निकालपत्र

निकाल दिनांक – ०९/०१/२०२०

(द्वारा मा.सदस्‍या : श्रीमती.चारु विनोद डोंगरे)

___________________________________________________________

१.    तक्रारदार ही अहमदनगर येथील रहिवासी असुन सामनेवाले क्र.१ ही पतसंस्‍था असुन सामनेवाले क्र.२ हे अध्‍यक्ष व सामनेवाले क्र.३ हे शाखाधिकारी आहेत. तक्रारदार हिचे पतीचे दिनांक ०८-०४-२०१६ रोज निधन झाले. तक्रारदार हिने सामनेवाले पतसंस्‍थेमध्‍ये मुदत ठेव पावती केली. सदर पावतींचा क्रमांक २४२३, २२४२४, २२४२५, २२४२६, २२४२७, २२४२८, व २२४३१ असा असुन सदर मुदत ठेव पावत्‍या करून रक्‍कम गुंतविली. दिनांक ०९-१०-२०१७ रोजी सामनेवाले यांच्‍याकडे मुदत ठेव पावत्‍या व त्‍यावर व्‍याजाचे रकमेची मागणी केली. सामनेवाले यांनी १०-१२ दिवसात रक्‍कम देऊ, असे सांगितले परंतु दिली नाही. दिनांक २४-१०-२०१७ रोजी सदरच्‍या संस्‍थेचे कार्यालयात माहिती घेणेसाठी गेली असता सामनेवाले यांचे कार्यालय बंद होते. तक्रारदार हिने सदरची रक्‍कम तिच्‍या  मुलीच्‍या शिक्षणासाठी गुंतविलेली होती. तक्रारदार हिचे सेव्‍हींग खात्‍यामध्‍ये  असलेली रक्‍कम आजपोवेतो प्राप्‍त झालेली नाही. त्‍यामुळे तक्रारदार हिने मंचात तक्रार दाखल करून परिच्‍छेद क्रमांक ९ प्रमाणे मागणी केली आहे.  

२.   सामनेवाले क्र.१ ते ३ यांना नोटीसची बजावणी झाली परंतु मंचात हजर झाले नाही. त्‍यामुळे सामनेवालेविरूध्‍द एकतर्फा तक्रार चा‍लविण्‍याचा आदेश निशाणी क्र.१ वर करण्‍यात आला.

३.   तक्रारदार हिने दाखल केलेले कागदपत्र, शपथपत्र, लेखी युक्तिवाद पाहता न्‍यायनिर्णयासाठी खालील मुद्दे उपस्थित होतात व त्‍यांचे उत्‍तर आम्‍ही सकारण खालील विवेचनाप्रमाणे देत आहोत.

कारणमिमांसा

४.  मुद्दा क्र. (१) :   तक्रारदार हिने सामनेवाले क्र.१ या पतसंस्‍थेमध्‍ये  सामनेवाले क्र.२ हे अध्‍यक्ष व सामनेवाले क्र.३ हे शाखाधिकारी असतांना त्‍या  पतसंस्‍थेमध्‍ये मुदत ठेव पावत्‍या केल्‍या होत्‍या. सदरहु मुदत ठेव पावतींचा क्रमांक २४२३, २२४२४, २२४२५, २२४२६, २२४२७, २२४२८, व २२४३१ असा होता. ही बाब स्‍पष्‍ट करणेसाठी तक्रारदार हिने मंचात सदरहु पावत्‍यांचे छायांकीत  प्रती दाखल केलेल्‍या आहेत. तसेच तक्रदार हिने सामनेवाले पतसंस्‍थेमध्‍ये तिचे नावे ४३४ खाते क्रमांक असलेले बचत खाते आहे. ही बाब दाखल कागदपत्रांवरून स्‍पष्‍ट केली आहे. यावरून तक्रारदार ही सामनेवाले यांची ग्राहक आहेत हे स्‍पष्‍ट होते. म्‍हणुन मुद्दा क्र.१ चे उत्‍तर होकारार्थी देण्‍यात येत आहे.

