::नि.क्रं-1 वरील आदेश::

                                                                         (पारीत दिनांक–09 जुलै, 2018)   

01.  तक्रारकर्त्‍याने सदरचे प्रकरण ग्राहक संरक्षण कायदा-1986 चे कलम-12 खाली दाखल केले असून तक्रारकर्त्‍याचे दाखल सुनावणीचे बद्दलचे म्‍हणणे ऐकून घेण्‍यात आले.

02.   तक्रार अर्ज तसेच अभिलेखावरील कागदपत्रांचे अवलोकन केले असता असे दिसून येते की, तक्रारकर्ता हा वकीलीचा व्‍यवसाय  करतो, त्‍यानुसार  तक्रारकर्त्‍यास प्रकरण क्रं-F.W.C.A. No.-3/17 हया कामगार न्‍यायालय, भंडारा येथील प्रकरणा मध्‍ये वकील म्‍हणून सदर प्रकरणातील अर्जदाराने त्‍याची बाजू कामगार न्‍यायालयासमोर मांडण्‍या करीता नियुक्‍त केले होते.

03.  हातातील प्रकरणा मध्‍ये तक्रारकर्त्‍याने विरुध्‍दपक्ष क्रं -1 व क्रं-2 व्‍दारे वृत्‍तपत्रातून नोटीसची जाहिरात प्रकाशित न केल्‍यामुळे तक्रारकर्त्‍याचे आर्थिक नुकसान झाले असे नमुद केले आहे आणि त्‍या बाबत नुकसान भरपाईची मागणी केलेली आहे.

04.  परंतु प्रत्‍यक्षदर्शी असे दिसून येते की, तक्रारकर्त्‍याने सदरचा  नोटीस  जाहिरातीचा आदेश त्‍याचे अशिला करीता वकील म्‍हणून  स्‍वतःच्‍या व्‍यवसायाच्‍या प्रयोजनार्थ घेतला होता त्‍यामुळे तक्रारकर्ता हा  ग्राहक संरक्षण कायद्दातील कलम- 2 (d) (i) अंतर्गत “ग्राहक” या सज्ञेत मोडत नाही म्‍हणून सदरची तक्रार ही दाखल मुद्दावर खारीज करण्‍यात येते.