निशाणी 1 वर आदेश 

दिनांक 22/11/2022

तक्रार व दाखल कागदपत्रांचे अवलोकन करण्‍यात आले. तसेच त्‍यांचा युक्‍तीवाद ऐकण्‍यात आला.

सदर तक्रारीत तक्रारदार हे 30/04/2003 रोजी निवृत्‍त झाले. तक्रारीतील वाद विचारात घेता दिनांक 30/04/2003 पासून दोन वर्षाच्‍या आत तक्रार दाखल करणे आवश्‍यक होते. त्‍यानंतर तक्रारदाराने सामनेवाले यांना दिनांक 6/7/2022 रोजी नोटीस पाठवून तक्रार मुदतीत आणण्‍याचा प्रयत्‍न केलेला दिसतो. वास्‍तविक नोटीस दिल्‍यापासून तक्रारीस कारण घडत नाही अशी कायद्याची स्थिती आहे. सबब सदरची तक्रार मुदतीत दाखल न केल्‍याने त्‍यास मुदतीची बाधा (Barred by limitation) असल्‍याचे स्‍पष्‍ट होते.

सदरच्‍या तक्रारीतील वादविषय विचारात घेता ग्रा.सं.का. 2019 च्या तरतुदी व परीक्षेपात देखील येत नाही. कारण सेवा, शर्ती व अटी तसेच निवृत्‍तीचे फायदे हे ग्रा.सं. कायद्याच्‍या परीक्षेपात येत नाही.

सबब वर नमूद सर्व कारणास्‍तव सदरची तक्रार खारीज करण्‍यात येते.