५.  मुद्दा क्र. (२ व ३)  -  तक्रारदार हिने तिच्‍या नावे सामनेवाले क्र.१ या पतसंस्‍थेमध्‍ये मुदत ठेव पावत्‍या केलेल्‍या आहेत. त्‍या मुदत ठेव पावतींचा क्रमांक २४२३, २२४२४, २२४२५, २२४२६, २२४२७, २२४२८, व २२४३१ असा असुन ४३४ खाते क्रमांक असलेले बचत खाते सामनेवाले यांचे पतसंस्‍थेमध्‍ये काढलेले होते. सदरहु मुदत ठेव पावतींचा मुदत पुर्तता दिनांक ०९-१०-२०१७ रोजी संपल्‍यामुळे तक्रारदार हिने सामनेवाले यांच्‍याकडे दिनांक १०-१०-२०१७ रोजी मुदत ठेव पावती रकमेची मागणी केली. परंतु सामनेवाले यांनी सदरची रक्‍कम आजपावेतो दिली नाही. तक्रारदार हिने मुदत ठेव पावतींमध्‍ये रक्‍कम गुंतविल्‍याची बाब दाखल मुदत ठेव पावतींवरून स्‍पष्‍ट होते. सदर तक्रारीमध्‍ये  सामनेवाले हे हजर झाले नाही. त्‍यामुळे त्‍यांनी तक्रारदाराचे म्‍हणणे खोडुन काढण्‍याची संधी गमावली. तक्रारदार हिने तक्रारीत परिच्‍छेद क्रमांक ४ मध्‍ये  कथन केले आहे की, सदरहू पावत्‍यांचे त्‍यांनी नुतणीकरण करतेवेळी त्‍यावर व्‍याज त्‍याच संस्‍थेमध्‍ये बचत खाते क्रमांक ४३४ मध्‍ये जमा केली आहे व ती रक्‍कम रूपये २३,९७६/- अशी आहे. ही बाब स्‍पष्‍ट करणेसाठी प्रकरणात दाखल असलेले कागदपत्रांचे अवलोकन केले असता बचत खातेची प्रत दाखल आहे व  त्‍यावर सदरची रक्‍कम नमुद आहे. तक्रारदार हिने कथन केले आहे की, बचत खात्‍यामध्‍ये जमा असलेली रक्‍कम ही पावत्‍यांवरील व्‍याजाची रक्‍कम आहे. यावरून तक्रारदार ही मुदत ठेव पावतीची रक्‍कम व्‍याजासह मिळण्‍यास पात्र ठरत आहे, या निर्णयाप्रत हे मंच येत आहे. मुदत ठेव पावत्‍यांची मुदतपुर्वी नंतरची रक्‍कम व त्‍यावरील व्‍याज बचत खात्‍यामध्‍ये जमा आहे. ती संपुर्ण रक्‍कम मुदत ठेवीच्‍या मुळ रकमेसोबत व्‍याजासह सदरची रक्‍कम तक्रारदार यांना देण्‍यात यावी, असे मंचाचे मत आहे. तसेच सामनेवाले यांनी तक्रारदार हिने ठेवींच्‍या  रकमेची मागणी केली परंतु दिली नाही व मंचात हजर होऊन तक्रारदाराचे म्‍हणणे खोडून काढले नाही. अशा प्रकारे सामनेवाले यांनी तक्रारदार हिला न्‍युनतम सेवा देवून सेवेत त्रुटी दिली, ही बाब स्‍पष्‍ट झाली आहे. तक्रारदार हिने तिच्‍या मुलीचे शिक्षणासाठी व भविष्‍यासाठी सामनेवाले यांच्‍या पतसंस्‍थेत ठेव पावत्‍या केल्‍या होत्‍या व रक्‍कम गुंतविली. त्‍यामुळे सदरची मुदत ठेव पावतींची मुदत संपल्‍यानंतर तक्रारदार हि रक्‍कम मिळण्‍यास पात्र ठरत आहे. म्‍हणुन मुद्दा क्रमांक २ व ३ चे उत्‍तर होकारार्थी देण्‍यात येत आहे.

६  मुद्दा क्र. (४) : मुद्दा क्रमांक १, २ व ३ वरील विवेचनावरून खालीलप्रमाणे आदेश पारीत करण्‍यात येत आहे.   

आदेश