Tamil Nadu

Ariyalur

CC/07/2018

K.Natarajan, - Complainant(s)

Versus

1)General Manager BSNL 2)Assistant Engineer BSNL, - Opp.Party(s)

S.Senthil Kumar,

14 Mar 2023

ORDER

                      புகார்  கோப்புக்கு எடுக்கப்பட்ட நாள்: 31-01-2018

                     உத்தரவு  பிறப்பித்த  நாள்   : 14-03-2023  

 

மாவட்ட  நுகர்வோர்  குறைதீர்  ஆணையம், அரியலூர்.

முன்னிலை  : திரு   டாக்டர் வீ.ராமராஜ்,.எம்.எல்.,பி.எச்.டி.  தலைவர்.

திரு  என்.பாலு.பி..ஏ.பி.எல்.,      உறுப்பினர்.  I 

திருமதி. வி.லாவண்யா.,பி.ஏ.,பி.எல்., உறுப்பினர் –II

 

நுகர்வோர் புகார்  எண்:  07/2018.

 

            அரியலூர் மாவட்டம், அரியலூர் வட்டம், எருதுக்காரன்பட்டி, அண்ணா நகர், இலக்கம் 2/167-ல் வசிக்கும் கந்தசாமி மகன் நடராஜன்

                                                                                                -முறையீட்டாளர்

1.         திருச்சி மாவட்டம், திருச்சி நகர், கண்டோன்மென்ட் சாலை, பிஎஸ்என்எல் நிறுவனத்தின் முதன்மை பொது மேலாளர்,

 

2.         அரியலூர் மாவட்டம், அரியலூர் நகரில் உள்ள பிஎஸ்என்எல் நிறுவனத்தின் கோட்ட பொறியாளர்                                    - எதிர் தரப்பினர்கள்

 

01        இந்த  புகாரில் முறையீட்டாளருக்கு திரு எஸ் செந்தில்குமார் வழக்கறிஞர் முன்னிலையாகியும் எதிர்தரப்பினர்களுக்கு திருமதி எஸ் மேகராஜ் வழக்கறிஞர் முன்னிலையாகியும் இருந்த நிலையில் இந்த ஆணையத்தின்  முன்பாக      13-03-2023 அன்று இறுதியாக  விசாரணை  ஏற்பட்டு இது நாள்  வரையில்   இந்த ஆணையத்தின்    பரிசீலனையில்  இருந்து வந்து, அமலில் உள்ள சட்டத்தின் அடிப்படையிலும் முறையீட்டாளரின் புகார், எதிர்தரப்பினர்களின் பதில் உரை,    முறையீட்டாளரின் நிரூபண  வாக்குமூலம் அவரது சான்று ஆவணங்கள்-8 எதிர் தரப்பினரின் நிரூபண  வாக்குமூலம் அவரது சான்று ஆவணங்கள்-7ஆகியவற்றிலுள்ள சங்கதிகளின் அடிப்படையிலும்  இன்று  இவ்வாணையம்   வழங்கும் 

உறுப்பினர்களின் ஒப்புதலோடு ஆணைய தலைவரால் பிறப்பிக்கப்பட்ட ஆணையுரை

02 நுகர்வோர்பாதுகாப்புசட்டம் 1986, பிரிவு 12-ன்படிமுறையீட்டாளர் எதிர்தரப்பினர்கள் மீது புகார் தாக்கல் செய்து, எதிர் தரப்பினர்கள் தமக்கு வழங்கிய தொலைபேசி இணைப்பு செயல்படாத காலத்தில்  தம்மிடம் வசூல் செய்யப்பட்ட கட்டணம் ரூ 1,536/- ஐ எதிர்தரப்பினர்கள் தமக்கு திருப்பி அளிக்க வேண்டும் என்றும் தமக்கு ஏற்பட்ட மன உளைச்சல் மற்றும் அலைச்சலுக்கு ரூ 4,00,000/- எதிர் தரப்பினர்கள் தமக்கு இழப்பீடாக வழங்க வேண்டும் என்றும் இந்த வழக்கின் செலவு தொகையாக ரூ 10,000/-தமக்கு எதிர்தரப்பினர்கள் வழங்க வேண்டும் என்றும் இன்னும் இந்த ஆணையம் தக்கது என கருதும் பரிகாரங்களை வழங்க வேண்டும் என்றும் முறையீட்டாளர் இந்த ஆணையத்தை அணுகியுள்ளார்.

