// निशाणी 1 वरील आदेश //

    प्रस्‍तूतचे प्रकरण सन 2005 मध्‍ये दाखल झालेले आहे. सदरचा तक्रार अर्ज तक्रारदारांनी पुणे जिल्‍हा ग्राहक तक्रार निवारण न्‍यायमंच येथे दाखल केला होता तेव्‍हा त्‍यास पीडीएफ/ 259/2005 असा नोंदणीकृत क्रमांक देण्‍यात आला होता. मा.राज्‍य आयोग, मुंबई  यांचे आदेशान्‍वये सदरचे प्रकरण अतिरिक्‍त पुणे जिल्‍हा ग्राहक तक्रार निवारण न्‍यायमंच येथे वर्ग केल्‍यानंतर सदरचा तक्रार अर्ज एपीडीएफ/ 166/2008  असा नोंदविण्‍यात आला आहे.

            प्रस्‍तुत प्रकरणातील तक्रारदारांना सदरहू प्रकरण चालविण्‍यामध्‍ये स्‍वारस्‍य आहे अथवा नाही या बाबत निवेदन करण्‍याकरिता मंचापुढे  उपस्थित राहण्‍यासाठी नोटिस काढण्‍यात आली होती.   तक्रारदारांना काढलेली पहीली नोटिस अपुरा पत्‍ता या शे-यासह परत आली.  यानंतर तक्रारदारांच्‍या कागदपत्रांची पाहणी करुन त्‍यांच्‍या कुलमुखत्‍यारपत्रा मध्‍ये नमुद पत्‍यावर  त्‍यांना पुन्‍हा नोटिस काढण्‍याचे आदेश करण्‍यात आले.  ही नोटिस तक्रारदारांना मिळाल्‍याची पोहच पावती निशाणी 5/1 अन्‍वये मंचापुढे दाखल आहे.   मंचाची नोटिस प्राप्‍त होऊनही तक्रारदार गैरहजर आहेत याचा विचार करिता  सदरहू प्रकरण चालविण्‍यामध्‍ये त्‍यांना स्‍वारस्‍य नाही  असा निष्‍कर्ष निघतो.  सबब सदरहू प्रकरण काढून टाकण्‍यात येत आहे.