तक्रारकर्त्‍यातर्फे वकील           :-  ॲड. आर. आर. खांदेल

::: आ दे श प त्र  :::

मा. अध्‍यक्षा, सौ. एस.एम. उंटवाले यांनी निकाल कथन केला :-

           आज दिनांक 03-09-2015 रोजी सदर प्रकरण प्राथमिक युक्‍तीवादाकरिता होते तसेच आज ईतरही काही प्रकरणे प्राथमिक युक्‍तीवादाकरिता होते.  या प्रकरणात तक्रारकर्ता ग्राहक या संज्ञेत बसतो कां ?  यावर तक्रारकर्त्‍याच्‍या विधीज्ञाकडून केस लॉ व आपसात त्‍यावर चर्चा करुन Issue Notice चे आदेश पारित करावयाचे होते. परंतु, ईतर प्रकरणांबरोबर याही प्रकरणात “ विरुध्‍दपक्ष/आरोपी क्रमांक......यांना नोटीस/समन्‍स काढा ” हा शिक्‍का मारल्‍या गेला व या सर्व प्रकरणातील सहयांबरोबर, अनावधानाने या ही प्रकरणावर सहया केल्‍या गेल्‍या.  परंतु, त्‍यानंतर तक्रारकर्ते यांचे विधीज्ञ मंचात येऊन त्‍यांनी प्रकरणात न्‍यायनिवाडे दाखल केले ते सर्व न्‍यायनिवाडे व प्रकरणातील हकीकत काळजीपूर्वक तपासल्‍यानंतर मंच या निष्‍कर्षाप्रत आले की, सदर प्रकरणातील तक्रारकर्ते हे ग्राहक या संज्ञेत बसत नसल्‍यामुळे त्‍यांचे हे प्रकरण मंचात दाखल करुन घेणे योग्‍य होणार नाही.  म्‍हणून आधीच्‍या विरुध्‍दपक्षास नोटीस काढा या शिक्‍क्‍यावर Cancellation म्‍हणून सहया केल्‍या व आदेश पारित केला तो येणेप्रमाणे.    

अं ति म   आ दे श

      तक्रारकर्ते  यांना सदर तक्रार सक्षम न्‍यायालयापुढे दाखल करण्‍याची मुभा देवून ही तक्रार नस्‍तीबध्‍द् करण्‍यात येते.