 

முறையீட்டாளர் தாக்கல் செய்துள்ள புகாரின் சுருக்கம் பின்வருமாறு:

 

03.       தாம் எதிர் தரப்பினர்கள் நிறுவனத்தில் தரைவழி தொலைபேசி இணைப்பு   உரிய கட்டணம் செலுத்தி பெற்று மாத வாடகை தவறாது செலுத்தி வந்துள்ளேன் என்றும் கடந்த 2016 ஆம் ஆண்டு டிசம்பர் மாதம் முதல் தமக்கு வழங்கப்பட்ட தொலைபேசி இணைப்பு முறையாக இயங்கவில்லை என்றும் இரண்டாம் எதிர் தரப்பினர் அலுவலகத்தில் புகார் புத்தகத்தில் புகாரை பதிவு செய்தும் எவ்வித நடவடிக்கையும் எடுக்கப்படவில்லை என்றும் கடந்த 2017 ஆம் ஆண்டு பிப்ரவரி மாதம் முதல் மேற்படி தமக்கு வழங்கப்பட்ட தொலைபேசி இணைப்பு முழுமையாக துண்டிக்கப்பட்டு விட்டது என்றும் இது குறித்தும் இரண்டாம் எதிர் தரப்பினர் அலுவலக புகார் புத்தகத்தில் பதிவு செய்ததும் எவ்வித நடவடிக்கையும் எடுக்கப்படவில்லை என்றும் இவ்வாறு  ஒரு வருடமாக தொலைபேசி தமக்கு இயங்காத சூழ்நிலையில் ரூ 1,536/-கட்டணம் தம்மிடம் வசூலிக்கப்பட்டுள்ளது என்றும் இதுகுறித்து 15-01-2017 ஆம் தேதியில் வழக்கறிஞர் அறிவிப்பு அனுப்பியும் எவ்வித பயனும் ஏற்படவில்லை என்றும் மாறாக 27-11-2017 ஆம் தேதியில் உண்மைக்கு புறம்பான பதில் அறிவிப்பு ஒன்றை எதிர் தரப்பினர்கள் தமக்கு அனுப்பினார்கள் என்றும் எதிர் தரப்பினர்கள் இத்தகைய செய்ய சேவை குறைபாடு என்றும் இதனால் தமக்கு மிகுந்த இழப்பும் சிரமமும் ஏற்பட்டுள்ளது என்றும் இன்னும் பல சங்கதிகளை முறையீட்டாளர் தனது புகாரில் தெரிவித்துள்ளார்.

 

04.       எனவே, , எதிர் தரப்பினர்கள் தமக்கு வழங்கிய தொலைபேசி இணைப்பு செயல்படாத காலத்தில்  தம்மிடம் வசூல் செய்யப்பட்ட கட்டணம் ரூ 1,536/- ஐ எதிர்தரப்பினர்கள் தமக்கு திருப்பி அளிக்க வேண்டும் என்றும் தமக்கு ஏற்பட்ட மன உளைச்சல் மற்றும் அலைச்சலுக்கு ரூ 4,00,000/- எதிர் தரப்பினர்கள் தமக்கு இழப்பீடாக வழங்க வேண்டும் என்றும் இந்த வழக்கின் செலவு தொகையாக ரூ 10,000/-தமக்கு எதிர்தரப்பினர்கள் வழங்க வேண்டும் என்றும் இன்னும் இந்த ஆணையம் தக்கது என கருதும் பரிகாரங்களை வழங்க வேண்டும் என்றும் தமது புகாரில் முறையீட்டாளர் தெரிவித்துள்ளார்.

