(आदेश पारीत व्‍दारा-श्री.विजय सी.प्रेमचंदानी-मा.अध्‍यक्ष)

1.   तक्रारकर्ता यांनी सदरील तक्रार कलम 12 ग्राहक संरक्षण कायदा 1986 अन्‍वये दाखल केली आहे.

2.   तक्रारकर्ताने तक्रारीत असे कथन केलेले आहे की, तक्रारकर्ताच्‍या मालकीची शेतजमीन असून सदर शेतजमीनीमध्‍ये तक्रारकर्ता यांनी ऊसाचे पिक केलेले होते. सदरहु ऊस पिक हे सन 2017-2018 या चालू वर्षाचे गळीत हंगामामध्‍ये कारखान्‍यास गळीतासाठी जाण्‍यास तयार झालेले होते. दिनांक 15.08.2017 रोजी सामनेवाला यांच्‍या विद्युत तारा तुटल्‍याने त्‍या ठिकाणी स्‍पार्कींग निर्माण होऊन तक्रारकर्ताच्‍या ऊसाला आग लागल्‍याने तक्रारकर्ताचे 1 हेक्‍टर ऊसाचे जळीत झाले. सदरच्‍या तारामधून स्‍पार्कींग झालेमुळे ते बेकायदेशिर असल्‍याने तक्रारकर्ताचे नुकसान झाले. म्‍हणून तक्रारकर्ताने रक्‍कम रुपये 3,50,000/-  ची मागणी करण्‍याबाबत सामनेवाला यांना नोटीस पाठविण्‍यात आली. त्‍यास सामनेवालाने कोणतीही दखल घेतली नाही. म्‍हणून तक्रारकर्ताने सदर तक्रार मंचासमक्ष दाखल केलेली आहे.

3. तक्रारकर्ता तर्फे प्राथमिक युक्‍तीवाद ऐकण्‍यात आला असून तक्रारकर्ताला वारंवार तक्रारकर्ता हा ग्राहक संरक्षण कायदा 1986 चे कलम 2 (1) (डी) प्रमाणे “ ग्राहक ” कसा होतो यावर प्राथमिक युक्‍तीवादाकरीता वेळ देण्‍यात आला, परंतू तक्रारकर्ता हा त्‍यांचे वकीलासह सतत गैरहजर राहिले. तक्रारकर्ताने प्राथमिकदृष्‍टया प्रस्‍तुत प्रकरणात सामनेवालाचा कशा प्रकारे “ ग्राहक ” आहे या संदर्भात कोणताही पुरावा किंवा लिखीत कथन तक्रारीत केलेले नसल्‍याने तक्रारकर्ता हे सामनेवालाचे ग्राहक संरक्षण कायदा 1986 चे कलम 2 (1) (डी) यात दिलेल्‍या “ ग्राहक ” या संज्ञेत बसत नाही असे मंचाचे मत ठरले आहे व प्राथमिकदृष्‍टया सिध्‍द होते. सबब खालील प्रमाणे अंतिम आदेश पारीत करण्‍यात येत आहे.

- अं ति म आ दे श –

1.   तक्रारकर्ताची तक्रार अस्विकृत करण्‍यात येते.

2.   या तक्रारीचा खर्च तक्रारकर्ताने स्‍वतः सहन करावा.

3.   या आदेशाची प्रथम प्रत तक्रारकर्ता यांना निःशुल्‍क देण्‍यात यावी.

4.   तक्रारकर्ता यांना या प्रकरणाची “ब” व “क” फाईल परत करावी.

5.   सदर आदेश आज रोजी डायसवर पारीत करण्‍यात आला.