निकालपत्र

निकाल दिनांक – १४/०१/२०२०

(द्वारा अध्‍यक्ष : श्री.विजय चंद्रलाल प्रेमचंदानी)

___________________________________________________________

१.   तक्रारदाराने ग्राहक संरक्षण कायदा १९८६ कलम १२ प्रमाणे सदर तक्रार दाखल केलेली आहे.

२.   तक्रारदाराने तक्रारीत असे कथन केले आहे की, तक्रारदाराने सामनेवाले यांचेकडे रिकरिंग ठेव खाते (आर.डी.) उघडले होते. त्‍यावेळी सदर खात्‍याची मुदत पुर्ण झाल्‍यामुळे सामनेवाले यांनी तक्रारदाराला धनादेश दिल्‍यानंतर सदर धनादेश वटवण्‍यासाठी पाठविल्‍यावर तो न वटता परत आला. तक्रारदाराने सामनेवालेकडे परत संपर्क केला असता सदर धनादेश पुन्‍हा बॅंकेत वटवण्‍यासाठी जमा केला, परंतु परत सदर धनादेश पुन्‍हा न वटता परत आला. तक्रारदार यांनी सामनेवालेकडुन धनादेशाची रक्‍कम रूपये १८,६६३/- घ्‍यावयाची होती. सदर धनादेश न वटल्‍यामुळे तक्रारदार यांनी दिनांक ०३-०८-२०१७ रोजी सामनेवालेकडे वकिलामार्फत नोटीस पाठविली. सदर नोटीस सामनेवाले यांना मिळूनही सामनेवालेने तक्रारदाराला खोट्या आशयाचे मजकूराचे उत्‍तर पाठविले. सदर बाबत सामनेवाले यांनी तक्रारदाराप्रती न्‍युनतम सेवा दिली असल्‍यामुळे तक्रारदाराने सदर तक्रार मंचासमक्ष दाखल केलेली आहे.

          तक्रारदाराने तक्रारीत अशी मागणी केलेली आहे की, तक्रारदारास त्‍याचे धनादेशाची रक्‍कम व्‍याजासह सामनेवालेकडुन मिळण्‍याचा आदेश व्‍हावा, तसेच तक्रारदाराला शारीरिक, मानसिक त्रासापोटी व तक्रार अर्जाचा खर्च मिळण्‍याचा आदेश व्‍हावा.  

३.   तक्रारदाराची तक्रार स्विकृत करून सामनेवाले यांना नोटीस काढण्‍यात आली. सामनेवाले प्रकरणात हजर झाले व निशाणी १३ वर कैफीयत दाखल केली. सदर कैफीयतीमध्‍ये सामनेवालेने असे कथन केले आहे की, तक्रारदाराने तक्रारीत लावलेले आरोप खोटे असुन नाकबुल आहे. तक्रारदाराचे रिकरिंग ठेव खाते (आर.डी.) मधील रक्‍कम रूपये २०,०००/- पेक्षा कमीची रक्‍कम रोखीने देता येते. परंतु तक्रारदाराचे तोंडी विनंतीवरून तक्रारदाराला वादातील धनादेश देण्‍यात आला. सदर धनादेश हा भारत सरकारचे खातेचा असल्‍याने तो न वटता परत येऊ शकत नाही. त्‍यात काहीतरी बॅंकेची चुक आहे व तक्रारदाराने दिलेल्‍या  नोटीसीला योग्‍य उत्‍तर सामनेवालेने तक्रारदाराला पाठविले. म्‍हणुन तक्रारदाराची तक्रार बेकायदेशीर असुन, खर्चासह खारीज होणेस पात्र आहे.

     सामनेवालेने पुढे असे कथन केलेले आहे की, जर तक्रारदार वादातील धनादेश सामनेवालेंना परत केला तर ते तक्रारदाराची रक्‍कम देण्‍यास तयार आहे.