 

எதிர் தரப்பினர்கள் தாக்கல் செய்துள்ள பதில் உரையின் சுருக்கம் பின்வருமாறு:

 

05.       இரண்டாம் எதிர்தரப்பினர் தங்களது பதில் உரையை தாக்கல் செய்து அதனை முதலாம்   எதிர் தரப்பினரும் ஏற்றுக் கொண்டுள்ளார்கள். முறையீட்டாளர் தாக்கல் செய்துள்ள புகாரில் சொல்லப்பட்டுள்ள குற்றச்சாட்டுகள் தவறானவை என்றும் இங்கு வெளிப்படையாக தங்களால் ஒப்புக்கொள்ளப்படும் சங்கதிகளை தவிர மற்றவற்றை முறையீட்டாளர் நிரூபிக்க கடமைப்பட்டவர் என்றும் எதிர் தரப்பினர்கள் தமது உரையில் தெரிவித்துள்ளார்கள்.

 

06.       முறையீட்டாளர் புகாரில் கூறியுள்ளபடி கடந்த டிசம்பர் 2016 -ல் தொலைபேசி இணைப்பு இயங்கவில்லை என்று புகார் அளித்தது உண்மை அல்ல என்றும் இதைப் போலவே கடந்த 2017 பிப்ரவரி மாதத்தில் அவரது தொலைபேசி இணைப்பு துண்டிக்கப்பட்டது என்பது உண்மை அல்ல என்றும் கடந்த 2017 ஜூலை மாதம் வரை தொலைபேசி இயங்கி வந்த காரணத்தினால்  தொலைபேசி கட்டண ரசீது அவருக்கு அனுப்பப்பட்டு அந்த மாதம் வரை அவர் எந்தவித ஆட்சேபனையும் இல்லாமல் தொலைபேசி கட்டணத்தை செலுத்தி வந்துள்ளார் என்றும் அவரது வீட்டிற்கு தங்களது தொலைபேசி இணைப்பு வயர் செல்லும் இடம் வரை முழுமையாக பரிசோதிக்கப்பட்டு அந்த வயர் சரியாக உள்ளது என்று முடிவு செய்யப்பட்டது என்றும் வீட்டுக்கு உள்ளே சென்று பரிசோதிக்க முறையீட்டாளர் தங்களை அனுமதிக்கவில்லை என்றும் கடந்த 2014 ஆம் ஆண்டு முதல் கணினி வழியில் புகார் செய்யும் முறை அமல்படுத்தப்பட்ட பின்னர் புகார் பதிவு புத்தகத்தில் பதிவு செய்தேன் என்று முறையீட்டாளர் கூறுவது வியப்பாக உள்ளது என்றும்   ஒருபோதும் குறைபாடுகளை சரி செய்ய காலதாமதம் செய்தது இல்லை என்றும் எவ்வாறு இருப்பினும் 05-01-2017 ஆம் தேதி முதல் 05-09-2017 ஆம் தேதி வரை முறையீட்டாளர் செலுத்திய தொலைபேசி கட்டணத்தை திரும்ப வழங்க நல்ல எண்ண அடிப்படையில் தயாராக இருப்பதாகவும் அவர் தொலைபேசி கட்டணம் செலுத்தாத காரணத்தால் அவரது அவருக்கு வரக்கூடிய அழைப்புகள் கடந்த 22-11-2017 ஆம் தேதி முதல் தடை செய்யப்பட்டது என்றும் பின்னர் 13-10-2017 ஆம் தேதி முதல் அவர் அழைப்புகள் செய்வதற்கு தடை செய்யப்பட்டது என்றும் முறையீட்டாளருக்கு வாடகை கட்டணத்தில் இருந்து ரூ2,377/- தள்ளுபடி செய்யப்பட்டுள்ளது என்றும் இந்த விவரங்கள் அனைத்தும் விரிவாக தங்களது பதில் அறிவிப்பில் அவருக்கு தெரிவிக்கப்பட்டுள்ளது என்றும் தங்கள் தரப்பு சங்கதிகளுக்கு ஆதாரமாக 7 ஆவணங்கள் இத்துடன் தாக்கல் செய்யப்பட்டுள்ளது என்றும் இன்னும் பிற சங்கதிகளையும்   எதிர் தரப்பினர்கள்     தங்கள் பதில் உரையில் தெரிவித்து புகாரை தள்ளுபடி செய்ய வேண்டும் என்று கேட்டுக் கொண்டுள்ளார்கள்.

