व्‍दारा- श्री.एस.एस.पाटील,मा.सदस्‍य, तक्रारदार स्‍वतः हजर त्‍यांचे कथन ऐकले व कागदपत्रांचे अवलोकन केले.  यातील सामनेवाला नं.1 हे बोरीवली मुंबई येथील पत्‍ता तक्रारीत नमुद आहे.  सामनेवाला नं.2 हयांच्‍याविरुध्‍द तक्रारीतील दाद मागितलेली नाही.  तक्रारदार यांनी पैशांची देवाण घेवाण बोरीवली येथे केलेली आहे.  सामनेवाला नं.1 यांनी व्‍यवहार त्‍यांचे बोरीवली येथे केलेला आहे.  त्‍यामुळे सदरच्‍या वादाचे कारण ग्राहकसंरक्षण कायदा कलम-11 नुसार ठाणे ग्राहक तक्रार निवारण मंचाच्‍या अधिकारीते बाहेर आहे.  म्‍हणून या तक्रार निवारण मंचास सदरची तक्रार चालविण्‍याचा अधिकार नसल्‍याने सदर तक्रारदारास योग्‍य ग्राहक तक्रार निवारण मंचात दाखल करण्‍याची अनुमती देऊन सदर तक्रार काढून टाकण्‍यात येते.

Dated the 27 Feb 2013