क्रं. 1630/A/4, वार्ड क्रं. 20, येथील यांच्या मालकीची स्थावर अचल मालमत्ते मधून जप्त करण्याकरिता व जिल्हा दंडाधिकारी, नागपूर यांच्याकडे आदेशाप्रमाणे रक्कमेची वसुली करण्याकरिता पाठविण्यात यावे.
- विरुध्द पक्ष/गैरअर्जदार यांनी मुळ तक्रारीतील आदेशाचे पालन न केल्यामुळे तक्रारकर्त्याने/अर्जदाराने दि. 20.01.2018 रोजी दरखास्त प्रकरण कलम 25 अंतर्गत दाखल केले. त्याप्रमाणे गैरअर्जदार क्रं. 1 व 2 यांना मंचामार्फत पाठविण्यात आलेली नोटीस प्राप्त होऊन ही ते मंचासमक्ष हजर न झाल्यामुळे दि. 17.07.2018 रोजी त्यांच्या विरुध्द प्रकरण एकतर्फी चालविण्याचा आदेश पारित करण्यात आला होता.
- या मंचाद्वारे दिनांक 06.10.2017 रोजी पारित झालेल्या आदेशाची अंमलबजावणी करण्याकरिता गैरअर्जदार क्रं. 1 व 2 यांच्या चल/अचल मालमत्ते मधून जमीन महसूलाच्या थकबाकी वसुली पध्दती प्रमाणे वसुली करण्याकरिता जिल्हाधिकारी यांना खालीलप्रमाणे आदेश देण्यात येते.
सबब खालीलप्रमाणे अंतिम आदेश पारित. अंतिम आदेश - अर्जदाराचा दरखास्त अर्ज मंजूर करण्यात येतो.
- जिल्हा दंडाधिकारी यांनी गैरअर्जदार क्रं. 1 व 2 यांच्या चल/अचल मालमत्ते मधून जमीन महसूलाच्या थकबाकी वसुली पध्दती प्रमाणे रक्कम रुपये 1,40,000/- व त्यावर दि.06.09.2014 पासून ते प्रत्यक्ष रक्कम अदायगी पर्यंत द.सा.द.शे.12 टक्के व्याज दराने व्याजसह रक्कम वसूल करुन अर्जदार/तक्रारकर्त्यास द्यावी. तसेच शारीरिक, मानसिक त्रासापोटी रुपये 20,000/- व तक्रारीचा खर्च रुपये 10,000/- वसूल करुन तक्रारकर्त्यास द्यावा.
अथवा जिल्हा दंडाधिकारी यांना उपरोक्त रक्कम वसुल करण्याकरिता आवश्यकता भासल्यास गैरअर्जदार क्रं. 2 प्रशांत मस्के यांच्या नांवे असलेली जवाहर कॉ-ऑप. हाऊसिंग सोसायटी मर्यादित, गुरुदेव नगर, नंदनवन, नागपूर येथील प्लॉट क्रं. 4 मधील IA & IB या एन.आय.टी.च्या योजने अंतर्गत असलेला खसरा क्रं. 596, सिटी सर्व्हे नं. 101, शिट क्रं. 286, कार्पोरेशन घर क्रं. 1630/A/4, वार्ड क्रं. 20, येथील संपत्ती मधून उपरोक्त आदेशित रक्कम वसूल करुन अर्जदार/तक्रारकर्त्यास द्यावी अथवा या मंचाच्या कार्यालयात जमा करावी. - जिल्हा दंडाधिकारी नागपूर यांनी सदरच्या आदेशाप्रमाणे वसुली संबंधी योग्य ती कार्यवाही करुन त्याचा अहवाल जिल्हा ग्राहक मंच, नागपूर यांच्याकडे पाठवावा.
- प्रबंधक, जिल्हा ग्राहक मंच, नागपूर यांना आदेशित करण्यात येते की, त्यांनी मंचाचे आदेशाप्रमाणे रक्कम वसुलीकरिता जिल्हा दंडाधिकारी, नागपूर यांच्याकडे विहित नमुन्यातील वसुलीचे प्रमाणपत्र पाठवावे.
- उभय पक्षांना आदेशाची प्रथम प्रत निःशुल्क द्यावी.
| |