 

07.  தீர்மானிக்க வேண்டிய எழு வினாகள்:

 

1.         முறையீட்டாளர்  கூறுவது  போல்  எதிர் தரப்பினர்கள்     சேவை   குறைபாடு   புரிந்து உள்ளாரா?

 

2.         எதிர் தரப்பினர்கள் சேவை குறைபாடு புரிந்துள்ளார் எனில் முறையீட்டாளர் கேட்கும் பரிகாரம் வழங்கப்பட வேண்டுமா? முறையீட்டாளருக்கு இழப்பீடு வழங்கப்பட வேண்டுமா?  ஆம் எனில் எவ்வளவு தொகை வழங்கப்பட வேண்டும்?

 

3.         இம் முறையீட்டாளர்  பெற தக்க இதர பரிகாரங்கள்  என்ன?

 

எழு வினா எண் – 1

 

9.         முறையீட்டாளர் புகாரில் கூறியுள்ளபடி கடந்த 2016 டிசம்பர் மாதம் முதல் தமது தொலைபேசி இணைப்பு முறையாக இயங்கவில்லை என்று இரண்டாம் எதிர் தரப்பினர் அலுவலகத்தில் புகார் புத்தகத்தில் எழுதி வைத்தேன் என்பதற்கும் 2017 ஆம் ஆண்டு பிப்ரவரி மாதம் முதல் தமது தொலைபேசி இணைப்பு முழுமையாக துண்டிக்கப்பட்டு விட்டது  குறித்தும் இரண்டாம் எதிர் தரப்பினர் அலுவலகத்தில் புகார் புத்தகத்தில் எழுதி வைத்தேன் என்பதற்கும் எவ்வித ஆதாரங்களும் கிடையாது. மேலும் கடந்த 2014 ஆம் ஆண்டு முதல் கணினி வழியில் புகார் செய்யும் முறை அமல்படுத்தப்பட்ட பின்னர் புகார் பதிவு புத்தகத்தில் பதிவு செய்தேன் என்று முறையீட்டாளர் கூறுவது நம்பும்படியாக இல்லை என்று இந்த ஆணையம் தீர்மானிக்கிறது.

 

10.       எவ்வாறு இருப்பினும் முறையீட்டாளரின் எழுத்து மூலமாக புகார் மற்றும் வழக்கறிஞர் அறிவிப்பை   பரிசீலித்து   எதிர் தரப்பினர்கள் நல்லெண்ண அடிப்படையில் தொலைபேசி வாடகை கட்டணத்தில் ரூ. 2,043.92/- தள்ளுபடி செய்துள்ளார்கள் என்பதை எதிர் தரப்பினர்கள் தாக்கல் செய்துள்ள சான்றாவனம் நான்கின் மூலம் அறிய முடிகிறது. முறையீட்டாளர் தாம் செலுத்திய வாடகை கட்டணத்தை திரும்ப வழங்க வேண்டும் என்ற கோரிக்கையையும் எதிர் தரப்பினர்கள் ஏற்று 28-04-2019 ஆம் தேதியில்   ரூ 2,874/- க்கு முறையீட்டாளருக்கு காசோலை அனுப்பி வைத்துள்ளார்கள் என்பதையும் எதிர் தரப்பினர்கள் சான்றாவணம் ஐந்தின் மூலம் அறிய முடிகிறது.

