ग्राहक तक्रार क्र. 78/2012
अर्ज दाखल तारीख : 06/06/2012
अर्ज निकाल तारीख: 06/09/2014
कालावधी: 02 वर्षे 03 महिने 01 दिवस
जिल्‍हा ग्राहक तक्रार निवारण मंच, उस्‍मानाबाद
1) राजाराम सखाराम कुलकर्णी,
वय-69 वर्षे, धंदा – शेती,
रा.ईटकूर, ता. कळंब, जि.उस्‍मानाबाद. ....तक्रारदार
वि रु ध्‍द
1) मा. अधिक्षक अभियंता,
महाराष्‍ट्र राज्‍य विद्युत मंडळ, उस्‍मानाबाद.
2) कनिष्‍ठ अभियंता,
महाराष्‍ट्र राज्‍य विद्युत मंडळ, उपकेंद्र,
रा. इटकूर ता. कळंब, जि. उस्‍मानाबाद. ..विरुध्‍द पक्षकार
कोरम : 1) मा.श्री.एम.व्‍ही.कुलकर्णी, अध्यक्ष.
२) मा.श्री.एम.बी.सस्‍ते, सदस्‍य.
तक्रारदारातर्फे विधीज्ञ : स्‍वत:
विरुध्‍द पक्षकारातर्फे विधीज्ञ : श्री. व्‍ही.बी.देशमुख.
निकालपत्र
मा. अध्यक्ष, श्री.एम.व्‍ही.कुलकर्णी,यांचे व्‍दारा :
1) तक्रारदाराच्‍या तक्रारी अर्जाचे थोडक्‍यात कथन पुढीलप्रमाणे :
तक्रारदार रा. ईटकूर ता. कळंब जि. उस्‍मानाबाद येथील रहीवाशी असून, गंभिरवाडी शिवारात गट नंबर 105 क्षेत्र 12 हे. 76 आर चे कब्‍जेदार आहेत. विद्युत ग्राहक नं.381 असून सध्‍या कार्यान्‍वीत आहे. तक्रारदाराच्‍या विद्युत पंपास पुरवठा करणारी डि.पी. दि.29/11/2011 रोजी जळाली ती दि.05/12/2011 रोजी नवीन बसविण्‍यात आली. परंतु दि.31/12/2011 रोजी पर्यंत कायान्‍वीत केली नाही. त्‍यात 16 दिवसाचा कालावधी गेला अशा प्रकारे दि.29/11/2011 ते 31/12/2011 रोजीपर्यंत एकुण 34 दिवस तक्रारदाराच्‍या पंपास विद्यत पुरवठा नसल्‍यामुळे गट नंबर 105 मधील ऊस क्षेत्र 2 एकर, गहू क्षेत्र 3 एकर, हरभरा क्षेत्र 2 एकर या पिकास पाणी देता आले नाही. त्‍यामुळे सदर पिके वाळुन गेले. ज्‍यामुळे उत्‍पन्‍नाच्‍या क्षमतेच्‍या 40 टक्‍के नुकसान झाले. सरासरी व बाजार भावाने रु.30,000/- रुपयांचे नुकसान झाले आहे. म्‍हणून विरुध्‍द पक्षकाराने सेवा पुरविण्‍यात त्रुटी केली असल्‍याने झालेले नुकसानीपोटी रु.30,000/- तसेच झालेल्‍या आर्थिक व मानसिक त्रासापोटी रक्‍कम रु.3,000/- विरुध्‍द पक्षकार कडून देण्‍याचा आदेश द्यावा. अशी विनंती केली आहे.
तक्रारदाराने तक्रारीसोबत विद्युत मंडळाचे बील, गट क्र.105 चा 7/12, दि.31/12/11, 03/01/2012, 13/02/2012 रोजीच्‍या च्‍या अर्जाची प्रत मंचाच्‍या अभिलेखावर दाखल केली आहे.
2) सदर प्रकरणात मंचामार्फत विरुध्‍द पक्षकार यांना नोटीस मिळाल्यानंतर त्‍यांनी दि.12/03/2013 रोजी आपले म्‍हणणे दाखल केलेले असून ते पुढीलप्रमाणे....
तक्रारदाराच्‍या तक्रारीचे अवलोकन केले असता व तक्रारदाराच्‍या शेताचा 7/12 पाहीला असता पिकाच्‍या क्षेत्राची तफावत दिसून येते व म्‍हणून पिकाचे झालेले नुकसान मान्‍य नसून तक्रारदाराची तक्रार खोटी व खोडसाळपणावर आधारीत असुन खारीज होणे योग्‍य आहे. सदर डि.पी. वरुन इतर ग्राहकांनाही विद्युत पुरवठा दिलेला आहे परंतु त्‍यांनी त्‍याबाबत विरुध्‍द पक्षकार यांच्‍याकडे कोणत्‍याही प्रकारची तक्रार केलेली नाही. अर्जदार यांनी दर्शविलेली पिके गहू, हरभरा ही कोरडवाहू पिके असून उसास अल्‍प कालावधीत पाणी न मिळाल्‍यामुळे उत्‍पन्‍नास कोणत्‍याही प्रकारचा फरक पडत नाही. तक्रारदार ऑक्‍टोबर 11 पर्यंत रु.35880.46 एवढी थकबाकी होती. सदरची डि.पी. ही सलग बंद नसून ती अल्‍प काळ बंद होती व त्‍यामुळे तक्रारदाराचे कोणत्‍याही प्रकारचे नुकसान झालेले नाही. म्‍हणून सदरची तक्रार खर्चासह नामंजूर करण्‍यात यावी असे नमूद केले आहे.