४.   तक्रारदाराने दाखल केलेली तक्रार, दस्‍तऐवज, पुरावा सामनेवालेने दाखल केलेला जबाब, दस्‍तऐवज तसेच उभयपक्षांचा तोंडी युक्तिवाद ऐकला असता मंचासमक्ष खालीलप्रमाणे मुद्दे विचारात घेण्‍यात येत आहे.

मुद्दा क्र.१ -    

५.   तक्रारदार यांनी सामनेवाले यांच्‍याकडे रिकरिंग ठेव खाते (आर.डी.) उघडले होते व त्‍यात रूपये १८,६६३/- इतकी रक्‍कम जमा केली होती. ही बाब सामनेवाले यांना मान्‍य आहे. तसेच सदरील रिकरिंग ठेव खाते (आर.डी.) चा क्रमांक ९५८०८१५३३० असा आहे. ही बाबही उभयपक्षांना मान्‍य असुन, तक्रारदार हे सामनेवाले यांचे ग्राहक आहे, हे सिध्‍द होते. सबब मुद्दा क्र.१ चे उत्‍तर होकारार्थी नोंदविण्‍यात येत आहे.

मुद्दा क्र.२ -    

६.   तक्रारदाराने दाखल केलेले निशाणी क्रमांक ५ वरील दस्‍त क्रमांक १ वर मुळ धनादेशाची प्रत, तसेच परत आलेल्‍या धनादेशासंदर्भात स्‍टेट बॅंक ऑफ इंडिया व युनियन बॅंक ऑफ इंडिया यांचे मेमोची मुळ प्रत दाखल केलेली आहे. सदर धनादेशाची पडताळणी करता असे दिसुन आले की, सदर धनादेश हा भारत सरकार निदेशक लेखा (डाक), नागपूर वरिष्‍ठ डाकपाल, पोस्‍टमास्‍टर, अहमदनगर येथे देण्‍यात आलेला असुन सदर धनादेश दोन वेळा बॅंकेत जमा केला असल्‍याने दोन्‍ही वेळेला सामनेवालेकडुन तो न वटता तक्रारदाराकडे परत आला, असे सिध्‍द  होते. दुसरे वेळी न वटण्‍याचे कारण ‘ Not drawn on us ’ असे नोंदवीण्‍यात आले आहे. परंतु सदर धनादेश हा युनियन बॅंकने दिलेला आहे. सदर धनादेश हा स्‍टेट बॅंक ऑफ इंडीया कडुन देण्‍यात आलेला असुन भारत सरकारच्‍या  खात्‍यातुन देण्‍यात आलेला आहे. याचा अर्थ सदर धनादेश वटविण्‍याकरीता बॅंकेकडुन चुकून युनियन बॅंक येथे गेला. म्‍हणून न वटता परत आला. यात सामनेवाले क्र.१ व २ यांची सेवेत त्रुटी किंवा चुक दिसत नाही. सबब सामनेवाले क्र.१ व २ यांचा दिलेला धनादेश बॅंकेच्‍या चुकीमुळे न वटता परत आला म्‍हणुन सामनेवाले क्र.१ ते ३ यांनी तक्रारदाराप्रती कोणतीही न्‍युनतम सेवा दर्शवीली नाही, असे सिध्‍द होते. सबब मुद्दा क्र.२ चे उत्‍तर नकारार्थी नोंदवीण्‍यात येत आहे.

मुद्दा क्र.३ -    

७.  सामनेवाले क्र.१ ते ३ यांनी कैफीयतीत परीच्‍छेद १४ मध्‍ये  म्‍हटले आहे की, जर तक्रारदार वादातील धनादेश सामनेवालेंना परत केला तर ते तक्रारदाराची रक्‍कम रोख देण्‍यास तयार आहे. सामनेवालेने तक्रारदाराला रिकरिंग ठेव खाते (आर.डी.) चा रकमेचा धनादेश दिलेला आहे व सदर धनादेश अद्यापपावेतो वटलेला नाही, ही बाब ग्राह्य धरून तसेच मुद्दा क्र.१ व २ चे विवेचनावरून खालीलप्रमाणे अंतीम आदेश पारीत करण्‍यात येत आहे.

आदेश