 

11.       எதிர் தரப்பினர்களின் பதிலுரை ஏற்புடையதாக உள்ளது என்றும் அவர்களது வாதத்தை அவர்களது சான்றாணங்கள் உறுதிப்படுத்துவதாக அமைந்துள்ளது என்றும் முறையீட்டாளர் தரப்பில் கூறப்படும் குற்றச்சாட்டை நிரூபிக்க போதிய சாட்சியங்கள் மற்றும் சான்றாவனங்கள் இல்லை என்றும் இந்நிலையில் எதிர் தரப்பினர்கள் சேவை குறைபாடு புரிந்துள்ளார்கள் என முடிவு செய்ய இயலாது என்றும் இந்த ஆணையம் தீர்மானிக்கிறது

 

எழு வினா எண் – 2 & 3

 

12.       முதலாம் மற்றும் இரண்டாம் எழு  வினாக்களை தீர்மானிக்கும் போது முறையீட்டாளருக்கு எதிராக முடிவு மேற்கொள்ளப்பட்டதால் அதன் அடிப்படையிலேயே தீர்வு காணப்பட்டு எவ்வித இழப்பீடும் வழங்க வேண்டியதில்லை என்றும் இந்த ஆணையம் தக்கது என கருதும் இதர பரிகாரங்கள் எதுவும் இல்லை என்றும்    வழக்கின் செலவு தொகையை அவரவர்களே ஏற்றுக்கொள்ள வேண்டும் என்றும் இந்த ஆணையம் தீர்மானிக்கிறது.

 

இறுதியாக கீழ்க்கண்ட ஆணைகளை இந்த ஆணையம் பிறப்பிக்கிறது.

 

01.       முறையீட்டாளரின் புகார் தள்ளுபடி செய்யப்படுகிறது.

 

02.       புகாரில் உள்ள தரப்பினர்கள் அவரவர் வழக்கு செலவு தொகைகளை அவரவர்களே ஏற்றுக்கொள்ள வேண்டும்.

 

03.       வேறு எந்த பரிகாரங்களும் இல்லை

 

           

 

 

            இவ்வாணை    சுருக்கெழுத்தாளருக்கு  சொல்ல அவரால்  கணினியில்  தட்டச்சு   செய்து திருத்தப்பட்டு  இந்த  ஆணையத்தில்  இன்று  14-03-2023   ஆம்  நாளன்று பகரப்பட்டது.

                                                                                                தலைவர்.

           

                                                                                                உறுப்பினர் – I

 

                                                                                                உறுப்பினர்-II.

முறையீட்டாளர்  தரப்பு சான்றாவணங்கள்:

S.No	Date	Description	Note
ம.சா.ஆ.1	18-01-2017	Receipt	ஜெராக்ஸ்
ம.சா.ஆ.2	20-03-2017	Rceipt and notice	ஜெராக்ஸ்
ம.சா.ஆ.3	06-02-2017	Receipt and notice	ஜெராக்ஸ்
ம.சா.ஆ.4	24-05-2017	Receipt and notice	ஜெராக்ஸ்
ம.சா.ஆ.5	-	Notice	ஜெராக்ஸ்
ம.சா.ஆ.6	06-06-2017	Complaint and receipt	ஜெராக்ஸ்
ம.சா.ஆ.7	15-11-2017	Legal notice and acknowledgment	ஜெராக்ஸ்
ம.சா.ஆ.8	27-11-2017	Reply notice	ஜெராக்ஸ்

 

எதிர்தரப்பினர்கள் தரப்பு சான்றாவணங்கள்:

S.No	Date	Description	Note
எம.சா.ஆ.1	24-05-2017	Manual complaint	ஜெராக்ஸ்
எம.சா.ஆ.2	02-09-2014 25-05-2017	CDR records	ஜெராக்ஸ்
எம.சா.ஆ.3	-	Account statement	ஜெராக்ஸ்
எம.சா.ஆ.4	20-03-2018	Letter	ஜெராக்ஸ்
எம.சா.ஆ.5	24-04-2019	Payment advice	ஜெராக்ஸ்
எம.சா.ஆ.6	21-05-2019	acknowledgment	ஜெராக்ஸ்
எம.சா.ஆ.7	05-12-2017	Letter	ஜெராக்ஸ்

 

முறையீட்டாளர்   தரப்பு  சாட்சி:  திரு நடராஜன்

எதிர்தரப்பினர்கள் சாட்சி:  திருமதி உமாதேவி

 

                                                                                                தலைவர்.

 

                                                                                                உறுப்பினர் – I

 

                                                                                                உறுப்பினர்-II.