5) तक्रारदाराची तक्रार, त्‍यांनी दाखल केलेली कागदपत्रे, गैरतक्रारदार यांचे म्‍हणणे, त्‍यांनी दाखल केलेली कागदपत्रे, उभयतांचा लेखी युक्तीवाद इत्‍यादींचा विचार करता आम्‍ही निष्‍कर्षासाठी खालील मुद्ये उपस्थित करीत आहोत. त्‍यांचे निष्‍कर्ष खाली दिलेल्या कारणांसाठी देतो.
मुद्ये निष्‍कर्ष
1) विरुध्‍द पक्षकार यांनी सेवेत त्रुटी केली आहे काय ? होय.
2) तक्रारदार नुकसान भरपाई मिळण्‍यास पात्र आहे काय ? होय.
3) काय आदेश ? शेवटी दिल्‍याप्रमाणे.
निष्‍कर्षाचे विवेचन
4) मुद्या क्र.1 व 2 चे उत्‍तर:
तक्रारदार याने त्‍याला विदयुत पुरवठा होणारा डी.पी. 34 दिवस बंद असल्‍याने त्रुटीयुक्‍त सेवा पुरवल्‍याने व झालेल्‍या अनुषंगीक (थेट) नुकसानीची तक्रार दाखल केली आहे. विपने युक्तिवादात 25 दिवस डी.पी. बंद असल्‍याचे मान्‍य केले आहे. तथापि तक्रादार शेतक-या व्‍यतिरिक्‍त इतर कोणचीही तक्रार नाही असे निवेदन केले आहे. तथापि दि.31/12/2011 रोजी तक्रारदाराने विप क्र.2 कडे सदर डी.पी. बाबत वितृत तक्रार देवून विलंबाबाबत स्‍पष्‍टीकरण मागवले व सदर डी.पी. दोनदा खराब होवून शेतक-याच्‍या खर्चाने उस्‍मानाबादला पाठवण्‍यात आला. व डी. पी. आल्‍यावरही आदल्‍या दिवशी तो install करण्‍यात आला नाही या पत्रावरदेखील विप क्र.2 ने काहीही उत्‍तर दिले नाही अथवा साजेशी कृती केली नाही. नंतर दि.03/01/2012 रोजी विप क्र.1 ला अर्ज दिला त्‍यावरही वरीष्‍ठ अधिकारी म्हणुन काहीही कार्यवाही केली नाही. अंतीम दि.13/02/2012 च्‍या अर्जावरही काही कार्यवाही झाली नाही अथवा आक्षेपांना उत्‍तर दिले नाही. यावरुन विप क्र.1 व 2 चे वर्तन हे ग्राहकांना दिलेली योग्‍य सेवा या स्वरुपात बसत नाही व स्‍वत: ला paid service provider मानतच नाहीत असे दिसते.
तक्रारदाराच्‍या नुकसानीचे मुल्‍यांकन न करता विपचा युक्तिवाद विचारात घेता येईल तथापि नोव्‍हेंबर डिसेंबर मध्‍ये पावसाळा असल्‍याने विपचे नुकसान पाण्‍या अभावी होणार नाही हा विपचा बचाव हास्‍यास्‍पद आहे. गहु व हरभरा ही अल्‍पकालीन पिके आहेत त्‍यामुळे त्‍यांचे नुकसान होणे साहजीक आहे. ऊसाच्‍या बाबतीत पुर्णत: नुकसान झाले नाही तरी 1 महीना पाणी न दिल्‍याने उत्‍पन्‍नात घट होणे अपेक्षीतच आहे. इतर शेतकरी थकबाकीत आहेत म्हणुन त्‍यांना नुकसान भरपाई मागता येणार नाही असे कसे म्‍हणता येईल.
तथापि प्रस्‍तुत शेक-याने त्‍याच्‍या उत्‍पन्‍नाचे / नुकसानीचे कोणतेही पुरावे रेकॉर्डवर दाखल केले नाही. तथापि तक्रारदाराने विपने त्रुटीयुक्‍त सेवा दिलेली असल्‍याचे सिध्‍द केले आहे. म्हणुन आम्‍ही खालीलप्रमाणे आदेश करतो.
आदेश
1) तक्रारदाराची तक्रार खालीलप्रमाणे मंजूर करण्‍यात येते.
2) विरुध्‍द पक्षकार क्र.1 व 2 यांनी तक्रादारदार यांना दिलेल्या सेवेतील त्रुटीबाबत punitive damage अथवा दंड म्हणुन रु.20,000/- ( रुपये वीस हजार फक्‍त द्यावी.
3) सदर आदेशाची पुर्तता विप यांनी करुन तसा अहवाल मा. मंचासमोर 45 दिवसात सादर करावा.
4) उभय पक्षकारांना आदेशाच्‍या प्रमाणित प्रती निशु:ल्‍क देण्‍यात याव्‍यात.
(श्री.मुकूंद.बी.सस्‍ते) (श्री.एम.व्‍ही.कुलकर्णी)
सदस्‍य अध्यक्ष
जिल्‍हा ग्राहक तक्रार निवारण मंच, उस्‍मानाबाद.
